CHISƆSI 'A SƆ MƆƐ NU 16:23 - Yataa 'a Dɔbɛnɛ Nama

²³ An‑na an faa ma gbasi chɛ kɛn an na, an‑na a ma wan an na dɛ‑a pimbi chenɛ a. Mbɛ an‑na a fɔ, pimbi chenɛ kun ma fɛn mɔɛ ye, an dɔ, a ni a da a tɔn gban.

CHISƆSI 'A SƆ MƆƐ NU 16:23 ပူးပေါင်းရင်းမြစ်များ

MATIU 26:48

An mbe e na to na‑a, Chudasi na‑a a fɔ wan mɔɛ chɛ n ye, a ɔ, ɛ mɔɛ min kɔndɔn‑da, a ɔ, an nɛ. A ɔ, an ni dɛ a ma, an ni a bia.

DUKU 21:12

Chɛɛ koe chɛ n gbɛɛ mbe e na to ma‑a, an mbe wo bia‑a wan, mbɛ an‑na ko ma gbaaenɛ sa wo ma. An mbe ta‑a wan wo a, wo gbɛmbo koe a, mmɔ 'a samun chɛ chenɛ n na, mbɛ an‑na wo sa pimbi chenɛ a. An mbe na‑a wan wo a, mansa n chen kɔɔ, an bɛ kun ti n na. An mbe chɛ gbɛɛ si‑a wan wo a, a si n bakoe ma.

CHISƆSI 'A SƆ MƆƐ NU 12:18

A banda ɔ ka ma, sau ma che‑a kɛn gbɛ, pimbi chen kun ma fɛn mɔɛ chɛ n 'na ma samba nii ma dɔɔ. An gbu nii ma a ɔ sɔn, koe min ma‑a Pita a.

CHISƆSI 'A SƆ MƆƐ NU 12:4

A sin‑na a ma kɛn, Pita bia‑a, a‑a a sa wan pimbi chenɛ a. Pita be‑a pimbi chen kun ma fɛn mɔɛ kun naanin fan ma, a kun ma fɛn koe a. An ni naanin naaninɛ an ma. Mansa Ɛdɔdi toen ni, a ni Pita 'a bai sa fanka ɔ wan, ni an kun bɔ‑a ɔ bɛn chɛ ka‑a a a.

CHISƆSI 'A SƆ MƆƐ NU 16:27

Mbɛ pimbi chen kun ma fɛn mɔɛ chɛ kunɛ‑a, mbɛ a‑a pimbi chenɛ gbu da n na kaenɛ n yen. A‑a chɛ ɔ yen kɛn, a ni wan a yii ma gbɛ, mbɛ mɔɛ chɛ n gbɛɛ pimbi chen chɛ a, an ben‑da bui‑a. Mbɛ a‑a a 'a chɛɛ chɛ mɛ bɔ a sa a, a toen ni, a ni a wandi fa.

CHISƆSI 'A SƆ MƆƐ NU 16:36

Mbɛ pimbi chen kun ma fɛn mɔɛ chɛ, a‑a bai chɛ ɔ yian Pɔɔ a, a ɔ, “Mansa n‑na sakana a na, mbɛ wo ni ta, wo fea Sidasi a. Chɛ an fɛ mu gbɛ, wo bɔ gbɛ, wo ni ta wo faa chimaenɛ a.”

CHISƆSI 'A SƆ MƆƐ NU 5:18

Mbɛ an‑na Chisɔsi 'a sɔ mɔɛ chɛ n bia, mbɛ an‑na an sa pimbi chenɛ a.

CHISƆSI 'A SƆ MƆƐ NU 5:23

“Nn che‑a kɛn pimbi chen chɛ a, nn‑na a tan a da gbɛɛ a tɔndenɛ ɛ gban. Pimbi chen kun ma fɛn mɔɛ chɛ n gbɛɛ ni wan nɔ, an mbe an 'na wai chɛ‑a chen chɛ n da a. Chɛɛ nn‑na chen chɛ da chɛ n na ka kɛn, nn ma mɔ ɔ mɔ tan ni nɔ.”

