CHISƆSI 'A SƆ MƆƐ NU 18:12 - Yataa 'a Dɔbɛnɛ Nama

¹² Chɛɛ an‑na Kadio ma tima min na kɔfana a, Akaya chɛnyɛ kun ma, Chu n‑na kuiɛ a kanɛ chɛ Pɔɔ ma, mbɛ an‑na a bia, an na‑a a a kɔfana chɛ 'a kuti ɔ.

CHISƆSI 'A SƆ MƆƐ NU 18:12 ပူးပေါင်းရင်းမြစ်များ

MATIU 27:19

Kɔfana Padeti to‑a si ɔ tongbo kɔɔ wan bai chɛ kun ma, mbɛ a 'a musu‑a sakana a na a tena, a si Chisɔsi ma. Musu chɛ‑a a fɔ wan sakana chɛ ɔ, mbɛ Kɔfana Padeti ma a boo kan kɔ kan chɛ Chisɔsi fa koe ɔ. A ɔ, Chisɔsi mu mɔ tanden ba an na, min ma ko yama kan kɔ kan ma ni. A ɔ, a faa gbaaen ba mu, a si cho ma, a‑a min chɛ an su chɛ ɔ, a si Chisɔsi ma.

CHƆN 19:13

Kɔfana Padeti‑a an da a bai chɛ n na min kɛn, mbɛ a‑a a ma an bɔ‑a Chisɔsi a. Mbɛ a si‑a a 'a kaa tɛ sea a. Sea chɛ ni kaina min, a tɔ ni kaina min nyanden mu senɛ a. Chu mɔɛ n ni nɔ chee, an dɔ, Kabata.

CHISƆSI 'A SƆ MƆƐ NU 13:12

Kɔfana chɛ‑a a ɔ yen kɛn koe min ma‑a, a‑a a kai fa wan Chisɔsi a. Koe min na mu, a da ɔ gbaa‑a wan kan chɛ a, a si Mansa Chisɔsi ma.

CHISƆSI 'A SƆ MƆƐ NU 13:50

Chɛɛ musu gbakoo nu an duu chɛ ɔ, miin ni kooya be Yataa ma, an bɛ nɔ mɔ kaima gbakoo n gbɛɛ a, Chu mɔɛ chɛ n‑na an gbɛɛ a sɛ wan Pɔɔ n ma. An‑na ko ma gbaaenɛ sa wan Pɔɔ ma, an fea Banabasi a, mbɛ an gbu‑a an gbain an tanda gbu ɔ.

CHISƆSI 'A SƆ MƆƐ NU 13:7

An nkofo chɛ, a dia nyɔɛ an nii nɛ kɔfana a nɔ, an yii tin chɛ ɔ. An kɔfana chɛ tɔ ni Sachɔsi Pɔdɔsi, min yiima tɛen ni kaka. A‑a Banabasi chee wan, an fea Sɔɔ a, Yataa bai a min koe a an na.

CHISƆSI 'A SƆ MƆƐ NU 13:8

Chɛɛ nkofo chɛ, min tɔɛ dɔndɔɛ ni Ɛdimasi (a tɔɛ chɛ fɔɛ an nii nɛ, nkofo tɔɛ), a‑a Banabasi n kɔɔsa bia wan kaka. A nii ma to ni, kɔfana chɛ ni dan bai chɛ n na, an ni min fɔ tena a si Chisɔsi ma.

CHISƆSI 'A SƆ MƆƐ NU 14:19

Chɛɛ Chu dɔ n ka‑a wan Andiɔki duu ɔ, Pisidia chɛnyɛ ɔ, dɔ n bɛɛ ka‑a Ikoniɔn duu ɔ. An‑na a ma wan, mɔ fanka chɛ n yiima mun‑da, an‑na Pɔɔ ma bon bon fan, mbɛ an‑na a konkon, a bɔ duu ɔ. A ni an yii ma, mbɛ a fa‑a.

CHISƆSI 'A SƆ MƆƐ NU 14:2

Chɛɛ Chu mɔɛ tɔɛ chɛ nu, miin nii ma dɔn ni an kai fa koe a Chisɔsi a, an don‑da mɔɛ chɛ n dɔ, miin nii ma Chu mɔ a. A sin, an‑na an na sɛ wan Chisɔsi fɛ mɔɛ chɛ n ma.

