CHISƆSI 'A SƆ MƆƐ NU 18:15 - Yataa 'a Dɔbɛnɛ Nama

¹⁵ Chɛɛ a sien mu ka buɛ min dɔ kɔɔsa bia ma, bai n dɔ, a basan tɔɛ n na, ni wo ta Chu sawa nu, wo wandi an mbe bai chɛ nɛnɛ sa tena. N fan mbe ee kaa a tɛ tena, a si ko bonda chɛ n ma.”

CHISƆSI 'A SƆ MƆƐ NU 18:15 ပူးပေါင်းရင်းမြစ်များ

MATIU 27:24

Kɔfana Padeti‑a a ɔ yen, mbɛ a boo ee kun bai chɛ ma. A sin, ni a chii‑a a boo ka koe ma Chisɔsi a, mbɛ gbunɛ an mbe bɔ‑a a ɔ. A‑a chɛ ɔ yen kɛn, mbɛ a‑a yii ya, mbɛ a‑a a boo a ko, an gbɛɛ ya kɔɔ, ɛ ta‑a a fɔ‑a, a ɔ, “N boo ee kamin chɛ fa koe ɔ. Wo wan mbe a nɛnɛ ma yɛman‑da.”

MATIU 27:4

Ɛ kɔpɔɛ chɛ a yɛ‑a kɛn an ma, a ɔ, “N‑na ko yama an ma ka. N‑na kamin chɛ min ma tachɛ ka, a ma ko yama kan kɔ kan man ni, ɛ ka na tena fa‑a fuu.” Chɛɛ an dɔ, “I ta ɔ wan nɛ chɛ nɛnɛ a. Nn ma to ni nn ni a ɔ sɔn ɛnden bɛɛ a.”

CHƆN 18:31

Mbɛ Kɔfana Padeti ɔ, “Mbɛ wo wandi, wo ta a a, wo ni wo 'a sawa a tachɛ a a.” Chɛɛ an dɔ, “Wo wan Domi mɔɛ n ma a gbasaya chɛ be nin bɛ kɛn nn ma, kaa a tɛ koe a mɔɛ fa koe ma.”

CHISƆSI 'A SƆ MƆƐ NU 18:13

Mbɛ an dɔ, “Kamin chɛ toen mu, a ni a ma mmɔ 'a mɔɛ n yiima ni mun, Yataa fai gbee dɔ mende ma, mmɔ 'a sawa ma dɔn ni min ma.”

CHISƆSI 'A SƆ MƆƐ NU 23:29

N‑na a kɔɔ gbɛngbɛn fan, n‑na a ɔ yen, mbɛ a ma ko yama kan kɔ kan ma ni, ɛ saya ma sɔn min ko a. Chɛ ma, an ni a sa pimbi chenɛ a. An‑na a bia dechee, an ta sawa n fan ko a, an dɔ, a‑a an yɔn.

CHISƆSI 'A SƆ MƆƐ NU 25:11

Ni n na‑a sawa an yɔn, n ni ko yama ma, an mbe che n fa‑a min ko a, n mbe ee che an disa‑a n bɔ koe ma a ɔ. Chɛɛ ni tea ee koe chɛ n gbɛɛ ɔ, an‑na miin si ka n kun ma, mɔ ɔ mɔ ee che n be‑a an ma. Chɛ an fɛ mu, n 'na bai ni ta Domi kun ti wa tena.”

CHISƆSI 'A SƆ MƆƐ NU 25:19

Koe miin don‑da an tɛ ɔ dechee, an mu kɔɔsa an na, a si an 'na Yataa fai buɛ ma. A yɛ to, a si kamin dɔndɔ wakoe ma, min tɔ mu Chisɔsi. Kamin chɛ fa‑a wan, chɛɛ Pɔɔ ɔ te, a ɛ fɔɛ ɔ.

CHISƆSI 'A SƆ MƆƐ NU 26:3

Tea gbu bɛɛ bɛɛ mu, mbɛ i‑a Chu manda n sɔn fan, a basan kɔɔsa chɛ n na, an mbe miin bia. Chɛ an fɛ mu, n mbe i disa tena, i ni i too be n ma chɛndɛ chɛ.

1 TIMOTI 1:4

An na si an ni sɛmbɛ tai a bɔɛ a, an mbe ta‑a suunɛ ma dan‑da ta‑a aan. Chɛ ɛ na dechee kɔɔsa an na, an mbe ee deman chɛ, Yataa 'a yiinachii mmɔ ko a, a ni ta ya ɔ ma. Danaya an mbe a ma Yataa 'a yiinachii mmɔ ko a, a ni ta ya ɔ ma.

1 TIMOTI 6:4

a mɔɛ chɛ mu dɔpanda tɔɛ an na, a ma ko ɔ ko sɔn. Koɔ chɛ gbandi an mbe an ma, an sin mbe kɔɔsa bia chɛ wan kɔnɔ bai kan kɔ kan ma. Chɛ ɛ na toomaya an na, ko a fasanɛ, nyɔn mainɛ, a basan yii sɔ yama a an nyɔn na.

2 TIMOTI 2:23

I ma i boo chɛ wooya kɔɔsa bia ɔ, yiimatɛ ee min dɔ. I‑a a ɔ sɔn fan, mbɛ chɛ ɛ na koɛ an na.

TAITƆSI 3:9

Chɛɛ wooya kɔɔsa bia, ni suun ma danɛ, ni ko a fasanɛ, a basan koɛ a Mosisi 'a sawa kun ma, i ma i boo chɛ a ɔ.