CHISƆSI 'A SƆ MƆƐ NU 18:25 - Yataa 'a Dɔbɛnɛ Nama

²⁵ A kanden fan ni gbɛ, chia chɛ ma, Mansa Chisɔsi‑a min yian. A sin ni bai sa wan a si Chisɔsi ma, a sɔɛ gbɛɛ a, paa ee a ma. A‑a chɛ ma wɛɛ, chɛɛ a‑a koe chɛ an dɔ gbɛ dechee, min sien ni yii chɛ ma mɔɛ n kunɛ ɔ, Yataa chia a, Chɔn na‑a min fɔ.

CHISƆSI 'A SƆ MƆƐ NU 18:25 ပူးပေါင်းရင်းမြစ်များ

MAKI 1:3

Aisaya‑a a nyɛn fan to, a ɔ, “Mɔɛ yen ko gbonka chɛ‑a fuinɛ ma, a ɔ, mɔɛ n ni tan Yataa tena. A ɔ, an ni an fandi n dɔ bɛn Mansa Yataa ya ɔ, yɔ an mbe chia ɔ bɛn buɛ min dɔ an 'na mansa n ya ɔ.”

MAKI 12:14

An na‑a Chisɔsi tena, mbɛ an dɔ, “Ticha, nn‑na a ɔ sɔn fan, mbɛ danaya tɔɛ mu i a. I ma i gbɔsɔ ni mɔ gbu ɛ min fɔ, a si i ma, chɛɛ e tea an na tachɛ tun. A yɛ to, nn‑na a ɔ sɔn fan, mbɛ i ma i gbɔsɔ ni mɔ 'a sɔ tena ko a, chɛɛ e mɔɛ n kan Yataa bai miin gbɛɛ a, tea mu an na. A ɔ yian bɛ nn na, i ta yiima ɔ, i‑a pawa chɛ be koe yen ka ma Domi kun ti wa ma, a nyin fan?”

DUKU 1:4

min mbe a ma, i wɛɛ ni a ɔ gbɛ chɛndɛ chɛ. I ni a ɔ gbɛ, tea min mbe koe chɛ n gbaa, i kan‑da miin ma. N bɛɛ, n mbe ka gbɛ koe chɛ n fan nyɛn‑da i tena, n‑na koe miin kɔɔ gbɛngbɛn.

DUKU 7:29

Mɔɛ chɛ n gbɛɛ, a basan pawa kain mɔɛ chɛ n na, an‑na a a min, Chisɔsi‑a bai min fɔ. A sin an gbɛɛ dɔn‑da wan a ma, mbɛ Yataa toen mu koe min na, a mu tea koe an na. A mu min na, Chɔn na‑a yii chɛ wan an kunɛ ɔ tee, Yataa chia a.

CHISƆSI 'A SƆ MƆƐ NU 13:10

mbɛ a ɔ, “I wan, Sitana 'a denɛ. Ko chɛndɛ kan kɔ kan chɛɛ ma nyɔɛ mu i a. Chɛwɛɛ yama yama gbɛɛ ɛ i ɔ, mɔɛ n bun koe a. A sin, e butuin chɛ tena wan tima ɔ tima, i ni Mansa Yataa 'a tea mun fania a.

CHISƆSI 'A SƆ MƆƐ NU 16:17

A bea‑a wan nn fɛ, nn bɛ Pɔɔ a, ɛ ta‑a yee tɛ‑a, a ɔ, “Kamin chɛ nu, Mansa Yataa Wa 'a wai chɛ mɔɛ n fan nɛ. An fan mbe a ɔ yian tena wo a, Yataa ɛ wo baun buɛ min dɔ.”

CHISƆSI 'A SƆ MƆƐ NU 18:26

A‑a a kuu sɔ wan koɔ‑a, faagbɛa a, Chu n 'na samun chɛ chen chɛ a. Chɛɛ Pisida an fea a chɛɛ Akuida a, an‑na a da a bai chɛ a min kɛn, an‑na a ya wan, an ta‑a a a an 'na chenɛ a. Mbɛ an‑na chia chɛ wakoe ɔ yian a a chɛndɛ chɛ, Yataa‑a min yian.

CHISƆSI 'A SƆ MƆƐ NU 19:23

A tima chɛ a, gbunɛ min‑na a kuu sɔ Ɛfisɔsi, a nii ma dɔ, a si mɔɛ n ma, Chisɔsi fɛ chia a.

CHISƆSI 'A SƆ MƆƐ NU 19:3

Mbɛ Pɔɔ ɔ te, “Mbɛ yii minan sima chɛ‑a gbɛ wo kunɛ ɔ?” Mbɛ an dɔ te, “Chɔn‑na yii chɛ buɛ min dɔ mɔɛ n kunɛ ɔ, Yataa chia a.”

CHISƆSI 'A SƆ MƆƐ NU 19:9

Chɛɛ dɔ n too ɔ ni gbɛ wan, min‑na a ma, an nii ma dɔn ni dan koe a Pɔɔ a. A sin, mɔɛ n gbɛɛ ya kɔɔ ni, an ni bai yama n sa, a si chia ma, Mansa Chisɔsi‑a min yian mɔ gbu a, a sɔ koe a a fɛ. Mbɛ Pɔɔ sɛmbɛ‑a koɔ koe a an tena, a ka‑a an fɛ. Mbɛ a‑a Chisɔsi fɛ mɔɛ chɛ n bɔ an ya a, an ta‑a a a. A sin ni koe n tɛnsɛ wan, tee ɔ tee a, an bɛ an na, chen ba dɔ mende a, min ni Tayanɔsi ta a, kanɛ ni chɛ kaina min.

CHISƆSI 'A SƆ MƆƐ NU 9:2

mbɛ a‑a a ɔ tisa, gboo be koe a a ma. Gboo nyɛndenɛ chɛ, ɛ kun fan a ni a wakoe ɔ yian, ya ɔ sɔɛ chɛ n na, Chu n 'na samun chɛ chenɛ n na, Damasikɔsi duu ɔ. A na‑a chɛ ma koe min na, a toen ni, ni a‑a mɔ ɔ mɔ tan, min‑na a sɔ chia chɛ fɛ, Chisɔsi‑a min yian ka a sɔ koe a a fɛ, a ni a bia. A ni ma mɔ kaima a, chɛ ma, musu wɛɛ, a ni na a a Chuusaɛn duu bu ɔ.

GBOO DOMI KO A 12:11

Wo ma ma gboo ɔ fa tɔɛ n na, wo wai chɛ wo sɔɛ gbɛɛ a. Wo wo wandi be Mansa Yataa ma, wo ni a 'a wai chɛ wo faa gbɛɛ a.

2 TIMOTI 2:4

Mɔ ɔ mɔ min mbe soya ɔ, a ma bɛnden mu tima ɔ tima don koe an na ya ɔ sɔɛ da a kuiɛ kɔɔ. A ee a boo chɛ koe n dɔ, mɔ gbama n mbe miin ma.

CHIMISI 5:16

Chɛ ko a, wo wo 'a ko yama n kɔɔ yian wo nyɔn na. Mbɛ wo‑a samunɛ chɛ wo nyɔn ko a. Chɛ ɛ na‑a wan bauncha a wo tena, wo 'a gbandi n dɔ. Mɔɛ min tanden mu Yataa tena, ɛ samunɛ min chɛ, a faa gbɛɛ a, gbasaya koo min mbe bɔ a ɔ.