CHISƆSI 'A SƆ MƆƐ NU 17:17 - Yataa 'a Dɔbɛnɛ Nama

¹⁷ Chɛ ko a, a ni ma wan Chu n 'na samun chen chɛ a. An bɛ an na, an ni koe n tɛnsɛ wan, an nyɔn tɛ ɔ. Mɔɛ chɛ n bɛɛ, miin ni kooya be Yataa ma, an ni ma wan nɔ. A yɛ to, Pɔɔ ni ta wan machiti ɔ tee ɔ tee a, mbɛ a‑a koe n tɛnsɛ chɛ n tena, miin ni che ma‑a nɔ.

CHISƆSI 'A SƆ MƆƐ NU 17:17 ပူးပေါင်းရင်းမြစ်များ

MAKI 16:15

Mbɛ a ɔ an ma, “Wo ta dunya chɛ gbɛɛ ɔ, wo ni sakana bai chɛndɛ chɛ ɔ yian mɔ ɔ mɔ a.

DUKU 12:3

Chɛ an‑na a fɔ, wo e bai kan kɔ kan min fɔ‑a wo dechee a, mɔɛ n mbe a a min‑da wan baa kun tɛ. A sin, wo dechee ɛ wɛwɛɛ min fɔ‑a, dunya ɛ a a min‑da wan chɛndɛ chɛ.

CHISƆSI 'A SƆ MƆƐ NU 10:2

An kamin chɛ ni mɔɛ an na, min ni kooya be Yataa ma. A ni Yataa fai wan tima ɔ tima ko a, an bɛ a 'a chen 'na mɔɛ n gbɛɛ a. A boo fenɛ nii ma dɔɔ, a ni min be, basan koe a yɔn tɔɛ n ma. A gboo ɔ nii fa, samunɛ chɛ koe a.

CHISƆSI 'A SƆ MƆƐ NU 13:16

Mbɛ Pɔɔ‑a a kɔɔ sɔ, a‑a a boo a sɛ an too ma sɔ koe a, mbɛ a bun‑da koɔ‑a. A ɔ, “N bɔ Isɔɛɛ mɔɛ nu, wo wo too ma sɔ, wo wɛn bɛɛ ma Chu mɔ a, wo wo too ma sɔ n ma.

CHISƆSI 'A SƆ MƆƐ NU 13:43

Mbɛ mɔɛ chɛ n gbɛɛ, an ban‑da bɔ‑a Chu n 'na samun chɛ chen chɛ a. Chɛɛ Chu mɔɛ nu, ni an sɛsɛ miin boo fea sien ni Chu n 'na Yataa fai chia kɔɔ, an sɛsɛ‑a a sɔ wan Pɔɔ fɛ, an fea Banabasi a. An koɔ‑a wan mɔɛ chɛ n tena, an‑na a ma din an tena, mbɛ an ma an kan kɔ sɔ to Yataa 'a koadia deman chɛ a.

CHISƆSI 'A SƆ MƆƐ NU 13:50

Chɛɛ musu gbakoo nu an duu chɛ ɔ, miin ni kooya be Yataa ma, an bɛ nɔ mɔ kaima gbakoo n gbɛɛ a, Chu mɔɛ chɛ n‑na an gbɛɛ a sɛ wan Pɔɔ n ma. An‑na ko ma gbaaenɛ sa wan Pɔɔ ma, an fea Banabasi a, mbɛ an gbu‑a an gbain an tanda gbu ɔ.

CHISƆSI 'A SƆ MƆƐ NU 8:2

Mɔɛ dɔ nu, miin fɔɛ been ni ka Yataa fai koe a, an‑na Sitibin tɔn fan. An sin‑na chinchima di chɛ wan to, a si Sitibin fa koe ma.

CHISƆSI 'A SƆ MƆƐ NU 9:20

A nii ma tima yayi ni, chɛɛ a ta‑a wan dɔndɔ gbe Chu n 'na samun chɛ chenɛ n na. Mbɛ a bun‑da bai sa‑a, a si Chisɔsi ma, a ɔ, Yataa 'a denɛ an nɛ.

2 TIMOTI 3:2

Koe min na mu, mɔɛ n mbe to‑a an fandi an na dechee, a basan kɔpɔɛ a. An mbe ma‑a dɔdia tɔɛ n fan na, an dɔ pandaenɛ ɛ, an mbe ee baa be mɔ ɔ mɔ ma, an mbe ee an woo mɔɛ n da a kuiɛ ma, an ma wai nyima sɔn, Yataa sɔn bai nu.

2 TIMOTI 3:5

An 'na Yataa koe ɛ an da ɔ wan, chɛɛ a ee an faa ɔ. Ka a mɔ bonda chɛ n bai ma.