CHISƆSI 'A SƆ MƆƐ NU 16:13 - Yataa 'a Dɔbɛnɛ Nama

¹³ Suin tee che‑a kɛn, nn bɔ‑a wan an duu wa dɛgbɛ chɛ ɔ, mbɛ nn ta‑a yii a sanɛ. A ni wan nn yii ma, mbɛ Chu mɔɛ chɛ n na sɔndenɛ ɛ ma‑a wan nɔ, samun chɛ koe a. Nn‑na musu chɛ n tan fan nɔ, an na sɔndenɛ ɛ kaina dɔndɔɛ, mbɛ nn koɔ‑a an tena.

CHISƆSI 'A SƆ MƆƐ NU 16:13 ပူးပေါင်းရင်းမြစ်များ

MATIU 13:2

Mbɛ mɔ fanka wa a kan‑da wan a 'a tindanɛ, min‑na a ma, a ta‑a, mbɛ a si‑a dɛndɛ dɔndɔ ɔ. Mɔɛ chɛ n sin to‑a sɔ ɔ tindi ma.

MAKI 16:15

Mbɛ a ɔ an ma, “Wo ta dunya chɛ gbɛɛ ɔ, wo ni sakana bai chɛndɛ chɛ ɔ yian mɔ ɔ mɔ a.

DUKU 13:10

Chu n 'na suin tee dɔndɔ ma, Chisɔsi ni wan kan chɛ tena an 'na samun chɛ chenɛ a.

CHƆN 8:2

Banda ka dɔndɔɛ ma, sayi ma, mbɛ a yɛ‑a to Yataa 'a kata chɛ ɔ. Mbɛ mɔɛ n gbɛɛ na‑a a 'a tindanɛ. A sin, a si‑a wan, mbɛ a bun‑da an kan‑da.

CHISƆSI 'A SƆ MƆƐ NU 13:14

Chɛɛ an‑na an 'na tachɛ a tun fan a ma, a ka Paaka, a ta Andiɔki duu dɔ mende ɔ, min ni Pisidia chɛnyɛ ɔ. A sin, Chu n 'na suin tee ma, an don‑da wan Chu n 'na samun chenɛ a, mbɛ an si‑a.

CHISƆSI 'A SƆ MƆƐ NU 13:42

Pɔɔ n ni kɛn bɔ‑a Chu n 'na samun chɛ chen chɛ a, mɔɛ chɛ n‑na an disa wan. An dɔ, suin tee min ni na tena, an ni koe chɛ n dɔ yian to an na.

CHISƆSI 'A SƆ MƆƐ NU 16:16

Tee dɔndɔ a, nn ni ta tena kɛn kaina chɛ, mɔɛ n ni ta samun chɛ koe a Yataa tena kaina, yɔnɛ den musuma dɔndɔ‑a nn tan fan. Nyina yama an ni a fɛ, min ni a ma, a ɛ mɔɛ n ma koe kɔɔ fɔ an ye, min mbe na tena an tan‑da. An yɔnɛ chɛ, a ni kɔpɔ sɛsɛ nyan fan a ti n ye, a 'a yawa gbasi chɛ ɔ.

CHISƆSI 'A SƆ MƆƐ NU 16:6

An ta‑a wan aan Fichiya chɛnyɛ gbɛɛ ɔ, a basan Kadesia chɛnyɛ ɔ a. Koe min na mu, Yataa Nyina nii ma dɔn ni, an ni Yataa bai sa Esia chɛnyɛ ɔ.

CHISƆSI 'A SƆ MƆƐ NU 17:2

Mbɛ Pɔɔ don‑da nɔ, yɔ a ta manda ni buɛ min dɔ. A sin wichi sawa ko a, an bɛ an na, an ni koe n tɛnsɛ wan, an nyɔn tɛ ɔ, Yataa 'a gboo ɔ.

CHISƆSI 'A SƆ MƆƐ NU 18:4

Suin tee kan kɔ kan ma, a ni koe tɛnsɛ wan mɔɛ chɛ n tena, Chu n 'na samun chɛ chen chɛ a. A sin, a ni butuin chɛ tena wan, Chu mɔɛ nu, an bɛ Kiisi mɔɛ n na, an yiima ni mun Chisɔsi tena.

CHISƆSI 'A SƆ MƆƐ NU 20:7

Tɛnɛ kan kɔ dɔɛ ma, nn bɛn‑da wan kaina dɔndɔɛ, daun chɛ koe a. Pɔɔ‑a Yataa bai sa wan mɔɛ chɛ n tena. A toen ni ben koe an na, a banda ka. Chɛ an fɛ mu, a koɔ‑a wan an tena, aan su ta‑a a tɛ ma.

CHISƆSI 'A SƆ MƆƐ NU 21:5

Chɛɛ nn 'na tima ban‑da kɛn nɔ duu chɛ ɔ, nn‑na nn saa wan an na, ta koe a. An gbɛɛ, musu nu, kai nu, an bɛ an 'na denɛ n na, an‑na nn ma sɔ wan. Nn che‑a kɛn yii da a, nn gbɛɛ, nn‑na nn kumbai gbangban fan, nn‑na samunɛ chɛ Yataa tena.

CHISƆSI 'A SƆ MƆƐ NU 9:20

A nii ma tima yayi ni, chɛɛ a ta‑a wan dɔndɔ gbe Chu n 'na samun chɛ chenɛ n na. Mbɛ a bun‑da bai sa‑a, a si Chisɔsi ma, a ɔ, Yataa 'a denɛ an nɛ.

Gboo Kadesia Ko A 3:28

Wo gbɛɛ, wo bɛ Chisɔsi Chasi a, wo ma‑a gbɛ mɔ dɔndɔɛ a. Tɛ bɔ kan kɔ kan mbe ee to Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin mu yɔnɛ n na, an bɛ chɛ n na, miin mbe an fandi ko a. Tɛ bɔ ee mɔ kaima an ma, an bɛ musu n na. Mɔ tɛ bɔ ee to nɔ.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.