CHISƆSI 'A SƆ MƆƐ NU 17:13

Chɛɛ Chu mɔɛ chɛ nu Tɛsadonika, an‑na a a min kɛn, mbɛ Pɔɔ ɛ Yataa bai sa‑a Bɛyia wɛɛ, an na‑a wan nɔ. Mbɛ an bun‑da mɔ fanka chɛ a sɛ‑a Pɔɔ ma, gbunɛ a bea koe a.

CHISƆSI 'A SƆ MƆƐ NU 17:5

Chɛɛ toomaya faa chɛ‑a wan Chu mɔɛ n dɔ, min‑na a ma, an‑na tataya tɔɛ n na sɔn sɔn dani ma ben‑da, gbunɛ a bea koe a. An ben‑da wan duu ɔ yee tɛ‑a, mbɛ an‑na butuinɛ a bea kamin dɔndɔ 'a chenɛ a. Kamin chɛ tɔ ni Chason. A ni wan an yii ma, mbɛ Pɔɔ an fea Sidasi a, an ni an bɔ nɔ, mbɛ an ta‑a an 'na mɔɛ n tena baa ma.

CHISƆSI 'A SƆ MƆƐ NU 18:11

Chɛ ko a, Pɔɔ ni wan Kɔyindi duu ɔ, san dɔndɔ ni a tɔ, ɛ nɔ mɔɛ n kan‑da Yataa 'a bai n na.

CHISƆSI 'A SƆ MƆƐ NU 18:27

Chɛ gbakɔ, a toen ni kɛn a ni ben Akaya chɛnyɛ ɔ, suun ma nyɔɛ chɛ nu Chasi ɔ, an‑na a faa ma nande wan. Mbɛ an‑na gboo nyɛn an suun ma nyɔɛ chɛ n tena Akaya, an dɔ, an ni an boo si a kɔɔ chɛndɛ chɛ. A che‑a kɛn Akaya, a basan‑da wan mɔɛ chɛ n ma kaka, miin na‑a an kai fa Chisɔsi a, koadia demanɛ 'a gbasaya ɔ, Yataa ɛ min chɛ.

CHISƆSI 'A SƆ MƆƐ NU 19:21

Koe chɛ n gbɛɛ gbakɔ, Pɔɔ‑a a yiima ɔ bɛn fan, Yataa Nyina 'a gbasaya ɔ, ben koe a Masidonia chɛnyɛ ɔ, a basan Akaya a, ta koe a Chuusaɛn duu ɔ. A‑a a fɔ wan, a ɔ, “Ni n ta‑a Chuusaɛn, n mbe che‑a wan Domi bɛɛ.”

CHISƆSI 'A SƆ MƆƐ NU 25:10

Chɛɛ Pɔɔ ɔ te, “N mbe ka sɔ ɔ, Domi kun ti wa ta kuti tongbo gbu an kɔɔ ka, n 'na bai chɛ ɛ sa kaina. I wandi gbu ban‑da a ɔ yen‑da, mbɛ n ma ko yama kan kɔ kan ma ni, Chu mɔɛ n na.

GBOO DOMI KO A 15:26

Koe min na mu, chɔchi mɔɛ chɛ nu Masidonia chɛnyɛ ɔ, an bɛ Akaya chɛnyɛ ɔ nɛnɛ n bɛɛ a, an‑na an boo fenɛ a bɔ faaɔgbɛ ɔ. An toen mu an ni chɛ n deman, miin yakɔɔtawaen mu Yataa 'a mɔɛ n tɛ ɔ Chuusaɛn duu ɔ.

GBOO DOMI KO A 16:5

N mbe chɔchi mɔɛ chɛ n bɛɛ kɔndɔn tena, miin mbe bɛn n bɔɛ chɛ n na chenɛ a. N mbe n dia nyɔɛ Ɛpainɛtɔsi kɔndɔn tena. An mu mɔɛ saa saa a Esia chɛnyɛ chɛ ɔ, min‑na a kai fa Chisɔsi Chasi a.

