CHISƆSI 'A SƆ MƆƐ NU 18:17 - Yataa 'a Dɔbɛnɛ Nama

¹⁷ Mbɛ an gbɛɛ bea‑a Sositɛnesi ma gbasi a, min ni ya ɔ sɔɛ a, Chu n 'na samun chɛ chenɛ kun ma. An‑na a gbasi wan, kuti chenɛ gbu ya kɔɔ. Chɛɛ Kadio‑a a ka wan a too kɔ.

CHISƆSI 'A SƆ MƆƐ NU 18:17 ပူးပေါင်းရင်းမြစ်များ

MATIU 27:19

Kɔfana Padeti to‑a si ɔ tongbo kɔɔ wan bai chɛ kun ma, mbɛ a 'a musu‑a sakana a na a tena, a si Chisɔsi ma. Musu chɛ‑a a fɔ wan sakana chɛ ɔ, mbɛ Kɔfana Padeti ma a boo kan kɔ kan chɛ Chisɔsi fa koe ɔ. A ɔ, Chisɔsi mu mɔ tanden ba an na, min ma ko yama kan kɔ kan ma ni. A ɔ, a faa gbaaen ba mu, a si cho ma, a‑a min chɛ an su chɛ ɔ, a si Chisɔsi ma.

MAKI 5:22

Mɔ dɔndɔ ni wan nɔ, min tɔ ni Chayɔsi. A ni mɔ chenama dɔndɔ an na, Chu n 'na samun chɛ chenɛ a. Mbɛ a na‑a Chisɔsi tan. A‑a Chisɔsi tan kɛn, mbɛ a bea‑a a chen na.

CHISƆSI 'A SƆ MƆƐ NU 17:32

An‑na a a min kɛn gbɛ, Pɔɔ‑a bai sa, a si mɔ gbu kɔɔ sɔ koe ma, a ka saya ɔ, dɔ n‑na a ma yɛn fan. Chɛɛ dɔ n sin, an dɔ, “Nn mbe to‑a wan to, nn ni bai a min, a si koe chɛ ma.”

CHISƆSI 'A SƆ MƆƐ NU 18:8

Chɛ gbɛɛ ɔ, Kisipɔsi, ni a 'a chen 'na mɔɛ n gbɛɛ, an‑na an kai fa wan gbɛ Mansa Chisɔsi a. Kisipɔsi chɛ ni ya ɔ sɔɛ an na, Chu n 'na samun chɛ chenɛ a. Mɔ sɛsɛ nu Kɔyindi duu ɔ, an‑na sakana bai chɛ a min kɛn Pɔɔ a, an dan‑da wan a a, mbɛ yii chɛ‑a an kunɛ ɔ, Yataa chia a.

GBOO SAA KƆYINDI KO A 1:1

N fan Pɔɔ, n fan mbe gboo chɛ nyɛn tena wo tena, nn fea Sositɛnesi a, mmɔ suun ma nyɔɛ Chasi ɔ. Yataa wandi gbu, an dɔn‑da, a boo sɔ koe a n ma, n ni ma Chisɔsi Chasi 'a sɔ mɔɛ a.

GBOO SAA KƆYINDI KO A 1:23

Chɛɛ nn‑na a ɔ yian fan, mbɛ mɔɛ n na‑a kunka mansa fa wan, kɔn gbengbandenɛ ma. Chu mɔɛ n tana, an mbe chɛ ya mainɛ an na. Chɛ n sin, miin ma Chu mɔ a, an mbe a ya dechee wooya bai an na.