CHISƆSI 'A SƆ MƆƐ NU 15:5 - Yataa 'a Dɔbɛnɛ Nama

⁵ Chɛɛ mɔɛ miin kai faen ni ka Chisɔsi a, Chu mɔɛ dɔ n ni wan an tɛ ɔ, miin ni dɔbɛn chɛ ɔ, an ni min chee, an dɔ, Fayisii dɔbɛnɛ. An‑na an kɔɔ sɔ wan, mbɛ an dɔ, “A nyin fan mmɔ ni an na kamincha. A sin to, mmɔ ni a din an ma, an ni a sɔ sawa chɛ n gbɛɛ fɛ, Yataa‑a miin be Mosisi ma.”

CHISƆSI 'A SƆ MƆƐ NU 15:5 ပူးပေါင်းရင်းမြစ်များ

MATIU 3:7

Chɔn‑na a ɔ yen, mbɛ Chu mɔ kuun chɛ nu, an ni miin chee Fayisii nu, a basan chɛ n na, miin ni Sadusii a, an na‑a a tena. An dɔ, a ni yii chɛ an kunɛ ɔ, Yataa chia a. Chɛɛ a ɔ, “Wo yauaen ba chɛ nu, yɔ ka. Wo ee che wo nun‑da Yataa 'a mɔnɛ ma, min mbe wo ko a.

CHISƆSI 'A SƆ MƆƐ NU 15:1

Chɛɛ mɔɛ dɔ n ka‑a wan Chudia chɛnyɛ ɔ, an na‑a Andiɔki duu chɛ ɔ. Mbɛ suun ma nyɔɛ chɛ nu Chasi ɔ, mɔɛ chɛ n‑na a kuu sɔ an kan‑da nɔ, an dɔ, “Yataa ee che wo baun‑da, mɔɔ ni an‑na wo a kamincha, yɔ Mosisi‑a mmɔ kan buɛ min dɔ.”

CHISƆSI 'A SƆ MƆƐ NU 15:24

Nn‑na a a min, mbɛ mɔɛ n dɔ n bɔ‑a wan nn tɛ ɔ, an ta‑a wo tena, an‑na wo kɔndɔ fii an 'na kanɛ a, an mbe min chɛ tena. An gbu sin mbe ka min ma‑a, nn fan ma an sɔ ni.

CHISƆSI 'A SƆ MƆƐ NU 21:20

An sin‑na Pɔɔ 'a bai chɛ n na min kɛn, an‑na tando be wan Yataa ma. Mbɛ an‑na a fɔ Pɔɔ ye, an dɔ, “Nn suun ma nyɔɛ Chasi ɔ, i wandi‑a a ɔ yen, mbɛ Chu mɔ wu sɛsɛ nu, an‑na an kai fa buɛ min dɔ Chisɔsi a. A yɛ to, an‑na a ma wan, an ma gbɔsɔɛ a, mmɔ 'a Chu sawa n bia koe a.

CHISƆSI 'A SƆ MƆƐ NU 24:14

Chɛɛ n mbe dɔn tena chɛ an ma, i chen kɔɔ. Mbɛ nn bemba n ta bemba n 'na Yataa chɛ, n mbe an fai, a sɔ koe a chia chɛ fɛ, Chisɔsi‑a min yian, a sɔ koe a a fɛ. An‑na a fɔ an ma, mbɛ tea chia ma chɛ a. Chɛɛ n danden fan mu ko ɔ ko a, min mbe sawa chɛ ɔ, Yataa na‑a min be Mosisi ma, a basan koe chɛ n na, miin mbe Yataa 'a gbonka chɛ mɔɛ n 'na gboo n dɔ.

CHISƆSI 'A SƆ MƆƐ NU 24:5

Koe min na mu, nn‑na a ɔ yen gbɛ, mbɛ kamin chɛ mu mɔ gbu yama yama an na. A wan mbe gbunɛ a bea kan kɔ kan, Chu mɔɛ n mbe kaina min kan kɔ kan dunya ma. A yɛ to, a wan mu ya ɔ sɔɛ a dɔbɛn chɛ ko a, an mbe min chee, an dɔ, Nasaɛti mɔɛ n 'na dɔbɛnɛ.

CHISƆSI 'A SƆ MƆƐ NU 28:22

Chɛɛ chɛ gbɛɛ ɔ, nn toen mu, nn ni i wandi kanɛ ɔ kuiɛ a min, nn ni i ta yiima sɔn. Koe min na mu, koe min sien mu Chisian dɔbɛn chɛ ma, nn‑na a ɔ sɔn fan, mbɛ kan kɔ kan, mɔɛ n mbe a ma nyin fan.”

CHISƆSI 'A SƆ MƆƐ NU 5:17

Mbɛ Chu n tɛ mɔ wa Yataa a, ni miin gbɛɛ ni a fɛ, miin ni Sadusii mɔɛ n na, an gbɛɛ too‑a wan yama yama Chisɔsi 'a sɔ mɔɛ chɛ n na. An gbɛɛ faa bɔ‑a wan.

GBOO SAA KƆYINDI KO A 7:18

Ni mɔɛ min na kaminchaenɛ ɛ, Chu mɔɛ n 'na sawa chia a, mbɛ a dɔn‑da Yataa 'a chee ma, a ma a fɔ, mbɛ ɛ kamincha paa chɛ ka wan a gboo ma. Ni mɔɛ min na ma kamincha ni, a dɔn‑da Yataa 'a chee ma, a ma a fɔ, mbɛ a ɛ kamincha wan to.

Gboo Kadesia Ko A 2:11

Chɛɛ Pita na‑a kɛn Andiɔki duu ɔ, n‑na a ma nyin fan, a wandi ya kɔɔɛ ma, koe min na mu, a na‑a ma bɔ koe an ma.

Gboo Kadesia Ko A 2:14

Chɛɛ n na‑a a ɔ yen fan, mbɛ an nii ma tan ni, min sien mu tea ma, sakana bai chɛndɛ chɛ ɔ. Mbɛ n‑na a fɔ Pita ye, an gbɛɛ ya kɔɔɛ ma, n dɔ, “I wan Pita, i wɛn mu Chu mɔɛ a, chɛɛ e koe ma‑a yɔ mɔɛ min ma Chu mɔ a. Fen ko a, e a din‑da mɔɛ n ma, miin ma Chu mɔ a, an ni koe ma yɔ Chu mɔɛ nu?”