CHISƆSI 'A SƆ MƆƐ NU 18:19 - Yataa 'a Dɔbɛnɛ Nama

¹⁹ An che‑a kɛn Ɛfisɔsi duu ɔ, Pɔɔ n tɛ du‑a wan Pisida, an fea a chɛɛ Akuida a. A ta‑a wan Chu n 'na samun chɛ chen chɛ a, koe n tɛnsɛ koe a, an bɛ Chu mɔɛ chɛ n na nɔ Ɛfisɔsi.

CHISƆSI 'A SƆ MƆƐ NU 18:19 ပူးပေါင်းရင်းမြစ်များ

CHISƆSI 'A SƆ MƆƐ NU 18:20

An‑na a ɔ tisa kɛn, a ma koe a nɔ tima ɔ yansama ko a, a nii ma dɔn ni.

CHISƆSI 'A SƆ MƆƐ NU 18:21

Chɛɛ a ni kɛn a saa an na, a‑a bai chɛ an fɔ an ye, a ɔ, “Ni Yataa dɔn‑da, n mbe yɛ‑a wan to wo tena.” Mbɛ a si‑a dɛndɛ ɔ, a ka Ɛfisɔsi, mbɛ a ta‑a.

CHISƆSI 'A SƆ MƆƐ NU 18:24

A tima chɛ a, Chu mɔ dɔndɔ, min tɔ ni Apɔdɔsi, min suun‑da Adɛsandia duu ɔ, a na‑a wan Ɛfisɔsi duu ɔ. A ni kosan kaka bai sa a, a sin to, a‑a Yataa 'a gboo ɔ gbɛ wan chɛndɛ chɛ.

CHISƆSI 'A SƆ MƆƐ NU 18:4

Suin tee kan kɔ kan ma, a ni koe tɛnsɛ wan mɔɛ chɛ n tena, Chu n 'na samun chɛ chen chɛ a. A sin, a ni butuin chɛ tena wan, Chu mɔɛ nu, an bɛ Kiisi mɔɛ n na, an yiima ni mun Chisɔsi tena.

CHISƆSI 'A SƆ MƆƐ NU 19:1

Apɔdɔsi ni kɛn Kɔyindi duu ɔ, Pɔɔ bɔ‑a wan chɛnyɛ kun ma chia a, mbɛ a che‑a Ɛfisɔsi duu ɔ, a‑a Chisɔsi fɛ mɔɛ dɔ n tan kaina min.

CHISƆSI 'A SƆ MƆƐ NU 19:17

Mbɛ Chu mɔɛ nu, an bɛ chɛ n na, miin nii ma Chu mɔ a, an‑na koe chɛ a min fan Ɛfisɔsi. Chiandia dɛ‑a wan an gbɛɛ ɔ, mbɛ an‑na basɔmaya wa be wan gbɛ Mansa Chisɔsi tɔɛ ma.

CHISƆSI 'A SƆ MƆƐ NU 19:26

Sanche gbɛ, wo wandi, wo e a ɔ yen tena wan, koe min mbe chɛ tena a ɔ. A yɛ to, wo e a a min tena wan. Ɛfisɔsi dechee ma, chɛɛ a maen fan mu gbɛ yɔ Esia chɛnyɛ gbɛɛ ɔ, Pɔɔ chɛ ɛ mɔɛ n yiima mun tena buɛ min dɔ, a si mmɔ 'a wai ma. A ɛ a fɔ tena wan mɔɛ n ye, mbɛ mmɔ ɛ yataa miin nyan ka mmɔ boo a, yataa kan kɔ kan ma an na.

CHISƆSI 'A SƆ MƆƐ NU 19:28

Fanka chɛ‑a bai chɛ a min kɛn, an faa tɛ‑a wan gbeden. Mbɛ an bun‑da yee te‑a, an dɔ te, “Atɛmisi min mbe Ɛfisɔsi, yataa an nɛ, min gbasayaen mu.”

CHISƆSI 'A SƆ MƆƐ NU 19:35

Mbɛ a danka a, gboo nyɛn mɔɛ min ni an duu chɛ ɔ, a kun‑da wan mɔɛ chɛ n ma, an ma maun koe a. Mbɛ a‑a a fɔ an ye, a ɔ, “N bɔ Ɛfisɔsi mɔɛ nu, mɔ ɔ mɔ‑a a ɔ sɔn fan, mbɛ mmɔ 'a duu wa chɛ, an mbe chenɛ kun ma fɛn Atɛmisi ye, mmɔ 'a yataa tɔ bɔen ba chɛ. A yɛ to, an mbe sen chɛ wɛɛ kun ma fɛn, sen ma chianden ba chɛ, min bea‑a a ka banda bu ɔ.

