CHISƆSI 'A SƆ MƆƐ NU 15:40 - Yataa 'a Dɔbɛnɛ Nama

⁴⁰ Chɛɛ Pɔɔ‑a Sidasi an ya, mbɛ an suun ma nyɔɛ nu Chasi ɔ, an‑na an konan Mansa Yataa ma. An dɔ, Mansa Chisɔsi 'a koadia demanɛ ni an kun ma fɛn.

CHISƆSI 'A SƆ MƆƐ NU 15:40 ပူးပေါင်းရင်းမြစ်များ

CHISƆSI 'A SƆ MƆƐ NU 11:23

A che‑a kɛn nɔ, mbɛ a‑a a ɔ yen, Yataa‑a koadia demanɛ chɛ buɛ min dɔ, an mɔɛ chɛ n na, a bu ɔ dia‑a wan kaka. A‑a an disa wan, min mbe a ma, an ni a tun an kai fa koe a Mansa Chisɔsi a, an faa gbɛɛ a.

CHISƆSI 'A SƆ MƆƐ NU 13:3

Mbɛ an ban‑da sun bia‑a, a basan samun chɛ a, an‑na an boo bun fan an ma, an‑na an dua, mbɛ an‑na an na ta.

CHISƆSI 'A SƆ MƆƐ NU 14:26

An ka‑a Atadia chɛ wan, mbɛ an si‑a dɛndɛ ɔ, a yɛ to Andiɔki duu ɔ. An duu chɛ ɔ ni, Chisɔsi fɛ mɔɛ na‑a an konan Yataa ma, koadia demanɛ ɔ, an 'na wai ko a, an‑na min na ban ka gbɛ.

CHISƆSI 'A SƆ MƆƐ NU 15:22

Mbɛ Chisɔsi 'a sɔ mɔɛ chɛ nu, ni gbakoo nu, an bɛ chɔchi mɔɛ chɛ n gbɛɛ a, an‑na dɔbɛnɛ chɛ. An boo sɔ koe ma mɔɛ dɔ n ma an tɛ ɔ, an bɛ ni ta Pɔɔ an fea Banabasi a, Andiɔki duu ɔ. An‑na an boo sɔ wan mɔ fea n ma, basɔmaya ni miin ma mɔɛ chɛ n boo ɔ, miin‑na an kai fa ka Chisɔsi a. An mɔ fea chɛ n ni Chudasi an na, min tɔ ni to Basabasi, an fea Sidasi a.

CHISƆSI 'A SƆ MƆƐ NU 15:32

Chudasi, an fea Sidasi a, miin bɛɛ ni Yataa 'a gbonka chɛ mɔɛ n na, an bɛɛ‑a faamanande bai sɛsɛ sa wan an tena. Chɛ‑a an dɔ gbɛa wan, an kai fa koe a Chisɔsi a.

CHISƆSI 'A SƆ MƆƐ NU 16:19

Chɛɛ yɔnɛ chɛ ti n‑na a ɔ yen kɛn, mbɛ an 'na kɔpɔ sɔn chia den den chɛ a, a ban‑da, an dɛ‑a wan Pɔɔ ma, an fea Sidasi a. Mbɛ an‑na an konkon, a ta mansa n tena, kuti tongbo kɔɔ.

CHISƆSI 'A SƆ MƆƐ NU 17:4

A sin, an dɔ n dan‑da wan a a, min‑na a ma, an bea‑a Pɔɔ fɛ, an fea Sidasi a. Kiisi mɔɛ n sɛsɛ wɛɛ, miin ni kooya be Yataa ma, an bɛɛ‑a a ma ka wan, an bɛ musu gbakoo sɛsɛ a.

CHISƆSI 'A SƆ MƆƐ NU 20:32

“Sanche gbɛ, n mbe wo kai fa tena Yataa an na. Wo a a tun dan koe a sakana bai chɛ a, a si Yataa 'a koadia demanɛ chɛ ma wo tena. Ɛ kun fan, a ni a ma, wo 'a danaya n dɔ ni gbɛa. A yɛ to, ɛ kun fan, a ni dua chɛ be wo ma, min mbe Yataa boo ɔ, a 'a mɔɛ n gbɛɛ ko a.

GBOO SAA KƆYINDI KO A 15:10

Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.

2 TIMOTI 4:22

Mansa Chisɔsi ni tachɛ i a. A 'a dua ni ma wo ma.

TAITƆSI 3:15

N mbe nɛ nn bɛ miin gbɛɛ a, an ni i kɔndɔn. Mmɔ koadia nyɔɛ chɛ n gbɛɛ kɔndɔn nɔ, mmɔ bɛ ɛ miin na gbee dɔndɔɛ a danaya ɔ Chisɔsi ko a. Yataa ni wo gbɛɛ dua.