CHISƆSI 'A SƆ MƆƐ NU 18:26 - Yataa 'a Dɔbɛnɛ Nama

²⁶ A‑a a kuu sɔ wan koɔ‑a, faagbɛa a, Chu n 'na samun chɛ chen chɛ a. Chɛɛ Pisida an fea a chɛɛ Akuida a, an‑na a da a bai chɛ a min kɛn, an‑na a ya wan, an ta‑a a a an 'na chenɛ a. Mbɛ an‑na chia chɛ wakoe ɔ yian a a chɛndɛ chɛ, Yataa‑a min yian.

CHISƆSI 'A SƆ MƆƐ NU 18:26 ပူးပေါင်းရင်းမြစ်များ

MAKI 10:15

N ni a ma din wo tena, mbɛ ni mɔ ɔ mɔ ma dɔn ni, a ni don Yataa 'a mansaya kɔɔ yɔ den mɛsɛ chɛ nu, an mɔɛ chɛ ee che ma‑a Yataa ta a.”

DUKU 19:26

Mbɛ mansa chɛ ɔ, ‘N ni a ma din wo tena, mbɛ mɔɛ min mbe a 'a wai ma ti bia chɛndɛ chɛ, ɛ wai ma munda sɔn fan. Chɛɛ mɔɛ min mbe ee a 'a wai ɛnden chɛ ma ti bia, ɛ fo‑a wan an wai ɛnden chɛ wɛɛ a.

DUKU 24:27

Mbɛ a‑a a ɔ yian an na, koe miin nyɛnden ni a si a ma Yataa 'a gboo gbɛɛ ɔ. A‑a a kuu sɔ chɛ an ma, Mosisi‑a miin nyɛn, a ta Yataa 'a gbonka chɛ mɔɛ n gbɛɛ‑a miin nyɛn.

CHƆN 7:17

Mɔ ɔ mɔ min ma bɛnden mu, Yataa faa ma koe ma koe a, an mbe a ɔ sɔn, n mbe kanɛ min chɛ tena. A mɔɛ chɛ, an mbe a ɔ sɔn, ni n mbe Yataa da a bai an na ben tena. Chɛ ma, an mbe a ɔ sɔn, ni n mbe a chɛ tena n fandi kun ma an na.

CHISƆSI 'A SƆ MƆƐ NU 14:3

Pɔɔ an fea Banabasi a, an ni wan nɔ an duu chɛ ɔ, tima ɔ yansama ko a. An ni bai sa wan faagbɛa a, a si Mansa Chisɔsi ma. Mansa Chisɔsi sin gbu‑a a ɔ yian fan, mbɛ sakana bai chɛ, an mbe min sa, a si a 'a koadia demanɛ ma, tea bai nu mu. Chisɔsi ni a ma wan, sɔ mɔɛ chɛ n ni kamaya ko wa sɛsɛ n ma, an kun ma a a.

CHISƆSI 'A SƆ MƆƐ NU 18:18

Koe chɛ maenɛ gbakɔ, Pɔɔ ni wan Kɔyindi tee kuun ko a. Mbɛ a‑a a saa suun ma nyɔɛ chɛ n na nɔ Chasi ɔ, a si‑a dɛndɛ ɔ, an bɛ Pisida an fea a chɛɛ Akuida a, ta koe a Siyia chɛnyɛ ɔ. An mbe e na to si‑a dɛndɛ ɔ, a ka Sɛnkea duu ɔ, an‑na a kunɛ gbanan fan. Koe min na mu, a na‑a a kai wan tee a kɔma a, Yataa tena.

CHISƆSI 'A SƆ MƆƐ NU 18:25

A kanden fan ni gbɛ, chia chɛ ma, Mansa Chisɔsi‑a min yian. A sin ni bai sa wan a si Chisɔsi ma, a sɔɛ gbɛɛ a, paa ee a ma. A‑a chɛ ma wɛɛ, chɛɛ a‑a koe chɛ an dɔ gbɛ dechee, min sien ni yii chɛ ma mɔɛ n kunɛ ɔ, Yataa chia a, Chɔn na‑a min fɔ.

