CHISƆSI 'A SƆ MƆƐ NU 17:2 - Yataa 'a Dɔbɛnɛ Nama

² Mbɛ Pɔɔ don‑da nɔ, yɔ a ta manda ni buɛ min dɔ. A sin wichi sawa ko a, an bɛ an na, an ni koe n tɛnsɛ wan, an nyɔn tɛ ɔ, Yataa 'a gboo ɔ.

CHISƆSI 'A SƆ MƆƐ NU 17:2 ပူးပေါင်းရင်းမြစ်များ

MATIU 26:24

N fan, Mɔ Gbu 'a Denɛ, n mbe na tena wan fa‑a, yɔ a nyɛnden mu buɛ min dɔ Yataa 'a gboo ɔ, a si n ma. Chɛɛ ɛ yaua‑a gba mɔɛ chɛ ko a, min mbe n ma tachɛ‑a. Ni a nii ma suun ni, a ni nyan‑da wan a ko a.”

DUKU 4:16

Mbɛ Chisɔsi yɛ‑a Nasaɛti duu ɔ, a bɔ‑a a ɔ kaina. Chu n 'na suin tee ma, a ta‑a wan an 'na samun chɛ chenɛ a, yɔ a ni a ma tee buɛ min dɔ. Mbɛ a‑a a kɔɔ sɔ, a sɔ‑a Yataa 'a gboo kan koe a mɔɛ chɛ n tena.

CHƆN 18:20

Chɛɛ Chisɔsi ɔ, “N ma bai ɔ bai sa nin bɛ doee ɔ. Tima ɔ tima ko a, mɔɛ miin ni an too ma sɔ n ma, n ni koɔ wan an tena fanka ɔ den. Kanɛ gbɛɛ n ni min chɛ, n ni a chɛ wo 'a samun chɛ chenɛ n na wan, a basan Yataa 'a kata ɔ a, mɔɛ n gbɛɛ bɛn tena nu.

CHISƆSI 'A SƆ MƆƐ NU 13:14

Chɛɛ an‑na an 'na tachɛ a tun fan a ma, a ka Paaka, a ta Andiɔki duu dɔ mende ɔ, min ni Pisidia chɛnyɛ ɔ. A sin, Chu n 'na suin tee ma, an don‑da wan Chu n 'na samun chenɛ a, mbɛ an si‑a.

CHISƆSI 'A SƆ MƆƐ NU 14:1

Koe min si‑a Pɔɔ a, an fea Banabasi a, Andiɔki duu chɛ ɔ, an si‑a to an na Ikoniɔn duu wɛɛ ɔ. Pɔɔ an fea Banabasi a, an don‑da Chu n 'na samun chɛ chenɛ a. An sin koɔ buɛ ma kawa‑a wan aan, min‑na a ma, mɔ sɛsɛ n‑na an kai fa Chisɔsi a. Chu mɔɛ dɔ nu, an bɛ mɔɛ chɛ n na, miin nii ma Chu mɔ a, an gbɛɛ‑a an kai fa a a.

CHISƆSI 'A SƆ MƆƐ NU 17:10

Pimbi ɛ bun‑da dechee, mbɛ mɔɛ miin‑na an kai fa Chisɔsi a, an‑na Pɔɔ a ta wan Bɛyia duu ɔ, an fea Sidasi a. An che‑a kɛn nɔ, an ta‑a wan Chu n 'na samun chɛ chenɛ a.

CHISƆSI 'A SƆ MƆƐ NU 17:17

Chɛ ko a, a ni ma wan Chu n 'na samun chen chɛ a. An bɛ an na, an ni koe n tɛnsɛ wan, an nyɔn tɛ ɔ. Mɔɛ chɛ n bɛɛ, miin ni kooya be Yataa ma, an ni ma wan nɔ. A yɛ to, Pɔɔ ni ta wan machiti ɔ tee ɔ tee a, mbɛ a‑a koe n tɛnsɛ chɛ n tena, miin ni che ma‑a nɔ.

CHISƆSI 'A SƆ MƆƐ NU 18:4

Suin tee kan kɔ kan ma, a ni koe tɛnsɛ wan mɔɛ chɛ n tena, Chu n 'na samun chɛ chen chɛ a. A sin, a ni butuin chɛ tena wan, Chu mɔɛ nu, an bɛ Kiisi mɔɛ n na, an yiima ni mun Chisɔsi tena.

CHISƆSI 'A SƆ MƆƐ NU 19:8

Kau sawa ko a, Pɔɔ ni ta wan Chu n 'na samun chɛ chen chɛ a, a sin ni koɔ wan nɔ faagbɛa a. A ni koe n tɛnsɛ wan, an bɛ an na, a sin ni an disa wan, a si Yataa 'a mansaya wakoe ma.

CHISƆSI 'A SƆ MƆƐ NU 24:25

Pɔɔ‑a koe n tɛnsɛ wan, a si koe n ma Yataa chen kɔɔ, tea ɛ koe miin dɔ. A yɛ to, ni mɔɛ e kun buɛ min dɔ, i ni tachɛ i wandi a chɛndɛ chɛ. A‑a koe n tɛnsɛ wan to, a si gbɛmbo tee ma, min mbe na tena. Kɔfana Fedisi chian‑da wan, mbɛ a ɔ, “E ka‑a gbɛ ta‑a. N mbe i chee‑a wan to, ni n‑na tima ma sɔn, tima min na.”

CHISƆSI 'A SƆ MƆƐ NU 28:23

Mbɛ an‑na tee yian Pɔɔ a, an mbe bɛn tee min ma, a yia chenɛ a. An tee chɛ che‑a kɛn, an na‑a wan a tena, an da a koaen ba. Mbɛ a ka sau ma ma, aan yɛɛ ma tee a, Pɔɔ si‑a wan ko ɔ ko ma, a‑a a ɔ yian mɔɛ chɛ n na. Pɔɔ‑a bai ɔ yian fan, a si Yataa 'a mansaya ma, an yiima mun koe a Chisɔsi tena. A‑a bai chɛ bɔ sawa chɛ an dɔ, Yataa‑a miin be Mosisi ma, a basan gboo chɛ ɔ a, Yataa 'a gbonka chɛ mɔɛ n 'na gboo chɛ.

CHISƆSI 'A SƆ MƆƐ NU 8:35

Mbɛ Fiipi‑a an kaina chɛ fasai kamin chɛ ye, a ni ka kaina min kan tena. Mbɛ a‑a sakana bai chɛndɛ chɛ ɔ yian kamin chɛ a, a si Chisɔsi ma.

CHISƆSI 'A SƆ MƆƐ NU 9:20

A nii ma tima yayi ni, chɛɛ a ta‑a wan dɔndɔ gbe Chu n 'na samun chɛ chenɛ n na. Mbɛ a bun‑da bai sa‑a, a si Chisɔsi ma, a ɔ, Yataa 'a denɛ an nɛ.

GBOO SAA KƆYINDI KO A 15:3

A nyɛnden mu buɛ min dɔ Yataa 'a gboo ɔ, n‑na a a ben ka wan wo tena. Chɛ an mu koe chenama saa saa a, a ɔ gbɛ koe a. Mbɛ Chasi fa‑a mmɔ 'a ko yama n fan ko a.