CHISƆSI 'A SƆ MƆƐ NU 15:6 - Yataa 'a Dɔbɛnɛ Nama

⁶ Mbɛ Chisɔsi 'a sɔ mɔɛ chɛ nu, an bɛ gbakoo n na, an bɛnden fan ni kaina dɔndɔɛ, an yii na chii koe a, bai chɛ ma.

CHISƆSI 'A SƆ MƆƐ NU 15:6 ပူးပေါင်းရင်းမြစ်များ

MATIU 18:20

Koe min na mu, ni mɔ fea, sawa bɛn‑da kaina min n 'na fɛ dencha ɔ, n bɛɛ n mbe ma‑a wan nɔ an tɛ ɔ.”

CHISƆSI 'A SƆ MƆƐ NU 11:30

An sin‑na an boo fenɛ n na sɔn sɔn fan, mbɛ an‑na an be Banabasi ma, an fea Sɔɔ a. An bɛɛ‑a boo fen chɛ n na ta wan, chɔchi gbakoo n tena Chuusaɛn duu ɔ.

CHISƆSI 'A SƆ MƆƐ NU 15:2

Chɛ‑a a ma wan, koɛ basan kɔɔsa yama yama a, a don‑da mɔɛ chɛ n tɛ ɔ, an bɛ Pɔɔ an fea Banabasi a. Mbɛ Pɔɔ an fea Banabasi a, an bɛ mɔɛ dɔ n na, an‑na an yian fan, sɛ koe a Chuusaɛn duu ɔ. An dɔ, an ni Chisɔsi 'a sɔ mɔɛ chɛ n yen, an bɛ chɔchi gbakoo n na, a si an bai chɛ ma.

CHISƆSI 'A SƆ MƆƐ NU 15:22

Mbɛ Chisɔsi 'a sɔ mɔɛ chɛ nu, ni gbakoo nu, an bɛ chɔchi mɔɛ chɛ n gbɛɛ a, an‑na dɔbɛnɛ chɛ. An boo sɔ koe ma mɔɛ dɔ n ma an tɛ ɔ, an bɛ ni ta Pɔɔ an fea Banabasi a, Andiɔki duu ɔ. An‑na an boo sɔ wan mɔ fea n ma, basɔmaya ni miin ma mɔɛ chɛ n boo ɔ, miin‑na an kai fa ka Chisɔsi a. An mɔ fea chɛ n ni Chudasi an na, min tɔ ni to Basabasi, an fea Sidasi a.

CHISƆSI 'A SƆ MƆƐ NU 15:25

Nn gbɛɛ nn‑na chɛ an dɔ yen, nn dɔn‑da, mbɛ a nyin fan, nn boo sɔ koe a mɔɛ dɔ n ma, nn ni an sɔ wo tena. An bɛ an mbe na tena nn dia nyɔɛ Banabasi an fea Pɔɔ a.

CHISƆSI 'A SƆ MƆƐ NU 15:4

An che‑a kɛn gbɛ Chuusaɛn, chɔchi mɔɛ n‑na an boo si wan an kɔɔ, an bɛ Chisɔsi 'a sɔ mɔɛ n na nɔ, ni gbakoo n gbɛɛ. A sin, Pɔɔ an fea Banabasi a, an si‑a wan ko ɔ ko ma, Yataa‑a min chɛ an ye, an‑na a ɔ yian.

CHISƆSI 'A SƆ MƆƐ NU 16:4

An ni ben ben tena kɛn duu wa chɛ n dɔ, an ni koe chɛ n dɔ yian fan mɔɛ chɛ n na, miin na‑a an kai fa Chisɔsi a, an ni an ma mɛn. Koe chɛ nu, an fan, Chisɔsi 'a sɔ mɔɛ nu, an bɛ gbakoo n na, an kuiɛ na‑a bɛn miin ma Chuusaɛn duu ɔ.

CHISƆSI 'A SƆ MƆƐ NU 21:18

Banda ɔ ka dɔndɔɛ ma, nn bɛ ta‑a wan Pɔɔ a, Chimisi yen koe a. Nn che‑a kɛn Chimisi tena, chɔchi gbakoo n gbɛɛ a sɔnden fan ni nɔ.

CHISƆSI 'A SƆ MƆƐ NU 6:2

Chɛ ko a, Chisɔsi 'a sɔ mɔ tan kun ma fea chɛ n‑na mɔɛ chɛ n gbɛɛ a kan kaina dɔndɔ, miin na‑a an kai fa ka Chisɔsi a, mbɛ an‑na a fɔ an ye, an dɔ te, “A ma ee bia‑a nn ni nn boo ka Yataa 'a bai sa a, min mbe a ma dechee, nn ni fen chɛ n du mɔɛ n ma.

GBOO IBU MƆƐ N KO A 13:17

Wo kooya be wo ya ɔ sɔɛ n ma, wo ni bea an da a kuiɛ n fɛ. An fan mbe wo kun ma fɛn tena, tima ɔ tima ko a. Koe min na mu, an mbe na‑a wan a ɔ yian‑da Yataa a, an ni wo kun ma fɛn buɛ min dɔ. Ni wo‑a kooya be an ma, an mbe an 'na wai chɛ‑a buɔdia an na. Ni wo ma kooya be ni an ma, an mbe a chɛ‑a faa yɔnɛ an na. A sin mbe ee ma‑a ko a tenden na wo tena.

GBOO IBU MƆƐ N KO A 13:7

Wo ma nyina wo ya ɔ sɔɛ n ma, chɛ nu, miin na‑a Yataa bai sa wo tena. Wo wo yii na chii min na‑a an tan fɔɛ ɔ, mbɛ wo‑a wo kai fa Yataa a, yɔ an ni buɛ min dɔ.