CHISƆSI 'A SƆ MƆƐ NU 15:4 - Yataa 'a Dɔbɛnɛ Nama

⁴ An che‑a kɛn gbɛ Chuusaɛn, chɔchi mɔɛ n‑na an boo si wan an kɔɔ, an bɛ Chisɔsi 'a sɔ mɔɛ n na nɔ, ni gbakoo n gbɛɛ. A sin, Pɔɔ an fea Banabasi a, an si‑a wan ko ɔ ko ma, Yataa‑a min chɛ an ye, an‑na a ɔ yian.

CHISƆSI 'A SƆ MƆƐ NU 15:4 ပူးပေါင်းရင်းမြစ်များ

MATIU 10:40

Chisɔsi‑a a fɔ gbɛ an ye, a ɔ, “Ni mɔ ɔ mɔ‑a a boo si wo kɔɔ, a ma a si ni wo dechee an kɔɔ, chɛɛ a‑a a si ka n fan kɔɔ. A sin to, mɔɛ min mbe a boo si‑a n kɔɔ, a ma a si ni ka n dechee an kɔɔ, chɛɛ a‑a a si ka Yataa an kɔɔ, min‑na n sɔ.

CHISƆSI 'A SƆ MƆƐ NU 11:30

An sin‑na an boo fenɛ n na sɔn sɔn fan, mbɛ an‑na an be Banabasi ma, an fea Sɔɔ a. An bɛɛ‑a boo fen chɛ n na ta wan, chɔchi gbakoo n tena Chuusaɛn duu ɔ.

CHISƆSI 'A SƆ MƆƐ NU 14:27

An sin, an che‑a kɛn Andiɔki duu ɔ, an‑na chɔchi mɔɛ chɛ n gbɛɛ a kan fan kaina dɔndɔ, mbɛ an si‑a ko ɔ ko ma, an‑na a ɔ yian, Yataa‑a miin chɛ an ye. A yɛ to, Yataa‑a chia sa buɛ min dɔ mɔɛ chɛ n ko a, miin ma Chu mɔ a, an kai fa koe a Chisɔsi a.

CHISƆSI 'A SƆ MƆƐ NU 15:12

Pita ban‑da kɛn koɔ‑a, mɔɛ miin gbɛɛ a kanden ni ka, an‑na a ɔ maun fan don. Mbɛ an‑na an too ma sɔ Banabasi ma, an fea Pɔɔ a. An‑na a ɔ yian fan gbɛɛ, Yataa na‑a a ma, an‑na kamaya ko wa miin ma, mɔɛ chɛ n tɛ ɔ, miin nii ma Chu mɔ a.

CHISƆSI 'A SƆ MƆƐ NU 15:2

Chɛ‑a a ma wan, koɛ basan kɔɔsa yama yama a, a don‑da mɔɛ chɛ n tɛ ɔ, an bɛ Pɔɔ an fea Banabasi a. Mbɛ Pɔɔ an fea Banabasi a, an bɛ mɔɛ dɔ n na, an‑na an yian fan, sɛ koe a Chuusaɛn duu ɔ. An dɔ, an ni Chisɔsi 'a sɔ mɔɛ chɛ n yen, an bɛ chɔchi gbakoo n na, a si an bai chɛ ma.

CHISƆSI 'A SƆ MƆƐ NU 15:22

Mbɛ Chisɔsi 'a sɔ mɔɛ chɛ nu, ni gbakoo nu, an bɛ chɔchi mɔɛ chɛ n gbɛɛ a, an‑na dɔbɛnɛ chɛ. An boo sɔ koe ma mɔɛ dɔ n ma an tɛ ɔ, an bɛ ni ta Pɔɔ an fea Banabasi a, Andiɔki duu ɔ. An‑na an boo sɔ wan mɔ fea n ma, basɔmaya ni miin ma mɔɛ chɛ n boo ɔ, miin‑na an kai fa ka Chisɔsi a. An mɔ fea chɛ n ni Chudasi an na, min tɔ ni to Basabasi, an fea Sidasi a.

CHISƆSI 'A SƆ MƆƐ NU 15:3

Mbɛ chɔchi mɔɛ chɛ n‑na an ma saa kɛn, an ben‑da wan Fonisia chɛnyɛ ɔ, an fea Samayia chɛnyɛ a. An ni a ɔ yian fan mɔɛ n na, mbɛ mɔɛ miin ma ka Chu mɔ a, an‑na an kai fa buɛ min dɔ Chisɔsi a. An sin ma‑a wan buɔdia wa a, suun ma nyɔɛ chɛ n gbɛɛ tena, Chasi ɔ.

CHISƆSI 'A SƆ MƆƐ NU 15:6

Mbɛ Chisɔsi 'a sɔ mɔɛ chɛ nu, an bɛ gbakoo n na, an bɛnden fan ni kaina dɔndɔɛ, an yii na chii koe a, bai chɛ ma.

