CHISƆSI 'A SƆ MƆƐ NU 16:25 - Yataa 'a Dɔbɛnɛ Nama

²⁵ Chɛɛ su tɛ tɛ ma an to‑a, Pɔɔ an fea Sidasi a, an ni wan samun chɛ‑a, an mbe ta‑a si sa‑a Yataa tena. Pimbi chen na sa mɔɛ tɔɛ chɛ nu, an too ma sɔenɛ ɛ an ma.

CHISƆSI 'A SƆ MƆƐ NU 16:25 ပူးပေါင်းရင်းမြစ်များ

DUKU 22:44

A faa yɔn‑da wan a ɔ benden ba a, mbɛ a‑a samunɛ chɛ a sɔɛ gbɛɛ a. Taa min ni bɔ tena a ma, a maen fan ni yɔ wii, ɛ bɔn‑da kaka duu ma.

CHISƆSI 'A SƆ MƆƐ NU 15:22

Mbɛ Chisɔsi 'a sɔ mɔɛ chɛ nu, ni gbakoo nu, an bɛ chɔchi mɔɛ chɛ n gbɛɛ a, an‑na dɔbɛnɛ chɛ. An boo sɔ koe ma mɔɛ dɔ n ma an tɛ ɔ, an bɛ ni ta Pɔɔ an fea Banabasi a, Andiɔki duu ɔ. An‑na an boo sɔ wan mɔ fea n ma, basɔmaya ni miin ma mɔɛ chɛ n boo ɔ, miin‑na an kai fa ka Chisɔsi a. An mɔ fea chɛ n ni Chudasi an na, min tɔ ni to Basabasi, an fea Sidasi a.

CHISƆSI 'A SƆ MƆƐ NU 16:19

Chɛɛ yɔnɛ chɛ ti n‑na a ɔ yen kɛn, mbɛ an 'na kɔpɔ sɔn chia den den chɛ a, a ban‑da, an dɛ‑a wan Pɔɔ ma, an fea Sidasi a. Mbɛ an‑na an konkon, a ta mansa n tena, kuti tongbo kɔɔ.

CHISƆSI 'A SƆ MƆƐ NU 16:33

A tima dɔndɔ gbe chɛ kɔɔ yɛɛ chɛ ma, pimbi chen kun ma fɛn mɔɛ chɛ‑a an ya wan, mbɛ a‑a an ma gba tena n na ko fo. A sin, a ya kɔɔɛ a, Pɔɔ an fea Sidasi a, an‑na yii chɛ wan a kunɛ ɔ, Yataa chia a, a basan a 'a chen 'na mɔɛ n gbɛɛ a.

CHISƆSI 'A SƆ MƆƐ NU 5:41

Chɛɛ an bu ɔ ni di wan, an mbe kɛn ka‑a Chu kuti wa chɛ ɔ. Koe min na mu, an‑na a ɔ sɔn fan, mbɛ Yataa‑a an ya mɔ chɛndɛ n na, mauma koe ɔ bia koe a Chisɔsi ko a.

GBOO DOMI KO A 12:12

Wo ma buɔdia ɔ, tima ɔ tima ko a. Koe min na mu, wo yii na tɛ tena ɛ wan. Ni yakɔɔtawa‑a wo tan, wo wo faa bia. A sin, wo samunɛ chɛ tima ɔ tima ko a.

GBOO DOMI KO A 5:3

Chɛ dechee ma, chɛɛ mmɔ buɔdia bɔ mmɔ 'a tɔɔya n dɔ. Koe min na mu, mmɔ‑a a ɔ sɔn fan, mbɛ tɔɔya an mbe na faabia a mmɔ tena.

GBOO FEAN BƆƐ KƆYINDI KO A 6:10

Faayɔnɛ ɛ nn tan tena wɛɛ, chɛɛ chɛ gbɛɛ ɔ, nn mbe buɔdia bɔ wan tee ɔ tee a. Nn maen mu bɛɛ yɔn tɔɛ n na, chɛɛ nn mbe mɔ sɛsɛ n ma tena wan nyan tɔɛ n na. Nn maen mu mɔɛ n fan na, fen kɔ fen mbe ee miin boo ɔ. Chɛɛ fen kɔ fen gbu, ɛ nn fan boo ɔ.

Gboo Ɛfisɔsi Ko A 5:19

Wo ni koe ma ka wo nyɔn tɛ ɔ. Wo si kan kɔ kan sa Yataa ye, a ɛ tando min dɔ. Wo si a diama n na bɔ Yataa tena, wo faa gbɛɛ a.

Gboo Fiipai Ko A 2:17

Wo e wo wandi be tena wan yɔ yasi, wai chɛ koe a Chasi ko a. Koe min na mu, wo‑a wo kai fa a a. N bu ɔ di, n sin mbe buɔdia bɔ‑a wan wo gbɛɛ a, an ni a ma wɛɛ, n wii ni bɔn, yɔ an mbe gbɛ bɔ buɛ min dɔ yasi a.

Gboo Kɔdɔsai Ko A 1:24

Sanche chɛ ɔ, n mbe tɔɔya min gbɛɛ chɛ tena, wo ko a, n bu ɔ diama mu. A sin, n gboo chɛ ɔ, n mbe tɔɔya chɛ a ban‑da wan, Chasi‑a min dɔ bia, a gboo ko a, min mu chɔchi a.

GBOO IBU MƆƐ N KO A 5:7

Tima min na Chisɔsi ni fɔɛ ɔ dunya chɛ ɔ, a ni samunɛ chɛ wan, a yɛ to, a ni Yataa ɔ tisa wan basan koe a a ma. A ni chɛ ma a kuiɛ ma sɛenɛ an na, a ya yii ɛ ta‑a bɔ‑a Yataa tena, min mbe che dechee a kun bɔ koe a saya ɔ. A sin ni baa be ka buɛ min dɔ Yataa ma, a wɛɛ, a ni a di kuiɛ a min fan.

CHIMISI 1:2

N suun ma nyɔɛ nu Chasi ɔ, wo bu ɔ ni dia, ni ko yawaen kan kɔ kan‑na wo tan.

CHIMISI 5:13

Ni mɔ ɔ mɔ ɛ wan wo tɛ ɔ, min mbe tɔɔya ɔ, a ni Yataa fai. Ni mɔ ɔ mɔ ɛ wan wo tɛ ɔ, min mbe buɔdia ɔ, a ni tando be Yataa ma si ɔ.

1 PITA 4:14

An mbe wo wɛn main‑da, an dɔ, Chisɔsi Chasi fɛ mɔɛ mu wo a, dua ɛ wo ma. Chɛ‑a a ɔ yian fan ka, Nyina gbasayaen chɛ, Yataa Nyina, ɛ gbɛ wo fɛ gban.