CHISƆSI 'A SƆ MƆƐ NU 18:2 - Yataa 'a Dɔbɛnɛ Nama

² Kɔyindi ni, a‑a Chu mɔ dɔndɔ tan, min tɔ ni Akuida, a sin suun‑da Pɔndɔsi chɛnyɛ ɔ wan. A na nama ni ka, a ka Itadi chɛnyɛ ɔ, an fea a 'a musu Pisida a. Koe min na mu, Domi kun ti wa chɛ, min tɔ ni Kaudiyɔsi, a na‑a sawa a ben fan, mbɛ Chu mɔɛ n gbɛɛ ni bɔ Domi duu ɔ. Pɔɔ ta‑a wan an yen koe a,

CHISƆSI 'A SƆ MƆƐ NU 18:2 ပူးပေါင်းရင်းမြစ်များ

CHISƆSI 'A SƆ MƆƐ NU 11:28

An tɛ ɔ, mɔ dɔndɔ ni wan nɔ, min tɔ ni Akabɔsi. Yataa Nyina‑a a ma wan, Akabɔsi chɛ sin, a‑a kɔnkɔ wa na koe kɔɔ fɔ wan dunya ɔ. An kɔnkɔɛ chɛ sin na‑a Mansa Kaudiyɔsi 'a tima an na, Domi chɛnyɛ ɔ.

CHISƆSI 'A SƆ MƆƐ NU 18:18

Koe chɛ maenɛ gbakɔ, Pɔɔ ni wan Kɔyindi tee kuun ko a. Mbɛ a‑a a saa suun ma nyɔɛ chɛ n na nɔ Chasi ɔ, a si‑a dɛndɛ ɔ, an bɛ Pisida an fea a chɛɛ Akuida a, ta koe a Siyia chɛnyɛ ɔ. An mbe e na to si‑a dɛndɛ ɔ, a ka Sɛnkea duu ɔ, an‑na a kunɛ gbanan fan. Koe min na mu, a na‑a a kai wan tee a kɔma a, Yataa tena.

CHISƆSI 'A SƆ MƆƐ NU 18:26

A‑a a kuu sɔ wan koɔ‑a, faagbɛa a, Chu n 'na samun chɛ chen chɛ a. Chɛɛ Pisida an fea a chɛɛ Akuida a, an‑na a da a bai chɛ a min kɛn, an‑na a ya wan, an ta‑a a a an 'na chenɛ a. Mbɛ an‑na chia chɛ wakoe ɔ yian a a chɛndɛ chɛ, Yataa‑a min yian.

CHISƆSI 'A SƆ MƆƐ NU 2:9

Mmɔ ka‑a chɛnyɛ sɛsɛ n fan dɔ. Dɔ n ka‑a Patia, dɔ nu Media, dɔ n sin Ɛdan. Dɔ n ka‑a to Mɛsɔpotemia, dɔ nu Chudia, mbɛ dɔ n ka‑a Kapadosia. Dɔ n bɛɛ ka‑a Pɔndɔsi, an fea Esia a.

CHISƆSI 'A SƆ MƆƐ NU 27:1

A tima che‑a, dɔbɛnɛ chɛ‑a wan nn si koe a dɛndɛ ɔ, a ta Itadi chɛnyɛ ɔ. An‑na Pɔɔ be wan, a basan pimbi chenɛ a sa mɔɛ dɔ mende n na, Chudiɔsi dɔndɔ ma. Chudiɔsi chɛ, a ni soya gbakoo an na, soya chɛmɛ dɔndɔ ko a, an ni miin chee, an dɔ, Domi Kun Ti Wa Soya nu.

CHISƆSI 'A SƆ MƆƐ NU 27:6

Nɔ ni soya gbakoo chɛ‑a dɛndɛ tan, a ka Adɛsandia duu ɔ, min ni ta tena Itadi chɛnyɛ ɔ. Mbɛ a‑a nn na sɛ an dɛndɛ gbu ɔ.

GBOO SAA KƆYINDI KO A 16:19

Chɔchi mɔɛ miin mbe Esia chɛnyɛ chɛ ɔ, an ni wo kɔndɔn. Akuida wɛɛ, an fea a 'a musu Pisida a, an‑na wo kɔndɔn. Mɔɛ chɛ n bɛɛ, miin mbe bɛn an 'na chenɛ a, an bɛɛ‑a wo kɔndɔn, buɔdia kɔndɔnɛ a.

2 TIMOTI 4:19

N mbe Akuida kɔndɔn tena, an fea Pisida a, a basan Wɔnesifɔyɔsi 'a chen na mɔɛ n na.

GBOO IBU MƆƐ N KO A 13:24

Wo wo 'a ya ɔ sɔɛ n gbɛɛ kɔndɔn n ye, a basan Yataa 'a mɔɛ n gbɛɛ a. Mmɔ suun ma nyɔɛ nu Chasi ɔ, miin mbe Itadi chɛnyɛ ɔ, an bɛɛ ni wo kɔndɔn.

1 PITA 1:1

N fan Pita, Chisɔsi 'a sɔ mɔɛ, n fan mbe ka gboo chɛ nyɛn‑da. N mbe a nyɛn tena wo wan tena, wo wan Yataa 'a mɔɛ chɛ nu, a na‑a a boo sɔ ka wo wɛn ma. Wo a fasandenɛ mu ben‑da, wo e sondaya ɔ chɛnyɛ sɛsɛ ɔ. Wo e pande Pɔndɔsi chɛnyɛ ɔ, wo dɔ n mbe Kadesia, a yɛ to, wo dɔ n mbe Kapadosia, wo dɔ n sin mbe Esia, a basan Bitinia chɛnyɛ ɔ a.