CHISƆSI 'A SƆ MƆƐ NU 16:20 - Yataa 'a Dɔbɛnɛ Nama

²⁰ An na‑a an na, mansa chɛ n chen kɔɔ, an‑na a fɔ an ye, an dɔ, “Kamin fea chɛ nu, Chu mɔɛ n fan nɛ. An toen mu, an ni na gbunɛ a, duu wa chɛ ɔ.

CHISƆSI 'A SƆ MƆƐ NU 16:20 ပူးပေါင်းရင်းမြစ်များ

MATIU 2:3

Mansa Ɛdɔdi‑a chɛ a min kɛn, a ma‑a wan a ma faayɔn ba a, an bɛ Chuusaɛn mɔɛ n gbɛɛ a.

CHISƆSI 'A SƆ MƆƐ NU 16:19

Chɛɛ yɔnɛ chɛ ti n‑na a ɔ yen kɛn, mbɛ an 'na kɔpɔ sɔn chia den den chɛ a, a ban‑da, an dɛ‑a wan Pɔɔ ma, an fea Sidasi a. Mbɛ an‑na an konkon, a ta mansa n tena, kuti tongbo kɔɔ.

CHISƆSI 'A SƆ MƆƐ NU 16:21

An mbe mmɔ 'a mɔɛ n kan tena manda n fan na, mmɔ ta sawa n ma min fɔ ni. Domi mɔɛ mu mmɔ a, mmɔ ee mmɔ boo si an kɔɔ, mmɔ sin mbe ee an na tachɛ.”

CHISƆSI 'A SƆ MƆƐ NU 18:2

Kɔyindi ni, a‑a Chu mɔ dɔndɔ tan, min tɔ ni Akuida, a sin suun‑da Pɔndɔsi chɛnyɛ ɔ wan. A na nama ni ka, a ka Itadi chɛnyɛ ɔ, an fea a 'a musu Pisida a. Koe min na mu, Domi kun ti wa chɛ, min tɔ ni Kaudiyɔsi, a na‑a sawa a ben fan, mbɛ Chu mɔɛ n gbɛɛ ni bɔ Domi duu ɔ. Pɔɔ ta‑a wan an yen koe a,

CHISƆSI 'A SƆ MƆƐ NU 19:34

Chɛɛ an‑na a ɔ sɔn kɛn, mbɛ Chu mɔɛ ni a a, an‑na yee tɛ wan to dɔndɔ a, an dɔ te, “Atɛmisi min mbe Ɛfisɔsi, yataa an nɛ, min gbasayaen mu.” An‑na chɛ ma wan, awa fea ko a.

CHISƆSI 'A SƆ MƆƐ NU 28:22

Chɛɛ chɛ gbɛɛ ɔ, nn toen mu, nn ni i wandi kanɛ ɔ kuiɛ a min, nn ni i ta yiima sɔn. Koe min na mu, koe min sien mu Chisian dɔbɛn chɛ ma, nn‑na a ɔ sɔn fan, mbɛ kan kɔ kan, mɔɛ n mbe a ma nyin fan.”

GBOO DOMI KO A 12:2

Wo ma a a tun koe n ma koe a, dunya chɛ ɔ mɔɛ n mbe miin ma. Chɛɛ wo faa an dɔ, Yataa ni wo mun, mbɛ a‑a yiima nama chɛndɛ chɛndɛ be wo ma. A tima chɛ a mu, wo e kun‑da wo ni a ɔ sɔn, Yataa toen mu koe miin na. Wo ni a ɔ sɔn, koe miin nyin Yataa tena, a yɛ to, mabɔ ee miin ma, an sin mbe a faa chima wan.

CHIMISI 4:4

Wo ma danaya ni gba Yataa tena. Wo gbu‑a a ɔ sɔn fan, mbɛ ni dunya chɛ ko a dia‑a wo ye, mbɛ Yataa ɛ ma‑a wan wo chɛɛ ma nyɔɛ a. Chɛ an‑na a fɔ, ni dunya chɛ ma‑a mɔ ɔ mɔ koadia nyɔɛ a, Yataa ma‑a a mɔɛ chɛ chɛɛ ma nyɔɛ a.