CHISƆSI 'A SƆ MƆƐ NU 18:24 - Yataa 'a Dɔbɛnɛ Nama

²⁴ A tima chɛ a, Chu mɔ dɔndɔ, min tɔ ni Apɔdɔsi, min suun‑da Adɛsandia duu ɔ, a na‑a wan Ɛfisɔsi duu ɔ. A ni kosan kaka bai sa a, a sin to, a‑a Yataa 'a gboo ɔ gbɛ wan chɛndɛ chɛ.

CHISƆSI 'A SƆ MƆƐ NU 18:24 ပူးပေါင်းရင်းမြစ်များ

MATIU 13:52

Mbɛ a ɔ, “Chɛ ma yau. Koe min na mu, ni mɔ ɔ mɔ‑a Yataa 'a sawa sɔn, ni mɔ ɔ mɔ‑a n 'na kanɛ sɔn, a si Yataa 'a mansaya ma, ɛ wan yɔ chen ti. Ni a boo fenɛ ma gbɔsɔɛ‑a a bia, ɛ a bɔ wan a ka a sa tena ɔ bɛn tena, a boo fenɛ kɔma basan a nama a.”

DUKU 24:19

Mbɛ Chisɔsi ɔ, “Wuo, fen ko chɛ‑a a ɔ?” Mbɛ an dɔ, “An‑na koe miin sɛ Chisɔsi ma, min ka‑a Nasaɛti duu ɔ. Kamin chɛ, Yataa 'a gbonka chɛ mɔɛ ni a a. A na‑a kamaya ko wa miin ma, a basan bai n na, a ni miin fɔ, an na‑a a ɔ yian fan, mbɛ Yataa ni wan a kɔ. Mɔɛ n gbɛɛ danden fan ni a a, mbɛ Yataa 'a gbasaya ni wan a ɔ.

CHISƆSI 'A SƆ MƆƐ NU 18:19

An che‑a kɛn Ɛfisɔsi duu ɔ, Pɔɔ n tɛ du‑a wan Pisida, an fea a chɛɛ Akuida a. A ta‑a wan Chu n 'na samun chɛ chen chɛ a, koe n tɛnsɛ koe a, an bɛ Chu mɔɛ chɛ n na nɔ Ɛfisɔsi.

CHISƆSI 'A SƆ MƆƐ NU 18:21

Chɛɛ a ni kɛn a saa an na, a‑a bai chɛ an fɔ an ye, a ɔ, “Ni Yataa dɔn‑da, n mbe yɛ‑a wan to wo tena.” Mbɛ a si‑a dɛndɛ ɔ, a ka Ɛfisɔsi, mbɛ a ta‑a.

CHISƆSI 'A SƆ MƆƐ NU 18:28

Koe min na mu, a ni ma koe n tɛnsɛ‑a, Chu mɔɛ n nii sɔ a a ɛnden bɛɛ a. A‑a a ɔ yian fan an na, a ka Yataa 'a gboo ɔ, mbɛ kunka mansa mu Chisɔsi an na.

CHISƆSI 'A SƆ MƆƐ NU 19:1

Apɔdɔsi ni kɛn Kɔyindi duu ɔ, Pɔɔ bɔ‑a wan chɛnyɛ kun ma chia a, mbɛ a che‑a Ɛfisɔsi duu ɔ, a‑a Chisɔsi fɛ mɔɛ dɔ n tan kaina min.

CHISƆSI 'A SƆ MƆƐ NU 27:6

Nɔ ni soya gbakoo chɛ‑a dɛndɛ tan, a ka Adɛsandia duu ɔ, min ni ta tena Itadi chɛnyɛ ɔ. Mbɛ a‑a nn na sɛ an dɛndɛ gbu ɔ.

