CHISƆSI 'A SƆ MƆƐ NU 16:9 - Yataa 'a Dɔbɛnɛ Nama

⁹ A yɛɛ chɛ ma, Yataa‑a koe ɔ yian fan Pɔɔ a, yɔ a ni cho an dɔ. A‑a mɔ kaima yen fan, min ka‑a Masidonia chɛnyɛ ɔ, a ɛ sɔ ɔ a disa‑a, a ɔ, “Na nɛ nn tena Masidonia, i ni nn deman.”

CHISƆSI 'A SƆ MƆƐ NU 16:9 ပူးပေါင်းရင်းမြစ်များ

CHISƆSI 'A SƆ MƆƐ NU 10:3

Tee kɔ kai ma ni, tee dɔndɔ a, mbɛ Kɔniyɔsi‑a koe ɔ yen, yɔ a ni cho ɔ wan. A‑a maeka yen fan pɛnɛnɛ a wandi ya a, a na‑a a tena, mbɛ a‑a a fɔ a ye, a ɔ, “Kɔniyɔsi!”

CHISƆSI 'A SƆ MƆƐ NU 10:30

Mbɛ Kɔniyɔsi ɔ, “Bi an‑na a ma gbɛ tee naanin, koe chɛ ma‑a. N ni wan samun chɛ‑a, tee kɔ kai ma, nɛ n 'na chenɛ a. Mbɛ a yen ko, n‑na mɔ kaima yen sɔ ɔ, a ma koa ɛ man‑da taun.

CHISƆSI 'A SƆ MƆƐ NU 16:10

Pɔɔ ban‑da kɛn dechee an koe chɛ ɔ yen‑da, a ya kɔɔɛ a, a wan Pɔɔ ni ma, ni nn fan, nn bun‑da nn ma bɛn‑da, ta koe a Masidonia chɛnyɛ ɔ. Koe min na mu, nn‑na nn yii na chii wan, mbɛ Yataa an‑na nn chee ka, ta koe a nɔ. Chɛ ni a ma, nn ni sakana bai chɛndɛ chɛ ɔ yian nɔ mɔɛ n na, a si Chisɔsi ma.

CHISƆSI 'A SƆ MƆƐ NU 16:12

Nn ka‑a nɔ wan, mbɛ nn ta‑a Fiipai duu ɔ. An ni duu chenama wa a, a tɔɛ chɛ n gbɛɛ ma Masidonia chɛnyɛ ɔ. A ni to duu an na, Domi mɔɛ n na‑a min na tɛ. Nn‑na tee sɛsɛ ya wan nɔ.

CHISƆSI 'A SƆ MƆƐ NU 18:5

Sidasi an fea Timoti a, an na‑a kɛn a ka Masidonia chɛnyɛ ɔ, Pɔɔ‑a a 'a tima gbɛɛ be Yataa bai sa koe an na. A ni wan a fɔ tena Chu mɔɛ n ye, Chisɔsi an mu kunka mansa a.

CHISƆSI 'A SƆ MƆƐ NU 19:21

Koe chɛ n gbɛɛ gbakɔ, Pɔɔ‑a a yiima ɔ bɛn fan, Yataa Nyina 'a gbasaya ɔ, ben koe a Masidonia chɛnyɛ ɔ, a basan Akaya a, ta koe a Chuusaɛn duu ɔ. A‑a a fɔ wan, a ɔ, “Ni n ta‑a Chuusaɛn, n mbe che‑a wan Domi bɛɛ.”

CHISƆSI 'A SƆ MƆƐ NU 19:22

Mbɛ a‑a Timoti a ta Masidonia, an fea Ɛyasitɔsi a, mɔ fea miin ni basan a ma. Mbɛ a sin to‑a tima ɛnden ko a, Esia chɛnyɛ chɛ ɔ.

CHISƆSI 'A SƆ MƆƐ NU 19:29

Mbɛ mɔɛ n sɔnkɔ sɔnkɔ chɛ kuiɛ‑a duu wa gbu ɔ bɔ, a si an koe chɛ ma. Mbɛ an gbɛɛ‑a bui sa a a, mɔɛ n gbɛɛ bɛn tena chɛ duu chɛ ɔ. An‑na Kayɔsi bia wan, an ta‑a a a an boo ɔ, an fea Ayisitakɔsi a. Kayɔsi chɛ, an fea Ayisitakɔsi a, Masidonia chɛnyɛ mɔɛ n ni an na, miin bɛ na‑a na Pɔɔ a.

CHISƆSI 'A SƆ MƆƐ NU 20:1

An gbun chɛ ɔ chima‑a kɛn, mbɛ Pɔɔ‑a Chisɔsi fɛ mɔɛ chɛ n chee kaina dɔndɔ. A ban‑da kɛn an faa chima bai fɔ‑a an ye, a‑a a saa wan an na. Mbɛ a‑a an to, a ta‑a Masidonia chɛnyɛ ɔ.

