CHISƆSI 'A SƆ MƆƐ NU 16:19 - Yataa 'a Dɔbɛnɛ Nama

¹⁹ Chɛɛ yɔnɛ chɛ ti n‑na a ɔ yen kɛn, mbɛ an 'na kɔpɔ sɔn chia den den chɛ a, a ban‑da, an dɛ‑a wan Pɔɔ ma, an fea Sidasi a. Mbɛ an‑na an konkon, a ta mansa n tena, kuti tongbo kɔɔ.

CHISƆSI 'A SƆ MƆƐ NU 16:19 ပူးပေါင်းရင်းမြစ်များ

MATIU 24:9

“Mɔɛ nu dunya gbɛɛ ɔ, an mbe too‑a wan wo a, a mu min na, n fɛ mɔɛ mu wo a. An mbe wo bia‑a wan, mbɛ an‑na ko ma gbaaenɛ sa wo ma, mbɛ an‑na wo fa.

MAKI 13:9

“Chɛɛ wo wo wandi kun ma fɛn. An mbe wo bia‑a wan, an ni ta wo a, gbakoo n chen kɔɔ. An mbe yɛ‑a wan to, an ni wo gbasi an 'na samun chɛ chenɛ n na. An mbe wo bia‑a wan, an ni ta wo a, chɛnyɛ ti n tena, an mbe ta‑a wan wo a, mansa wa n chen kɔɔ. An mbe chɛ gbɛɛ si‑a wan wo a, a si n bakoe ma. Chɛɛ wo e kun‑da wan Yataa 'a sakana bai chɛndɛ ɔ yian‑da an na.

CHISƆSI 'A SƆ MƆƐ NU 14:19

Chɛɛ Chu dɔ n ka‑a wan Andiɔki duu ɔ, Pisidia chɛnyɛ ɔ, dɔ n bɛɛ ka‑a Ikoniɔn duu ɔ. An‑na a ma wan, mɔ fanka chɛ n yiima mun‑da, an‑na Pɔɔ ma bon bon fan, mbɛ an‑na a konkon, a bɔ duu ɔ. A ni an yii ma, mbɛ a fa‑a.

CHISƆSI 'A SƆ MƆƐ NU 14:5

Mbɛ mɔɛ dɔ nu, miin nii ma ka Chu mɔ a, an bɛ Chu mɔɛ dɔ n na, an‑na a siman fan, maumaya koe sɛ koe a an ma, an ni an ma bon bon senɛ a, aan an ni fa.

CHISƆSI 'A SƆ MƆƐ NU 15:22

Mbɛ Chisɔsi 'a sɔ mɔɛ chɛ nu, ni gbakoo nu, an bɛ chɔchi mɔɛ chɛ n gbɛɛ a, an‑na dɔbɛnɛ chɛ. An boo sɔ koe ma mɔɛ dɔ n ma an tɛ ɔ, an bɛ ni ta Pɔɔ an fea Banabasi a, Andiɔki duu ɔ. An‑na an boo sɔ wan mɔ fea n ma, basɔmaya ni miin ma mɔɛ chɛ n boo ɔ, miin‑na an kai fa ka Chisɔsi a. An mɔ fea chɛ n ni Chudasi an na, min tɔ ni to Basabasi, an fea Sidasi a.

CHISƆSI 'A SƆ MƆƐ NU 15:26

Mɔ fea an fan nɛ, miin‑na an fɔɛ be, mmɔ 'a mansa Chisɔsi Chasi 'a wai ko a.

CHISƆSI 'A SƆ MƆƐ NU 15:40

Chɛɛ Pɔɔ‑a Sidasi an ya, mbɛ an suun ma nyɔɛ nu Chasi ɔ, an‑na an konan Mansa Yataa ma. An dɔ, Mansa Chisɔsi 'a koadia demanɛ ni an kun ma fɛn.

CHISƆSI 'A SƆ MƆƐ NU 16:16

Tee dɔndɔ a, nn ni ta tena kɛn kaina chɛ, mɔɛ n ni ta samun chɛ koe a Yataa tena kaina, yɔnɛ den musuma dɔndɔ‑a nn tan fan. Nyina yama an ni a fɛ, min ni a ma, a ɛ mɔɛ n ma koe kɔɔ fɔ an ye, min mbe na tena an tan‑da. An yɔnɛ chɛ, a ni kɔpɔ sɛsɛ nyan fan a ti n ye, a 'a yawa gbasi chɛ ɔ.

