CHISƆSI 'A SƆ MƆƐ NU 18:1 - Yataa 'a Dɔbɛnɛ Nama

¹ Chɛ gbakɔ, Pɔɔ bɔ‑a wan Atɛnsi duu ɔ, mbɛ a ta‑a Kɔyindi duu ɔ.

CHISƆSI 'A SƆ MƆƐ NU 18:1 ပူးပေါင်းရင်းမြစ်များ

CHISƆSI 'A SƆ MƆƐ NU 17:15

Mɔɛ miin ta‑a Pɔɔ ma sɔ‑a, an ta‑a wan a a, aan a che Atɛnsi duu ɔ. Mbɛ Pɔɔ‑a mɔɛ chɛ n na yɛ Bɛyia, sakana chɛ a, an boo ɔ. A ɔ, an ni a fɔ, Timoti an fea Sidasi a, an ni na a san‑da, bui chɛ bui chɛ a.

CHISƆSI 'A SƆ MƆƐ NU 17:16

Tima min na Pɔɔ n ni an ma kɔn tena, na koe a, a faa yɔn‑da wan yama yama. Koe min na mu, a‑a a ɔ yen fan, mbɛ Atɛnsi duu a faen fan ni fania yataa n na.

CHISƆSI 'A SƆ MƆƐ NU 18:8

Chɛ gbɛɛ ɔ, Kisipɔsi, ni a 'a chen 'na mɔɛ n gbɛɛ, an‑na an kai fa wan gbɛ Mansa Chisɔsi a. Kisipɔsi chɛ ni ya ɔ sɔɛ an na, Chu n 'na samun chɛ chenɛ a. Mɔ sɛsɛ nu Kɔyindi duu ɔ, an‑na sakana bai chɛ a min kɛn Pɔɔ a, an dan‑da wan a a, mbɛ yii chɛ‑a an kunɛ ɔ, Yataa chia a.

CHISƆSI 'A SƆ MƆƐ NU 19:1

Apɔdɔsi ni kɛn Kɔyindi duu ɔ, Pɔɔ bɔ‑a wan chɛnyɛ kun ma chia a, mbɛ a che‑a Ɛfisɔsi duu ɔ, a‑a Chisɔsi fɛ mɔɛ dɔ n tan kaina min.

GBOO SAA KƆYINDI KO A 1:2

Nn mbe gboo chɛ nyɛn tena, wo wan tena, wo wɛn mbe Yataa 'a chɔchi ɔ, Kɔyindi duu ɔ. Yataa na‑a wo wɛn chee, wo ni ma tenchen a ko a. Yataa‑a wo ma a ta mɔɛ n na, koe min na mu, a‑a wo ma mɔ dɔndɔɛ a Chisɔsi Chasi a. A‑a a ma ka wan mɔɛ n gbɛɛ a, miin mbe Mansa Chisɔsi tɔɛ chee tena, mmɔ 'a mansa, ni an 'na mansa, an baun koe a.

GBOO FEAN BƆƐ KƆYINDI KO A 1:1

N fan Pɔɔ, n fan mbe gboo chɛ nyɛn tena, nn fea mmɔ suun ma nyɔɛ a Chasi ɔ, min mu Timoti a. Chisɔsi Chasi 'a sɔ mɔɛ mu n na. Yataa wandi an dɔn‑da, n ma koe a sɔ mɔɛ chɛ a. N mbe a nyɛn tena wo wan tena, wo wɛn mbe Yataa 'a chɔchi ɔ, Kɔyindi duu ɔ, wo bɛ Yataa 'a mɔɛ n gbɛɛ a, miin mbe nɔ Akaya chɛnyɛ tɔɛ gbɛɛ ɔ.

GBOO FEAN BƆƐ KƆYINDI KO A 1:23

Chɛɛ Yataa an mu n 'na sii a, a si bai chɛ ma, n mbe ka min fɔ‑a wo ye. Mbɛ n toen ni, n ni wo to wan nɔ, an na‑a a ma n ma yɛ ni nɔ wo tena Kɔyindi duu ɔ.

GBOO FEAN BƆƐ KƆYINDI KO A 6:11

Nn dia nyɔɛ nu Kɔyindi, nn‑na ko ɔ ko yian wo a, nn‑na nn faa gbɛɛ be.

2 TIMOTI 4:20

Ɛyasitɔsi to‑a Kɔyindi duu ɔ wan, mbɛ n‑na Tɔfimɔsi sin to Midetɔsi duu ɔ, a gbandienɛ ni a tima chɛ a.