GBOO SAA KƆYINDI KO A 16:15

N suun ma nyɔɛ nu Chasi ɔ, sanche chɛ ɔ, wo‑a a koe ɔ sɔn fan, a si Sitɛfanasi ma, ni a 'a chen na mɔɛ nu. An fan pɛn‑na an kai fa Chisɔsi Chasi a, Akaya chɛnyɛ chɛ ɔ. A sin, an‑na an fandi be, wai chɛ koe a, Yataa 'a mɔɛ n ko a. N mbe chɛ ma din wo tena,

GBOO FEAN BƆƐ KƆYINDI KO A 1:1

N fan Pɔɔ, n fan mbe gboo chɛ nyɛn tena, nn fea mmɔ suun ma nyɔɛ a Chasi ɔ, min mu Timoti a. Chisɔsi Chasi 'a sɔ mɔɛ mu n na. Yataa wandi an dɔn‑da, n ma koe a sɔ mɔɛ chɛ a. N mbe a nyɛn tena wo wan tena, wo wɛn mbe Yataa 'a chɔchi ɔ, Kɔyindi duu ɔ, wo bɛ Yataa 'a mɔɛ n gbɛɛ a, miin mbe nɔ Akaya chɛnyɛ tɔɛ gbɛɛ ɔ.

GBOO FEAN BƆƐ KƆYINDI KO A 11:10

Chasi 'a tea, ɛ ka buɛ min dɔ n dɔ, n mbe ka yonka min tɛ‑a, a ɔ ee maun‑da Akaya chɛnyɛ gbɛɛ ɔ.

GBOO FEAN BƆƐ KƆYINDI KO A 11:26

N 'na tachɛ sɛsɛ n dɔ, n ni wan chianɛ kɔɔ, yii fa boo ɔ, a basan kanka n na. N ni wan chianɛ kɔɔ, n bɔ Chu mɔɛ n boo ɔ, ni mɔɛ chɛ n bɛɛ boo ɔ, miin ma Chu mɔ a. Ko ma chiandenɛ n ma‑a wan duu wa n dɔ, an ma‑a fuinɛ ma, an ma‑a kɔ yii a. N suun ma nyɔɛ chɛ n gbu wɛɛ Chasi ɔ, a wakoe ni sa ɔ dechee miin ya kɔɔɛ, chɛɛ a ee an faa ɔ, n chiandenɛ ni wan an ma.

GBOO FEAN BƆƐ KƆYINDI KO A 9:2

N‑na a ɔ sɔn fan, mbɛ wo ma bɛndenɛ mu, basan koe a an ma. N gbu sin, n mbe yonka tɛ wan, a si wo ma mmɔ bɔɛ Chisian chɛ n tena Masidonia chɛnyɛ ɔ. N mbe a fɔ wan an ye, mbɛ an bɔɛ Chisianɛ nu, miin mbe Akaya chɛnyɛ ɔ, an ma bɛndenɛ mu, kɛn banun, demanɛ chɛ koe a. Faa min mbe wo ɔ demanɛ chɛ koe a, a‑a a ma wan, an sɛsɛ faa bɔ‑a gbɛ.

Gboo Saa Tɛsadonika Ko A 2:14

Chɛ sin fan fɛ mu, nn suun ma nyɔɛ nu Chasi ɔ, wo na‑a ko yawaenɛ ɔ bia wo chɛnyɛ nyɔɛ n boo ɔ. Wo na‑a bɔ ka chɛ n fan gba ɔ, chɔchi nu Chudia chɛnyɛ ɔ, miin kai faen ni Chisɔsi Chasi a. An bɛɛ na‑a ko yawaenɛ n dɔ bia ka wan, Chu mɔɛ n boo ɔ, an chɛnyɛ nyɔɛ nu.

Gboo Saa Tɛsadonika Ko A 2:16

Nn ni sakana bai chɛ sa wan, mɔɛ chɛ n tena, miin ma Chu mɔ a. Chɛ an ni a ma, an mbe bauncha ma sɔn Yataa a. An‑na butuin chɛ wan, min mbe a ma, nn ni sɛmbɛ chɛ ma koe a to. Chɛ gbu‑a a ma gbɛ, an 'na ko yama maenɛ da fa‑a gban. A sin, Yataa ɛ a faatɛ a bɔ tena gbɛ an ma, mbɛ a sin ɛ ko ma gbaaenɛ si‑a wan an na.

CHIMISI 2:6

Chɛɛ chɛ gbɛɛ ɔ, wo e tɛndɔya koe n ma wan yɔn tɔɛ n na. Min mu ka, nyan tɔɛ chɛ nu, an fan mbe wo konkon, an mbe ta wo a kuti ɔ.