CHISƆSI 'A SƆ MƆƐ NU 6:9

Chɛɛ tee dɔndɔ a, mɔɛ dɔ n ka‑a wan Chu n 'na samun chɛ chenɛ a, an ni min chee, an dɔ, Chu miin bɔ‑a yɔncha ɔ, an 'na samun chɛ chenɛ. Mbɛ an bun‑da bai tɛnsɛ‑a an nyɔn tɛ, an bɛ Sitibin na. Chu mɔɛ n ni an mɔɛ chɛ n na, miin ka‑a Sayini duu ɔ, a basan Adɛsandia duu ɔ a. A yɛ to, Chu mɔ dɔ mende nu, miin ka‑a Sidisia, an fea Esia chɛnyɛ ɔ a, an ni wan nɔ.

CHISƆSI 'A SƆ MƆƐ NU 7:22

Mansa 'a den musuma chɛ‑a a ma wan, an‑na Mosisi kan yiimatɛ wa chɛ gbɛɛ a, Ichipi mɔɛ n dɔ. A sin, a kosan‑da wan koɔ‑a kaka, a yɛ to, a chɛ chɛ wai ni nyin.

GBOO SAA KƆYINDI KO A 1:12

N mbe min fɔ tena wo ye, an nɛ. Mbɛ wo gbɛɛ, wo da a kuiɛ ee kaina dɔndɔ. Wo dɔ n mbe a fɔ wan, wo ɔ, “Pɔɔ fɛ mɔɛ mu n na.” Mbɛ wo dɔ n‑na a fɔ, wo ɔ, “N mbe Apɔdɔsi an fɛ,” dɔ n dɔ, “Pita,” dɔ n sin dɔ, “Chasi fɛ mɔɛ chɛndɛ mu n na.”

GBOO SAA KƆYINDI KO A 16:12

Wo 'a gboo‑a min fɔ, a si mmɔ suun ma nyɔɛ ma Chasi ɔ, min mu Apɔdɔsi a, ka n mbe koɔ gbɛ a si a ma. N mbe a ma nande n faa gbɛɛ ɔ, a ta koe a wo kɔndɔn‑da, an bɛ mmɔ suun ma nyɔɛ dɔ n na Chasi ɔ. A bu ɔ nii ma di ɛnden bɛɛ a, na koe a nɔ sanche. Chɛɛ chɛ gbɛɛ ɔ, ni a‑a tima ma sɔn, ɛ na‑a wan nɔ.

GBOO SAA KƆYINDI KO A 4:6

N suun ma nyɔɛ nu Chasi ɔ, n‑na nn fandi ya tɔmɔsi a, nn fea Apɔdɔsi a, wo 'a tɔnɔnɛ an ko a. Chɛ ni a ma, Yataa 'a gboo‑a min fɔ, wo ma na tandin a ɔ. Wo ma na yonka tɛ, mɔɛ dɔndɔɛ wakoe ma, mbɛ wo tɛ‑a dɔndɔɛ sin dɔ.

GBOO FEAN BƆƐ KƆYINDI KO A 10:10

Mɔɛ n mbe a fɔ wan, an dɔ, “Pɔɔ ɛ bai miin nyɛn a 'a gboo n dɔ, an kɔɔ fanka wan, dimaya wɛɛ an dɔ. Chɛɛ,” an dɔ, “ni a ma‑a mmɔ tɛ ɔ, a ma chimaen mu, baa wɛɛ ee a da a kuiɛ ma.”

Gboo Kɔdɔsai Ko A 3:16

Sakana bai chɛ, a si Chasi ma, a ni sa wo faa ɔ chɛndɛ chɛ. Wo wo nyɔn kan, wo ni wo nyɔn na si yiimatɛ chia gbɛɛ a. Wo si kan kɔ kan sa, Yataa ɛ tando min dɔ, wo e ta‑a Yataa wai bɔ‑a, wo faa gbɛɛ a.

TAITƆSI 3:13

A ma i ma gbɔsɔɛ a, i ni Senasi deman, dɔya chɛ, an fea Apɔdɔsi a, an 'na tachɛ ɔ. An mbe ta fen kɔ fen na tachɛ chɛ ɔ, a be an ma.