CHISƆSI 'A SƆ MƆƐ NU 15:7 - Yataa 'a Dɔbɛnɛ Nama

⁷ An‑na a tɛnsɛ kɛn pien, an nyɔn tɛ ɔ, mbɛ Pita‑a a kɔɔ sɔ. A ɔ, “N suun ma nyɔɛ nu Chasi ɔ, wo‑a a ɔ sɔn fan, Yataa‑a koe min ma. Mbɛ tima ɛnden ko a gbɛ, Yataa na‑a a boo sɔ wan n ma wo tɛ ɔ, n ni sakana bai chɛndɛ chɛ, a si Chisɔsi ma, a ɔ yian mɔɛ chɛ n na, miin ma Chu mɔ a. An ni an bai chɛ a min, mbɛ an‑na an kai fa Chisɔsi a.

CHISƆSI 'A SƆ MƆƐ NU 15:7 ပူးပေါင်းရင်းမြစ်များ

CHƆN 15:16

Wo wan ma n ya ni, ma koe a wo kan mɔ a, chɛɛ n fan‑na wo ya, ma koe a n fɛ mɔɛ n na. N fan‑na wo ya, mbɛ n‑na wai be wo ma, wo ni ta, wo chɛ chɛ wai ni koa. Wo chɛ chɛ wai chɛ n sin, an ni ma kuɔ fɔ wai n na. Ni wo‑a chɛ ma, Fa ɛ fen kɔ fen be‑a wan wo ma, wo e a ɔ tisa‑a min ko a, n tɔɛ ɔ.

CHƆN 3:27

Chɔn dɔ, “Ni koe ma‑a ka, Yataa an dɔn‑da a ma.

CHISƆSI 'A SƆ MƆƐ NU 1:16

Mbɛ a‑a a fɔ, a ɔ, “N suun ma nyɔɛ nu Chasi ɔ, Yataa 'a gboo‑a min fɔ, a ni che wan a ni bɔ a a. Suun, Yataa Nyina‑a a ma wan, Mansa Defidi‑a koe chɛ kɔɔ fɔ, a si Chudasi ma, min ni na tena ma‑a. Chudasi chɛ ni mmɔ bɔɛ an na. Koe min na mu, Chisɔsi na‑a a boo sɔ wan a ma, wai chɛ chɛ koe a, mmɔ ɛ ka min na. A wan sɔ‑a mɔɛ n ya ɔ, miin ta‑a Chisɔsi bia.

CHISƆSI 'A SƆ MƆƐ NU 1:24

Mbɛ an‑na samunɛ chɛ, an dɔ te, “Mansa Yataa, i wan‑na mɔ gbu gbɛɛ yii ma koe ɔ sɔn. Chɛ ko a, Fa, mɔ fea chɛ n tɛ ɔ, a ɔ yian nn na, ni i‑a i boo sɔ min ma,

CHISƆSI 'A SƆ MƆƐ NU 10:19

Pita ni tun yiinachii an dɔ, a tima chɛ a, an koe chɛ ɔ gbɛ koe a, min mbe ka yɔ cho. Yataa Nyina‑a a fɔ a ye, a ɔ, “A yen ko, mɔ kaima sawa n na‑a, an mbe an ya a kan‑da i a.

CHISƆSI 'A SƆ MƆƐ NU 10:20

I kɔɔ sɔ, i ni yii, i ni an tan, mbɛ wo bɛ ta‑a an na. I ma sika, koe min na mu, n fan‑na an sɔ i tena.”

CHISƆSI 'A SƆ MƆƐ NU 13:2

Tee dɔndɔ a, an ni kɛn sun bia a, an mbe ta‑a Mansa Yataa fai‑a, Yataa Nyina‑a a fɔ wan an ye, a ɔ, “Wo a ma n ye, Banabasi, an fea Sɔɔ a, an ni ma tenchen wai chɛ ko a, n‑na an chee min chɛ koe a.”