CHISƆSI 'A SƆ MƆƐ NU 20:3

a ni kaina kau sawa ko a. A ɛ gbɛ a ma bɛn tena wan, ta koe a Siyia chɛnyɛ ɔ dɛndɛ ɔ, mbɛ a‑a a ɔ gbɛ, mbɛ Chu mɔɛ n ni dɔbɛnɛ an dɔ, a fa koe a. A wɛɛ‑a a yiima mun fan, mbɛ a yɛ‑a to Masidonia.

CHISƆSI 'A SƆ MƆƐ NU 27:2

Nn sɛ‑a wan dɛndɛ ɔ, min ka‑a Adamitiɔn duu ɔ, min ni gbɛ ta koe a duu chɛ n dɔ, yii a sanɛ Esia chɛnyɛ ɔ. Mbɛ nn ta‑a, nn bɛ Ayisitakɔsi a, min ni Tɛsadonika duu ɔ mɔɛ a, a ka Masidonia chɛnyɛ ɔ.

CHISƆSI 'A SƆ MƆƐ NU 9:38

Chɔpa ɔ nii ma yansan Dida a. Mbɛ Chisɔsi fɛ mɔɛ nu Chɔpa, an‑na a a min kɛn, mbɛ Pita ɛ Dida, an‑na mɔ fea n sɔ wan a tena. An dɔ, a dimu, a ni na bui chɛ a nɔ an tena, Chɔpa.

GBOO DOMI KO A 15:26

Koe min na mu, chɔchi mɔɛ chɛ nu Masidonia chɛnyɛ ɔ, an bɛ Akaya chɛnyɛ ɔ nɛnɛ n bɛɛ a, an‑na an boo fenɛ a bɔ faaɔgbɛ ɔ. An toen mu an ni chɛ n deman, miin yakɔɔtawaen mu Yataa 'a mɔɛ n tɛ ɔ Chuusaɛn duu ɔ.

GBOO FEAN BƆƐ KƆYINDI KO A 11:9

Mmɔ bɛ sin ni tima min na, n sin toen ni demanɛ a, n nii ma n 'na yakɔɔtawa si ni mɔ ɔ mɔ kun ma. Mmɔ suun ma nyɔɛ nu Chasi ɔ, miin na‑a ka Masidonia chɛnyɛ ɔ, an fan‑na fen kɔ fen be n ma, min ma gbɔsɔɛ ni n ma. N ni buɛ min dɔ, a kɔma a, n mbe ma‑a ka wan, ya ɔ ma wɛɛ. N mbe ee n 'na yakɔɔtawa sa‑a wo kun ma, chia ɔ chia a.

GBOO FEAN BƆƐ KƆYINDI KO A 12:7

A sin to, Yataa nii ma to ni n kunɛ ni koa, yonka a, a si ko ɔ nunden chɛ n ma, miin dɔ yian‑da n na. Yataa‑a mɔnɛ ma koe si wan n na. An koe chɛ ma‑a wan Sitana 'a bosa a, n gbasi koe a, n kunɛ ma na koa n na.

GBOO FEAN BƆƐ KƆYINDI KO A 7:5

Koe min na mu, nn cheenɛ gbakɔ wɛɛ Masidonia chɛnyɛ ɔ, nn nii ma nn suin ni ɛnden bɛɛ a. Gbun koe dechee an ni a ɔ ben‑da, kan kɔ kan nn 'na tindanɛ. Mɔɛ n mbe koɔ‑a, an bɛ an bɔɛ n na, min gbu‑a a ma nn chian‑da.

GBOO FEAN BƆƐ KƆYINDI KO A 8:1

Nn suun ma nyɔɛ nu Chasi ɔ, nn toen mu wo ni koe ɔ sɔn, a si Yataa 'a koadia demanɛ ma. Wo ni a ɔ sɔn, ɛ koe miin ma tena chɔchi n dɔ Masidonia chɛnyɛ ɔ.

GBOO FEAN BƆƐ KƆYINDI KO A 9:2

N‑na a ɔ sɔn fan, mbɛ wo ma bɛndenɛ mu, basan koe a an ma. N gbu sin, n mbe yonka tɛ wan, a si wo ma mmɔ bɔɛ Chisian chɛ n tena Masidonia chɛnyɛ ɔ. N mbe a fɔ wan an ye, mbɛ an bɔɛ Chisianɛ nu, miin mbe Akaya chɛnyɛ ɔ, an ma bɛndenɛ mu, kɛn banun, demanɛ chɛ koe a. Faa min mbe wo ɔ demanɛ chɛ koe a, a‑a a ma wan, an sɛsɛ faa bɔ‑a gbɛ.

Gboo Saa Tɛsadonika Ko A 4:10

Wo sin gbu, tea ko a, wo sɔnɛ ɛ ka wan Chisian chɛ n gbɛɛ tena, miin mbe Masidonia chɛnyɛ ɔ. Chɛɛ nn suun ma nyɔɛ nu Chasi ɔ, nn mbe wo disa tena, min mbe a ma, wo gbu ni to an na, a ben chɛ ma.