CHISƆSI 'A SƆ MƆƐ NU 19:8

Kau sawa ko a, Pɔɔ ni ta wan Chu n 'na samun chɛ chen chɛ a, a sin ni koɔ wan nɔ faagbɛa a. A ni koe n tɛnsɛ wan, an bɛ an na, a sin ni an disa wan, a si Yataa 'a mansaya wakoe ma.

CHISƆSI 'A SƆ MƆƐ NU 28:23

Mbɛ an‑na tee yian Pɔɔ a, an mbe bɛn tee min ma, a yia chenɛ a. An tee chɛ che‑a kɛn, an na‑a wan a tena, an da a koaen ba. Mbɛ a ka sau ma ma, aan yɛɛ ma tee a, Pɔɔ si‑a wan ko ɔ ko ma, a‑a a ɔ yian mɔɛ chɛ n na. Pɔɔ‑a bai ɔ yian fan, a si Yataa 'a mansaya ma, an yiima mun koe a Chisɔsi tena. A‑a bai chɛ bɔ sawa chɛ an dɔ, Yataa‑a miin be Mosisi ma, a basan gboo chɛ ɔ a, Yataa 'a gbonka chɛ mɔɛ n 'na gboo chɛ.

CHISƆSI 'A SƆ MƆƐ NU 8:31

Mbɛ a ɔ, “N mbe ee che a ɔ gbɛ‑a, mɔɔ ni mɔɛ‑a n sɔ chia ma.” Mbɛ a gbu‑a a fɔ Fiipi ye, a ɔ, a ni sɛ mɔto gbingbi chɛ ɔ, a ni si a baima.

GBOO SAA KƆYINDI KO A 12:21

Chɛ an fɛ mu gbɛ, ya ee che a fɔ‑a boo ye, a ɔ, a ma gbɔsɔ ee a ma. A yɛ to, n mbe ee a fɔ, kunɛ wɛɛ ni a fɔ chenɛ ma, a ɔ, a ma gbɔsɔ kan kɔ kan mbe ee a ma.

GBOO SAA KƆYINDI KO A 3:18

Mɔ ɔ mɔ ma a wandi woo. Wo dɔndɔ wɛɛ ma a wandi ya yiimatɛ tɔ wa a, dunya chɛ ta chia a. Wo wo wandi woo mɔ a bɔɛ chɛ pɛn, min mbe a ma, wo ni ma yiimatɛ tɔ wa an na, Yataa ta chia a.

GBOO SAA KƆYINDI KO A 8:2

Ni a ma‑a mɔ ɔ mɔ 'a yiinachii ɔ, mbɛ a‑a koe sɔn fan, a ni ma a yii ma, mbɛ a ma ko sɔn, yɔ a gbu ɛ min sɔn.

GBOO IBU MƆƐ N KO A 6:1

Chɛ an fɛ mu, mmɔ koe chɛ n to, Chasi ni mmɔ kan miin na, yɔ den mɛsɛ nu. Mmɔ a kuu sɔ gbɛ mmɔ yii na chii‑a yɔ mɔɛ miin yii kɔɔen mu. Mmɔ sɛmbɛ mmɔ gba ɔ tɛn tɛn koe a, ko mɛsɛ chɛ n kan koe a, a si Chisɔsi ma. Koe chɛ nu, miin mbe a ma, an ni an mun, an ni sɛmbɛ ko yama chɛ n ma‑a, miin mbe a ma, an ni saya ma sɔn. Mmɔ yɛ to, mmɔ ni a ɔ yen, an ni an kai fa Yataa a.

2 PITA 3:18

Chɛɛ koadia demanɛ, a kun ma ni sa wo tena. A yɛ to, yiima min mbe wo ɔ, a si mmɔ 'a mansa Chisɔsi Chasi ma, mmɔ baun mɔɛ, a kun ma ni sa. Tando ni ma a tɔɛ ma sanche, ni kuɔ fɔ ko a. A ni ma ka.