CHISƆSI 'A SƆ MƆƐ NU 20:16

Pɔɔ yiima ɔ bɛnden fan ni, a ni Ɛfisɔsi ma sangba. Koe min na mu, a nii ma to ni tima kan kɔ kan yayi koe a Esia chɛnyɛ ɔ. A toen ni tachɛ a gbandi ma an chɛ koe a. Ni a ni bɛn fan, a ni che Chuusaɛn duu ɔ, tee chɛ ma, an ni min chee Pɛndekɔsi.

CHISƆSI 'A SƆ MƆƐ NU 20:17

Pɔɔ to‑a Midetɔsi wan, mbɛ a‑a sakana a ta Ɛfisɔsi chɔchi gbakoo n tena, an na koe a, a tan‑da.

CHISƆSI 'A SƆ MƆƐ NU 21:29

Koe min‑na a ma, an‑na chɛ fɔ, an na‑a a yen fan an duu chɛ ɔ, an fea Tɔfimɔsi a, min ka‑a Ɛfisɔsi duu ɔ. A ni wan an yii ma, mbɛ Pɔɔ na‑a don fan Tɔfimɔsi chɛ a, Yataa 'a kata ɔ.

GBOO SAA KƆYINDI KO A 15:32

N‑na butuinɛ chɛ wan, Ɛfisɔsi duu ɔ, nn fea nyima soe a. N nii ma chɛ ma ni dechee, mɔgbuya ɔ koe an ko a. Chɛɛ tɔnɔnɛ kan kɔ kan mbe ee bɔ‑a chɛ ɔ, ni faa mɔɛ ee a kɔɔ sɔ, a ka saya ɔ. Mbɛ ɛ ma‑a wan dechee, yɔ an mbe a fɔ buɛ min dɔ, an dɔ, “Mmɔ ni daunɛ chɛ, mbɛ mmɔ‑a mmɔ min,” an dɔ, “koe min na mu, saya ɛ na tena wan sinan bɛɛ.”

GBOO SAA KƆYINDI KO A 16:8

N mbe to‑a nɛ wan Ɛfisɔsi, aan tima min na, Pɛndekɔsi tee chɛ ni che.

Gboo Ɛfisɔsi Ko A 1:1

N fan Pɔɔ, n fan mbe gboo chɛ nyɛn tena. Chisɔsi Chasi 'a sɔ mɔɛ mu n na, yɔ Yataa toen ni buɛ min dɔ a ni ma. N fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, wo wɛn mbe a a tun tena wo kai fa koe a Chisɔsi Chasi a, Ɛfisɔsi duu ɔ.

1 TIMOTI 1:3

N toen mu i ni ma Ɛfisɔsi duu ɔ wan. I ma ka nɔ, yɔ n na‑a a fɔ buɛ min dɔ i ye, tima min na ni n mbe ta‑a Masidonia chɛnyɛ ɔ. Mɔɛ chɛ nu Ɛfisɔsi, miin mbe ka fania kan chɛ a, a fɔ an ye an ni sɛmbɛ a a.

2 TIMOTI 1:18

I sin‑na a ɔ sɔn fan chɛndɛ chɛ, a‑a min chɛ n ko a Ɛfisɔsi duu ɔ. Mansa Yataa ni chinchin a ma tee dankama ma.

2 TIMOTI 4:12

Tikikɔsi sin, n mbe ka gbɛ a na‑a na nɔ Ɛfisɔsi duu ɔ.

KO Ɔ NUNDENƐ 1:11

Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”

KO Ɔ NUNDENƐ 2:1

Mbɛ a ɔ te to n ma, a ɔ, n ni chɛ nyɛn maeka chɛ tena chɔchi ko a, Ɛfisɔsi duu ɔ. A ɔ, “N fan, mɔɛ chɛ, tɔmbuaka wɔnfea chɛ n mbe min boo a,” a ɔ, “n fan, mɔɛ chɛ, min mbe tachɛ chɛ sanu dambo si fen wɔnfea chɛ n tɛ ɔ,” a ɔ, “n 'na sakana an nɛ.”