CHISƆSI 'A SƆ MƆƐ NU 8:3

Chɛɛ Sɔɔ bun‑da wan ta si‑a chɔchi mɔɛ n gbu kɔɔ. A ni don fan chen kan kɔ kan na, a ɛ ta‑a mɔɛ chɛ n bia‑a, miin‑na an kai fa Chisɔsi a. A‑a musu n konkon fan, an bɛ mɔ kaima n na, a‑a an da a tɔn pimbi chenɛ a.

CHISƆSI 'A SƆ MƆƐ NU 9:2

mbɛ a‑a a ɔ tisa, gboo be koe a a ma. Gboo nyɛndenɛ chɛ, ɛ kun fan a ni a wakoe ɔ yian, ya ɔ sɔɛ chɛ n na, Chu n 'na samun chɛ chenɛ n na, Damasikɔsi duu ɔ. A na‑a chɛ ma koe min na, a toen ni, ni a‑a mɔ ɔ mɔ tan, min‑na a sɔ chia chɛ fɛ, Chisɔsi‑a min yian ka a sɔ koe a a fɛ, a ni a bia. A ni ma mɔ kaima a, chɛ ma, musu wɛɛ, a ni na a a Chuusaɛn duu bu ɔ.

GBOO FEAN BƆƐ KƆYINDI KO A 11:23

Ni wai chɛ mɔɛ mu an na, Chasi ko a, n mbe wɛɛ ka koɔ‑a yɔ woo mɔɛ, chɛɛ an wai chɛ mɔɛ chɛndɛ gbu mu n na, a ben an ma. N‑na wai chɛ, a ben an ma, n ta‑a pimbi chenɛ a, a ben an ma. N‑na gbasi min sin dɔ yen, dan mbe ee a ma. Tima sɛsɛ ko a, n ni ma wan saya baima, a ben an ma.

GBOO FEAN BƆƐ KƆYINDI KO A 6:5

A yɛ to, an‑na nn gbasi wan, an‑na nn sa pimbi chenɛ a, an‑na koɛ bun nn ma. A ma‑a wan nn‑na wai chɛ, a ɔ benden ba gbu a. A sin to, chinɔ nii nɔ, daun fen bɛɛ nii nɔ.

Gboo Ɛfisɔsi Ko A 3:1

Chɛ an fɛ mu, n fan Pɔɔ, n mbe samunɛ chɛ tena wo ko a. N fɛn mu ka, n mbe sa ɔ pimbi chenɛ a, koe min na mu, n mbe wai chɛ tena Chisɔsi Chasi ye wo ko a, wo wɛn ma ka Chu mɔ a.

Gboo Ɛfisɔsi Ko A 4:1

Chɛ an fɛ mu, n fan, n fɛn mbe ka bia ɔ, Mansa Chisɔsi ko a, n mbe wo disa tena wo ni chɛ ma. Yataa‑a wo chee ka buɛ min dɔ a ta mɔɛ n na, wo ma an fɔɛ ɔ, min ma biaen mu an chee chɛ ko a.

2 TIMOTI 2:9

Sakana bai chɛndɛ chɛ an fɛ mu n mbe tɔɔ tena ka, n chenɛ ɔ chiienɛ ɛ yɔ sawa yɔn mɔɛ. Chɛɛ Yataa 'a bai chen dɔ ma chii ni.

FIDEMƆN 1:9

Chɛɛ i 'a koadia n faa ɔ, a‑a a ma, n mbe i disa tena wan gbɛ. N fan Pɔɔ, n mbe chɛ ma tena wan, chenan kai mu wɛɛ n na, a sin, n mbe to sa ɔ pimbi chenɛ a Chisɔsi Chasi ko a.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.

KO Ɔ NUNDENƐ 2:10

Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”