CHISƆSI 'A SƆ MƆƐ NU 16:22 - Yataa 'a Dɔbɛnɛ Nama

²² Mbɛ fanka fanka chɛ n bɛɛ‑a an kaa sa Pɔɔ ma koe a, an fea Sidasi a. Mbɛ mansa chɛ n‑na Pɔɔ n 'na doma a panda panda, an fea Sidasi a. Mbɛ an‑na a ma, an‑na an gbasi kɔnɛ a.

CHISƆSI 'A SƆ MƆƐ NU 16:22 ပူးပေါင်းရင်းမြစ်များ

MATIU 10:17

Wo wo kun ma fɛn, a mu min na, an mbe wo bia‑a wan, an ni ta wo a gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na.

MATIU 27:26

Mbɛ Kɔfana Padeti‑a a boo ka Baabasi a an ye. Mbɛ a‑a a ma kɛn an‑na Chisɔsi boan pien, mbɛ a‑a a be, an ni a gbangban kɔn gbengbandenɛ ma, a ni fa nɔ.

DUKU 12:11

“Ni an na‑a wo a wo gbɛmbo koe a mmɔ 'a samun chɛ chenɛ n na, ni an na‑a wo a ya ɔ sɔɛ n chen kɔɔ, ni an na‑a wo a kun ti n bɛɛ chen kɔɔ, wo ma wo faa gbaa wo fɔ bai ko a, ni a fɔ buɛ ko a.

CHISƆSI 'A SƆ MƆƐ NU 16:37

Chɛɛ Pɔɔ‑a a fɔ wan an ye, a ɔ, “Nn ma ko kan kɔ kan yɔn ni, chɛɛ chɛ gbɛɛ ɔ, an‑na nn gbasi fanka ɔ den. Min gbu sin mu ka Domi mɔɛ tiki tiki mu nn na. Mbɛ an yɛ‑a to, an‑na nn na dɛ pimbi chenɛ a. Mbɛ sanche gbɛ an toen mu, an ni nn na bɔ pimbi chenɛ a, nun dɔ. Chɛ ee ma. Ɛ nyan fan, Domi mansa chɛ n fandi gbu, an ni na nn na bɔ.”

CHISƆSI 'A SƆ MƆƐ NU 17:5

Chɛɛ toomaya faa chɛ‑a wan Chu mɔɛ n dɔ, min‑na a ma, an‑na tataya tɔɛ n na sɔn sɔn dani ma ben‑da, gbunɛ a bea koe a. An ben‑da wan duu ɔ yee tɛ‑a, mbɛ an‑na butuinɛ a bea kamin dɔndɔ 'a chenɛ a. Kamin chɛ tɔ ni Chason. A ni wan an yii ma, mbɛ Pɔɔ an fea Sidasi a, an ni an bɔ nɔ, mbɛ an ta‑a an 'na mɔɛ n tena baa ma.

CHISƆSI 'A SƆ MƆƐ NU 18:12

Chɛɛ an‑na Kadio ma tima min na kɔfana a, Akaya chɛnyɛ kun ma, Chu n‑na kuiɛ a kanɛ chɛ Pɔɔ ma, mbɛ an‑na a bia, an na‑a a a kɔfana chɛ 'a kuti ɔ.

CHISƆSI 'A SƆ MƆƐ NU 5:40

Mbɛ an‑na Chisɔsi 'a sɔ mɔɛ chɛ n chee, mbɛ an‑na a ma, an‑na an boan pien. Mbɛ an‑na an na si gbau gbau, an dɔ, an ma bai ɔ bai sa to mɔɛ n tena, a si Chisɔsi ma. An‑na an na si kɛn, mbɛ an‑na an boo ka.

GBOO FEAN BƆƐ KƆYINDI KO A 6:5

A yɛ to, an‑na nn gbasi wan, an‑na nn sa pimbi chenɛ a, an‑na koɛ bun nn ma. A ma‑a wan nn‑na wai chɛ, a ɔ benden ba gbu a. A sin to, chinɔ nii nɔ, daun fen bɛɛ nii nɔ.

Gboo Saa Tɛsadonika Ko A 2:2

Wo‑a a ɔ sɔn fan, nn‑na tɔɔya min dɔ bia Fiipai duu ɔ, nn mbe na to na‑a wo tena Tɛsadonika. An‑na nn bia buɛ min dɔ, a yama yama boo a. Chɛɛ chɛ gbɛɛ ɔ, Yataa‑a nn sɔɛ don fan a 'a sakana bai chɛndɛ ɔ yian koe a. An 'na chɛɛ ma nyɔncha ma a ma ni, nn ni sɛmbɛ ɛnden bɛɛ a.

GBOO IBU MƆƐ N KO A 11:36

Dɔ n sin, an‑na an ma yɛn fan, an‑na an bosa. Mbɛ an‑na dɔ n chii yɔɔɛ a, an ta‑a an na pimbi chenɛ a.

1 PITA 2:24

Chisɔsi Chasi wandi gbu‑a mmɔ 'a ko yama n ya wan a gboo ɔ, a ta kɔn gbengbandenɛ ma, a‑a mɔnɛ ɔ bia an ko a nɔ. A na‑a chɛ ma, min mbe a ma, ni ko yama ma koe mu to, mbɛ mmɔ su mu gbɛ. Mmɔ ɛ gbɛ fɔɛ chɛndɛ an dɔ. Magba min chɛ‑a a a, an‑na a ma, wo‑a bauncha ma sɔn.