CHISƆSI 'A SƆ MƆƐ NU 15:8 - Yataa 'a Dɔbɛnɛ Nama

⁸ A sin, Yataa min‑na mɔ ɔ mɔ faa ɔ koe sɔn, a dɔn‑da wan an ma koe a ka. A‑a a ma wan, Yataa Nyina bea‑a an bɛɛ fɛ, yɔ a‑a a ma buɛ min dɔ mmɔ ko a.

CHISƆSI 'A SƆ MƆƐ NU 15:8 ပူးပေါင်းရင်းမြစ်များ

CHƆN 21:17

A gba sawan bɔɛ ɔ, a ɔ, “Kai Chɔn 'na denɛ Saimɔn, n ko a di wan i ye?” Chɛ nɛnɛ ɔ, Pita faa yɔn‑da wan, Chisɔsi ni sɔ ɔ tisa min chɛ‑a a a, ni a ko a di wan a ye. Chɛ ko a, mbɛ a ɔ, “Mansa, i‑a ko ɔ ko ɔ sɔn fan. I‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ, “N fɛ mɔɛ n kun ma fɛn, yɔ an mbe sa n kun ma fɛn buɛ min dɔ.”

CHƆN 5:37

A yɛ to, Fa min‑na n sɔ, a wɛɛ‑a tea ɔ yian fan mɔɛ n na, a si n ma. Chɛɛ wo ma a kuiɛ a min nin bɛ, tee dɔndɔ wɛɛ ko a, wo ma a yen nin bɛ wo ya a.

CHISƆSI 'A SƆ MƆƐ NU 1:24

Mbɛ an‑na samunɛ chɛ, an dɔ te, “Mansa Yataa, i wan‑na mɔ gbu gbɛɛ yii ma koe ɔ sɔn. Chɛ ko a, Fa, mɔ fea chɛ n tɛ ɔ, a ɔ yian nn na, ni i‑a i boo sɔ min ma,

CHISƆSI 'A SƆ MƆƐ NU 10:47

“Yataa Nyina bea‑a ka wan mɔɛ chɛ n fɛ, yɔ a bea‑a buɛ min dɔ nn bɛɛ fɛ. Chɛ an fɛ mu gbɛ, mɔ ɔ mɔ ee to nɔ, min mbe an ka‑a yii chɛ koe a an kunɛ ɔ, Yataa chia a.”

CHISƆSI 'A SƆ MƆƐ NU 14:3

Pɔɔ an fea Banabasi a, an ni wan nɔ an duu chɛ ɔ, tima ɔ yansama ko a. An ni bai sa wan faagbɛa a, a si Mansa Chisɔsi ma. Mansa Chisɔsi sin gbu‑a a ɔ yian fan, mbɛ sakana bai chɛ, an mbe min sa, a si a 'a koadia demanɛ ma, tea bai nu mu. Chisɔsi ni a ma wan, sɔ mɔɛ chɛ n ni kamaya ko wa sɛsɛ n ma, an kun ma a a.

CHISƆSI 'A SƆ MƆƐ NU 15:28

Koe min na mu, nn‑na a ɔ yen fan, mbɛ a nyin fan nn tena, ni Yataa Nyina gbu wɛɛ tena, mbɛ yakɔɔtawa dɔ mende kan kɔ kan ma si to wo kun ma. Chɛɛ wo ni bea dechee sawa chɛ n fan fɛ, miin nyin wo ko a, yɔ chɛ nu.

CHISƆSI 'A SƆ MƆƐ NU 2:4

Yataa Nyina ni wan gbɛ an gbɛɛ fɛ gban, mbɛ an‑na a kuu sɔ koɔ‑a chɛnyɛ koɛ dɔ mende n dɔ. Yataa Nyina chɛ an ni gbasaya chɛ be an ma, an bai chɛ n sa koe a.

CHISƆSI 'A SƆ MƆƐ NU 4:31

An ban‑da kɛn samunɛ chɛ‑a, an na sɔnden ni ka kaina, Yataa‑a a ma wan, nɔ ɔ samba‑a gbigbi. A sin, Yataa Nyina ni wan gbɛ an gbɛɛ fɛ gban. Mbɛ an‑na a kuu sɔ Yataa 'a sakana bai sa‑a, faagbɛa a.

GBOO IBU MƆƐ N KO A 2:4

Yataa wandi wɛɛ, a na‑a a ɔ yian fan, mbɛ tea mu sakana bai chɛ a. A na‑a chɛ ma kamaya koe sɛsɛ n fan dɔ. A yɛ to, a ni a ma wan to, a Nyina ni mɔɛ n dua chia sɛsɛ n na. Ni Yataa wandi toen ni chɛ ni ma, tima ɔ tima ko a, a ni ma wan.

GBOO IBU MƆƐ N KO A 4:13

A sin, Yataa chen kɔɔ, fen kɔ fen mbe ee nɔ, min mbe nun a ma. Chɛɛ ko ɔ ko kan kɔ kan, an mbe wan sa ɔ den, a ya kɔɔ. Mmɔ gbɛɛ sin, mmɔ ɛ mmɔ chɛ chɛ wai ɔ yian‑da a wan na.

KO Ɔ NUNDENƐ 2:23

Mɔɛ chɛ n gbɛɛ, miin mbe a fɛ, n mbe an fa‑a wan. A sin chɔchi chɛ n gbɛɛ, an mbe a ɔ sɔn‑da wan, mbɛ n fan‑na mɔ ɔ mɔ yii ma sɔn, a basan mɔ ɔ mɔ faa ɔ koe a. Dɔndɔ, dɔndɔɛ a mu, n mbe an gbɛɛ pawa‑a, yɔ an mbe wai chɛ‑a buɛ min dɔ.”