CHISƆSI 'A SƆ MƆƐ NU 17:20 - Yataa 'a Dɔbɛnɛ Nama

²⁰ Koe min na mu, nn sɛsɛ ma bai chɛ n na min nin bɛ, e ka miin fɔ tena. Chɛ an fɛ mu, nn toen mu, i ni an fasai nn ye.”

CHISƆSI 'A SƆ MƆƐ NU 17:20 ပူးပေါင်းရင်းမြစ်များ

MAKI 9:10

An‑na a ma wan yɔ Chisɔsi‑a an na si buɛ min dɔ. Chɛɛ an‑na bai chɛ tɛnsɛ wan an dechee tɛ ɔ, a si Chisɔsi kɔɔ sɔ koe ma a ka saya ɔ. A mu min na, a na‑a an na fii wan.

CHƆN 6:60

Chisɔsi fɛ denɛ n sɛsɛ, an fandi gbu na‑a a fɔ wan, an dɔ, “Kan chɛ nɛnɛ kɔ gbɛ. Nyɔn mbe che a too ma sɔ‑a chɛ ma?”

CHISƆSI 'A SƆ MƆƐ NU 10:17

Pita ni tun a yii na chii tena koe chɛ an ma, a‑a min dɔ yen ka, yɔ a ni cho ɔ wan. A toen ni a ni a ɔ sɔn, ni a sien mu fen ma. Mbɛ Kɔniyɔsi na‑a mɔɛ miin sɔ ka, an‑na a ɔ sɔn fan, a wan Saimɔn 'na chenɛ ni kaina min. An gbu sin ni gbɛ sɔ ɔ wan baa ma, an chen chɛ kata chɛ da a.

CHISƆSI 'A SƆ MƆƐ NU 17:19

Mbɛ an‑na Pɔɔ ɔ tisa, an dɔ, a ni na duu gbakoo chɛ n tena, miin ni bɛn kɔnkɔɛ chɛ bu kɔɔ, an ni min chee, an dɔ, Ayiopakɔsi kɔnkɔɛ. Mbɛ an dɔ te, “Nn toen mu nn ni a ɔ sɔn, ni i 'a kan nama chɛ sien mu fenɛ min ma.

CHISƆSI 'A SƆ MƆƐ NU 17:21

Koe min na mu, Atɛnsi mɔɛ nu, ni sonda n bɛɛ miin ni nɔ, an gbɛɛ nii an 'na tima yɔn koe dɔ mende kan kɔ kan ma. An ni ma dechee bai n fan dɔ yian‑da, an mbe ta‑a an too ma sɔ‑a ko nama ma, tima ɔ tima ko a.

CHISƆSI 'A SƆ MƆƐ NU 2:12

An gbɛɛ kɔndɔ fiienɛ ni, a ɔ benden ba a. An‑na an nyɔn dɔ tisa wan tɔfɛ tɔfɛ, an dɔ te, “Chɛ e na ma ka gbɛ fen na?”

GBOO SAA KƆYINDI KO A 1:18

A mu min na, sakana bai chɛ a si Chisɔsi Chasi fa koe ma kɔn gbengbanden chɛ ma, a mu wooya bai an na mɔɛ dɔ n tena. Chɛ nu, miin mbe ee na‑a bauncha ma sɔn‑da. Chɛɛ mmɔ wɛn mbe bauncha chia ma, bai chɛ mu Yataa 'a gbasaya an na.

GBOO SAA KƆYINDI KO A 1:23

Chɛɛ nn‑na a ɔ yian fan, mbɛ mɔɛ n na‑a kunka mansa fa wan, kɔn gbengbandenɛ ma. Chu mɔɛ n tana, an mbe chɛ ya mainɛ an na. Chɛ n sin, miin ma Chu mɔ a, an mbe a ya dechee wooya bai an na.

GBOO SAA KƆYINDI KO A 2:14

Chɛɛ mɔɛ nu, Yataa Nyina ee miin fɛ, an mbe ee dɔn, an ni an boo si fen chɛ n kɔɔ, Yataa Nyina ɛ miin be. Koe min na mu, an mbe an ya wooya fenɛ n fan na. An mbe ee che an dɔ gbɛ‑a. Koe min na mu, Yataa Nyina dechee, an mbe a ma, mɔɛ n ni koe n dɔ gbɛ miin ka‑a Yataa tena.

GBOO IBU MƆƐ N KO A 5:11

Bai kɔkoo nn da a, a fɔ koe a, a si koe chɛ ma. Chɛɛ koe sin fan nɛ, min dɔ gbɛ, a ɔ yian koe a wo a. Koe min na mu, wo ee fua koe ɔ gbɛ‑a.

1 PITA 4:4

Sanche gbɛ sin, mɔɛ chɛ nu, miin ma an kai fa ni Chisɔsi a, an kɔndɔ fii‑a wo a. An‑na a yen, mbɛ wo ee bea tena to an fɛ, ben‑da mauma koe ma‑a, wo gbɔsɔ wɛɛ ma. Chɛ an mbe a ma tena, an mbe bai yama n sa tena wo ma.