CHISƆSI 'A SƆ MƆƐ NU 15:14

Saimɔn Pita ban‑da a ɔ yian‑da mmɔ a, Yataa na‑a a 'a koadia ɔ yian buɛ min dɔ, tima saa saa ko a, mɔɛ chɛ n na, miin nii ma Chu mɔ a. A na‑a a boo sɔ wan an dɔ n ma, ma koe a a ta mɔɛ n na.

CHISƆSI 'A SƆ MƆƐ NU 15:2

Chɛ‑a a ma wan, koɛ basan kɔɔsa yama yama a, a don‑da mɔɛ chɛ n tɛ ɔ, an bɛ Pɔɔ an fea Banabasi a. Mbɛ Pɔɔ an fea Banabasi a, an bɛ mɔɛ dɔ n na, an‑na an yian fan, sɛ koe a Chuusaɛn duu ɔ. An dɔ, an ni Chisɔsi 'a sɔ mɔɛ chɛ n yen, an bɛ chɔchi gbakoo n na, a si an bai chɛ ma.

CHISƆSI 'A SƆ MƆƐ NU 15:39

Chɛ na‑a koɛ a an tɛ ɔ, min‑na a ma, an tɛ du‑a. Banabasi‑a Maki ya wan, an si‑a dɛndɛ ɔ, mbɛ an ta‑a Saipɔsi, yii tinɛ ɔ.

CHISƆSI 'A SƆ MƆƐ NU 20:24

Chɛɛ ni n 'na wai chɛ koe mu, n ma n ta fɔɛ chɛ ya ni fen kɔ fen na. Wai chɛ, Mansa Chisɔsi‑a min be n ma, n ni a a ban koe mu. N ni sakana bai chɛndɛ chɛ ɔ yian mɔɛ n na, a si Yataa 'a koadia demanɛ ma.

CHISƆSI 'A SƆ MƆƐ NU 21:16

Mbɛ Chisɔsi fɛ denɛ dɔ nu, a ka Sisayea, an bea‑a wan nn fɛ. An sin‑na nn ya wan, nn ta‑a kamin dɔndɔ 'a chenɛ a, nn ni ma tena min 'na sondaya a. A tɔ ni Nason. A ka‑a Saipɔsi yii tinɛ ɔ wan, a sin‑na a kai fa Chisɔsi a tima min na, a ɔ ni yansan.

CHISƆSI 'A SƆ MƆƐ NU 3:18

Chɛɛ Yataa wandi na‑a min fɔ suun, an bɔ‑a ka a a. A na‑a a don fan a 'a gbonka chɛ mɔɛ n gbɛɛ da ɔ, mbɛ a 'a kunka mansa ɛ mɔnɛ ɔ bia‑a wan.

CHISƆSI 'A SƆ MƆƐ NU 4:25

I wan‑na a ma, nn bemba n ta bemba Defidi koɔ‑a. I 'a bɔi denɛ ni a a. Mbɛ a sin, Yataa Nyina na‑a bai don fan a da a, a fɔ koe a. A na‑a a fɔ wan i 'a gboo ɔ, a ɔ, ‘Mɔɛ tɔɛ n gbɛɛ dunya ɔ, miin ma Chu mɔ a, an faa ɛ tɛ‑a, an mbe dɔbɛn yama chɛ‑a, a si Mansa Wa ma, ko ee bɔ‑a min dɔ. Fen mu an mbe chɛ ma tena?

CHISƆSI 'A SƆ MƆƐ NU 9:15

Chɛɛ Mansa Chisɔsi‑a a fɔ wan a ye, a ɔ, “Ta, mɔna chɛ mu, n‑na n boo sɔ min ma, wai chɛ koe a n ko a. A ni n bakoe ɔ yian mɔɛ n na, miin ma Chu mɔɛ n na, a basan mansa n na, an bɛ Isɔɛɛ mɔɛ n na.

Gboo Fiipai Ko A 2:14

Wo ma tisa chɛ, wo sin ma gbonyɛ, ni wo ma‑a ko ɔ ko ma‑a.