CHISƆSI 'A SƆ MƆƐ NU 16:20

An na‑a an na, mansa chɛ n chen kɔɔ, an‑na a fɔ an ye, an dɔ, “Kamin fea chɛ nu, Chu mɔɛ n fan nɛ. An toen mu, an ni na gbunɛ a, duu wa chɛ ɔ.

CHISƆSI 'A SƆ MƆƐ NU 16:25

Chɛɛ su tɛ tɛ ma an to‑a, Pɔɔ an fea Sidasi a, an ni wan samun chɛ‑a, an mbe ta‑a si sa‑a Yataa tena. Pimbi chen na sa mɔɛ tɔɛ chɛ nu, an too ma sɔenɛ ɛ an ma.

CHISƆSI 'A SƆ MƆƐ NU 16:29

Mbɛ a‑a dambo ma chee, a don‑da nɔ. A sin, a ma samba sambaenɛ ɛ, a bea‑a wan Pɔɔ chen na, an fea Sidasi a.

CHISƆSI 'A SƆ MƆƐ NU 17:6

Chɛɛ an ma an yen ni kɛn, an bea‑a gbɛ Chason fan ma, mbɛ an‑na a konkon, a basan Chisianɛ dɔ n na. Mbɛ an na‑a an na duu ɔ gbakoo n tena, an dɔ, “Mɔɛ chɛ n fan‑na dunya gbɛɛ a mun mun ben‑da. Sanche gbɛ, an na‑a nɛ mmɔ 'a duu wɛɛ ɔ,

CHISƆSI 'A SƆ MƆƐ NU 21:30

Mbɛ gbunɛ bea‑a an duu wa chɛ gbɛɛ ɔ ben‑da, mɔɛ n mbe ta‑a ben‑da bui chɛ‑a dɔndɔ a. Mbɛ an‑na Pɔɔ bia fɔin, an‑na a konkon, a bɔ Yataa 'a kata chɛ ɔ. A sin, a ya kɔɔɛ a, an‑na Yataa 'a kata chɛ da n na tɔn tɔn fan.

CHISƆSI 'A SƆ MƆƐ NU 8:3

Chɛɛ Sɔɔ bun‑da wan ta si‑a chɔchi mɔɛ n gbu kɔɔ. A ni don fan chen kan kɔ kan na, a ɛ ta‑a mɔɛ chɛ n bia‑a, miin‑na an kai fa Chisɔsi a. A‑a musu n konkon fan, an bɛ mɔ kaima n na, a‑a an da a tɔn pimbi chenɛ a.

CHISƆSI 'A SƆ MƆƐ NU 9:16

A sin, n mbe a ɔ yian‑da wan a a gbɛ, a wɛɛ, ɛ mɔnɛ min nyɔn sima ɔ bia‑a n ko a.”

GBOO FEAN BƆƐ KƆYINDI KO A 6:5

A yɛ to, an‑na nn gbasi wan, an‑na nn sa pimbi chenɛ a, an‑na koɛ bun nn ma. A ma‑a wan nn‑na wai chɛ, a ɔ benden ba gbu a. A sin to, chinɔ nii nɔ, daun fen bɛɛ nii nɔ.

Gboo Fiipai Ko A 1:30

A sin, wo‑a n yen tɔbu min dɔ bia‑a, wo wɛɛ wo e ka an sima ɔ yen tena. A sin, wo e ka tɔbu min dɔ yen tena, an mbe ka tun n bɛɛ ma.

Gboo Saa Tɛsadonika Ko A 2:2

Wo‑a a ɔ sɔn fan, nn‑na tɔɔya min dɔ bia Fiipai duu ɔ, nn mbe na to na‑a wo tena Tɛsadonika. An‑na nn bia buɛ min dɔ, a yama yama boo a. Chɛɛ chɛ gbɛɛ ɔ, Yataa‑a nn sɔɛ don fan a 'a sakana bai chɛndɛ ɔ yian koe a. An 'na chɛɛ ma nyɔncha ma a ma ni, nn ni sɛmbɛ ɛnden bɛɛ a.

1 TIMOTI 6:10

A mu min na, kɔpɔɛ koe, ko yama sɛsɛ ɛ a kuu sɔ an ma. Kɔpɔ koe wa dɛgbɛ chɛ, an‑na a ma, mɔɛ dɔ n ka‑a danaya chia ma Chisɔsi a, a sin‑na an na dɛ faa yɔn koe n dɔ.

CHIMISI 2:6

Chɛɛ chɛ gbɛɛ ɔ, wo e tɛndɔya koe n ma wan yɔn tɔɛ n na. Min mu ka, nyan tɔɛ chɛ nu, an fan mbe wo konkon, an mbe ta wo a kuti ɔ.