CHISƆSI 'A SƆ MƆƐ NU 16:4

An ni ben ben tena kɛn duu wa chɛ n dɔ, an ni koe chɛ n dɔ yian fan mɔɛ chɛ n na, miin na‑a an kai fa Chisɔsi a, an ni an ma mɛn. Koe chɛ nu, an fan, Chisɔsi 'a sɔ mɔɛ nu, an bɛ gbakoo n na, an kuiɛ na‑a bɛn miin ma Chuusaɛn duu ɔ.

CHISƆSI 'A SƆ MƆƐ NU 18:27

Chɛ gbakɔ, a toen ni kɛn a ni ben Akaya chɛnyɛ ɔ, suun ma nyɔɛ chɛ nu Chasi ɔ, an‑na a faa ma nande wan. Mbɛ an‑na gboo nyɛn an suun ma nyɔɛ chɛ n tena Akaya, an dɔ, an ni an boo si a kɔɔ chɛndɛ chɛ. A che‑a kɛn Akaya, a basan‑da wan mɔɛ chɛ n ma kaka, miin na‑a an kai fa Chisɔsi a, koadia demanɛ 'a gbasaya ɔ, Yataa ɛ min chɛ.

CHISƆSI 'A SƆ MƆƐ NU 21:17

Nn na‑a kɛn Chuusaɛn duu ɔ, nn suun ma nyɔɛ chɛ nu Chasi ɔ, an‑na an boo si wan nn kɔɔ, buɔdia wa a.

CHISƆSI 'A SƆ MƆƐ NU 21:19

Pɔɔ‑a an gbɛɛ kɔndɔn fan. Mbɛ a si‑a ko ɔ ko ma, a‑a a ɔ yian an na, dɔndɔ dɔndɔɛ a. A‑a a ɔ yian fan, Yataa na‑a koe miin chɛ mɔɛ chɛ n ye, miin nii ma ka Chu mɔ a. Chɛ sin bɔ‑a a wan Pɔɔ 'a wai an dɔ.

GBOO DOMI KO A 15:18

N mbe ee chian ɛnden bɛɛ a, bai sa koe a, a si Chasi chɛ chɛ wai n fan ma dechee. Chisɔsi‑a a ma wan, mɔɛ miin ma ka Chu mɔ a, n‑na a ma an na kooya be Yataa ma. Chɛ bɔ‑a n da a bai n fan dɔ, a basan n chɛ chɛ wai n na.

GBOO DOMI KO A 15:7

Wo wo boo si wo nyɔn kɔɔ, yɔ Chasi‑a a boo si buɛ min dɔ wo kɔɔ. Chɛ an mbe a ma‑a mɔɛ n ni tando be Yataa ma.

GBOO SAA KƆYINDI KO A 15:10

Chɛɛ Yataa 'a koadia demanɛ ɔ, n ma‑a mɔɛ a, n mu mɔɛ min na. A 'a koadia demanɛ chɛ sin, a‑a min be n ma, chia yen‑da wan a ma. Chia dɔ mende sin gbu a, n‑na wai chɛ wan, a ben Chasi 'a sɔ mɔɛ tɔɛ kan kɔ kan ma. A maen mu wɛɛ ka boo ɔ boo, mbɛ n fandi an ma a ma ni, n ni koe chɛ n ma. Chɛɛ Yataa 'a koadia demanɛ an na wai chɛ n na.

GBOO FEAN BƆƐ KƆYINDI KO A 5:19

Nn 'na sakana yen ko. Mbɛ Yataa‑a a ma wan, Chasi‑a a ma, mɔɛ gbɛɛ dunya ɔ, an ni ma a wan Yataa dia nyɔɛ a. Yataa nii ma mɔɛ gbɛɛ 'a ko yama n sa tena ɔ bɛn ni. A sin, a‑a an sakana bai chɛ be wan nn ma. Sakana bai chɛ, min mbe a ɔ yian, mmɔ gbɛɛ ɛ ma buɛ min dɔ a dia nyɔɛ a.

GBOO FEAN BƆƐ KƆYINDI KO A 6:1

Nn bɛ an mbe wai chɛ tena dɔndɔ a, nn bɛ Yataa wandi a. Chɛ ko a gbɛ, nn mbe wo disa tena, wo wɛn‑na Yataa 'a koadia demanɛ ma sɔn, wo ni a bia wo boo fea a.

Gboo Kɔdɔsai Ko A 4:10

Nn fea ɛ nɛ n bɔɛ min na pimbi chenɛ a, Ayisitakɔsi, a wɛɛ ɛ wo kɔndɔn tena. Maki wɛɛ, Banabasi suun ma nyɔɛ chɛ, ɛ wo kɔndɔn tena. Min sien mu mɔna chɛ ma, n ban‑da a ɔ yian‑da wo a, wo e min ma, ni a che‑a wo ma. Wo wo boo si a kɔɔ chɛndɛ chɛ.

2 CHƆN 1:10

Ni mɔ ɔ mɔ na‑a wo 'a chenɛ a, kan dɔ mende a min kaen mu Chasi ta ma, wo ma wo ya kɔɔɛ yian a mɔɛ chɛ a, wo gbu ma a kɔndɔn.