CHISƆSI 'A SƆ MƆƐ NU 18:27 - Yataa 'a Dɔbɛnɛ Nama

²⁷ Chɛ gbakɔ, a toen ni kɛn a ni ben Akaya chɛnyɛ ɔ, suun ma nyɔɛ chɛ nu Chasi ɔ, an‑na a faa ma nande wan. Mbɛ an‑na gboo nyɛn an suun ma nyɔɛ chɛ n tena Akaya, an dɔ, an ni an boo si a kɔɔ chɛndɛ chɛ. A che‑a kɛn Akaya, a basan‑da wan mɔɛ chɛ n ma kaka, miin na‑a an kai fa Chisɔsi a, koadia demanɛ 'a gbasaya ɔ, Yataa ɛ min chɛ.

CHISƆSI 'A SƆ MƆƐ NU 18:27 ပူးပေါင်းရင်းမြစ်များ

CHISƆSI 'A SƆ MƆƐ NU 1:15

Tee kuunden gbakɔ, mɔɛ miin‑na an kai fa Chisɔsi Chasi a, an bɛn‑da wan kaina dɔndɔ. An danɛ taen fan ni mɔ chɛmɛ dɔndɔ, ni mɔ bi fea ɔ. Mbɛ Pita‑a a kɔɔ sɔ, koɔ koe a an tena.

CHISƆSI 'A SƆ MƆƐ NU 11:26

A‑a a yen kɛn, a‑a a ma wan, mbɛ an fea yɛ‑a a a Andiɔki duu ɔ. An ni bɛn fan, an bɛ chɔchi mɔɛ chɛ n na, an mbe ta‑a an sɛsɛ kan‑da. An ni wan nɔ san dɔndɔ ko a. Andiɔki ni, tɔɛ chɛ si‑a an kun ma, an dɔ, Chisianɛ nu, an fɛn kai faen ni Chisɔsi a.

CHISƆSI 'A SƆ MƆƐ NU 18:12

Chɛɛ an‑na Kadio ma tima min na kɔfana a, Akaya chɛnyɛ kun ma, Chu n‑na kuiɛ a kanɛ chɛ Pɔɔ ma, mbɛ an‑na a bia, an na‑a a a kɔfana chɛ 'a kuti ɔ.

CHISƆSI 'A SƆ MƆƐ NU 18:18

Koe chɛ maenɛ gbakɔ, Pɔɔ ni wan Kɔyindi tee kuun ko a. Mbɛ a‑a a saa suun ma nyɔɛ chɛ n na nɔ Chasi ɔ, a si‑a dɛndɛ ɔ, an bɛ Pisida an fea a chɛɛ Akuida a, ta koe a Siyia chɛnyɛ ɔ. An mbe e na to si‑a dɛndɛ ɔ, a ka Sɛnkea duu ɔ, an‑na a kunɛ gbanan fan. Koe min na mu, a na‑a a kai wan tee a kɔma a, Yataa tena.

CHISƆSI 'A SƆ MƆƐ NU 19:1

Apɔdɔsi ni kɛn Kɔyindi duu ɔ, Pɔɔ bɔ‑a wan chɛnyɛ kun ma chia a, mbɛ a che‑a Ɛfisɔsi duu ɔ, a‑a Chisɔsi fɛ mɔɛ dɔ n tan kaina min.

CHISƆSI 'A SƆ MƆƐ NU 9:27

Chɛɛ Banabasi basan‑da wan Sɔɔ ma, a yian koe a Chisɔsi 'a sɔ mɔɛ chɛ n na. A‑a a ɔ yian fan an na, Mansa Chisɔsi bɔ‑a buɛ min dɔ Sɔɔ ya a, kɛn a ni ta tena Damasikɔsi. A yɛ to, Mansa Chisɔsi koɔ‑a buɛ min dɔ a tena. Banabasi yɛ‑a wan to, a‑a a ɔ yian, Sɔɔ na‑a Yataa bai sa buɛ min dɔ faagbɛa a, mɔɛ n tena Damasikɔsi, a si Chisɔsi ma.

GBOO DOMI KO A 1:5

Yataa‑a a ma wan, Chasi 'a duaya ɔ, nn ma‑a a 'a sɔ mɔɛ a. A‑a chɛ ma, min mbe a ma, nn ni a ma mɔɛ n gbɛɛ dunya ɔ, danaya ni ma an dɔ Yataa ko a, mbɛ an‑na kooya be Chisɔsi ma.

GBOO SAA KƆYINDI KO A 15:10

Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.

GBOO SAA KƆYINDI KO A 16:3

N sin mbe a fo‑a kɛn, n mbe gboo be‑a wan mɔɛ chɛ n ma, wo‑a miin yian ma koe a wo 'a sɔ mɔɛ n na. N mbe wo boo fenɛ be‑a wan an ma, an ni ta a a Chuusaɛn duu ɔ.

GBOO SAA KƆYINDI KO A 3:6

N fan‑na wai chɛ kuu sɔ, mbɛ Apɔdɔsi‑a toa si a kɔɔ. Chɛɛ Yataa wandi gbu an‑na a ma, a ta‑a ya ɔ ma.

GBOO FEAN BƆƐ KƆYINDI KO A 1:24

Nn mbe ee a din tena wo ma fɔsɛɛ a, wo e dan koe min na. Nn‑na a ɔ sɔn fan, wo kai faen fan mu Chisɔsi a gban. Nn mbe a ma tena, tee ɔ tee a, mmɔ bɛ ɛ wai chɛ tena, wo 'a buɔdia ko a.

Gboo Fiipai Ko A 1:25

N danden fan mu chɛ a. A sin, n ko a, n‑na a ɔ sɔn fan, mbɛ n mbe ma‑a wan fɔɛ chɛ ɔ. N mbe ma‑a wan tun wo gbɛɛ tɛ ɔ, n ni basan wo ma, wo‑a wo kai fa min chɛ Chasi a, a ma ni munda. Chɛ ni a ma, wo bu ɔ ni dia, a chenama ɔ, Chisɔsi Chasi a.

Gboo Fiipai Ko A 1:29

Koe min na mu, ɛ wan gbɛ Yataa boo ɔ wo ko a, mbɛ Chasi chɛ wakoe, wo kai fa koe ma dechee a a. Chɛɛ wo gbu, wo e tɔɔya ɔ bia‑a wan a ko a.

Gboo Kɔdɔsai Ko A 2:12

Yii chɛ‑a kɛn wo kunɛ ɔ, Yataa chia a, a tima chɛ a, a ma‑a wan yɔ wo tɔn‑da wan ka, wo bɛ Chasi a. A yɛ to, mbɛ Yataa‑a wo kɔɔ sɔ, a ka saya ɔ, wo bɛ Chasi a to. Danaya ni wan wo ɔ Yataa 'a gbasaya ko a, min‑na Chisɔsi kɔɔ sɔ, a ka saya chɛ ɔ. An danaya chɛ sin fan‑na a ma, chɛ ma‑a.

Gboo Kɔdɔsai Ko A 4:10

Nn fea ɛ nɛ n bɔɛ min na pimbi chenɛ a, Ayisitakɔsi, a wɛɛ ɛ wo kɔndɔn tena. Maki wɛɛ, Banabasi suun ma nyɔɛ chɛ, ɛ wo kɔndɔn tena. Min sien mu mɔna chɛ ma, n ban‑da a ɔ yian‑da wo a, wo e min ma, ni a che‑a wo ma. Wo wo boo si a kɔɔ chɛndɛ chɛ.