CHISƆSI 'A SƆ MƆƐ NU 15:32 - Yataa 'a Dɔbɛnɛ Nama

³² Chudasi, an fea Sidasi a, miin bɛɛ ni Yataa 'a gbonka chɛ mɔɛ n na, an bɛɛ‑a faamanande bai sɛsɛ sa wan an tena. Chɛ‑a an dɔ gbɛa wan, an kai fa koe a Chisɔsi a.

CHISƆSI 'A SƆ MƆƐ NU 15:32 ပူးပေါင်းရင်းမြစ်များ

MATIU 23:34

Chɛ an fɛ mu, n yen ko Yataa 'a gbonka chɛ mɔɛ n na na‑a wo tena. N mbe dɔ sɔ tɔɛ n bɛɛ a na‑a wan, a basan Yataa 'a sawa kan mɔɛ n na. Chɛɛ wo e an dɔ n fa‑a wan kɔn gbengbandenɛ ma, wo ni dɔ n fa chia dɔ mende a, mbɛ wo‑a dɔ n bosa mmɔ 'a samun chɛ chenɛ n na. A tɔɛ n sin, wo e an gbain‑da wan a bɔ duu kan kɔ kan dɔ, an mbe ta‑a kaina.

DUKU 11:49

Chɛ an ko a ni, Yataa min yiima tɛen mu, a‑a a fɔ, a ɔ, ‘N mbe n 'na gbonka chɛ mɔɛ nu, a basan n 'na sɔ mɔɛ n na, n mbe an na ta‑a wan an tena. An mbe an dɔ n fa‑a wan, mbɛ an‑na ko yawaenɛ sa a tɔɛ n ma.’

CHISƆSI 'A SƆ MƆƐ NU 11:23

A che‑a kɛn nɔ, mbɛ a‑a a ɔ yen, Yataa‑a koadia demanɛ chɛ buɛ min dɔ, an mɔɛ chɛ n na, a bu ɔ dia‑a wan kaka. A‑a an disa wan, min mbe a ma, an ni a tun an kai fa koe a Mansa Chisɔsi a, an faa gbɛɛ a.

CHISƆSI 'A SƆ MƆƐ NU 11:27

A tima chɛ a ni gbɛ, Yataa 'a gbonka chɛ mɔɛ dɔ n yii‑a, a ka Chuusaɛn duu ɔ, mbɛ an na‑a Andiɔki.

CHISƆSI 'A SƆ MƆƐ NU 13:1

Mɔɛ n ni wan nɔ Andiɔki duu ɔ, miin ni Yataa 'a gbonka chɛ mɔɛ n na, a basan a 'a kan chɛ mɔɛ n na. Banabasi ni an mɔɛ chɛ n dɔndɔ an na, ni Simiyɔn bɛɛ, an ni min chee, an dɔ, Simiyɔn finɛ. A yɛ to, Sɔɔ wɛɛ, ni Dusiɔsi, min ka‑a Sayini duu ɔ, an fea Manaɛn na, min bɔ‑a a ɔ chen dɔndɔɛ a, an fea Mansa Ɛdɔdi Andipasi a.

CHISƆSI 'A SƆ MƆƐ NU 14:22

Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

CHISƆSI 'A SƆ MƆƐ NU 15:1

Chɛɛ mɔɛ dɔ n ka‑a wan Chudia chɛnyɛ ɔ, an na‑a Andiɔki duu chɛ ɔ. Mbɛ suun ma nyɔɛ chɛ nu Chasi ɔ, mɔɛ chɛ n‑na a kuu sɔ an kan‑da nɔ, an dɔ, “Yataa ee che wo baun‑da, mɔɔ ni an‑na wo a kamincha, yɔ Mosisi‑a mmɔ kan buɛ min dɔ.”

CHISƆSI 'A SƆ MƆƐ NU 15:22

Mbɛ Chisɔsi 'a sɔ mɔɛ chɛ nu, ni gbakoo nu, an bɛ chɔchi mɔɛ chɛ n gbɛɛ a, an‑na dɔbɛnɛ chɛ. An boo sɔ koe ma mɔɛ dɔ n ma an tɛ ɔ, an bɛ ni ta Pɔɔ an fea Banabasi a, Andiɔki duu ɔ. An‑na an boo sɔ wan mɔ fea n ma, basɔmaya ni miin ma mɔɛ chɛ n boo ɔ, miin‑na an kai fa ka Chisɔsi a. An mɔ fea chɛ n ni Chudasi an na, min tɔ ni to Basabasi, an fea Sidasi a.

CHISƆSI 'A SƆ MƆƐ NU 15:27

Chɛ an fɛ mu, nn‑na Chudasi wɛɛ sɔ wan, an fea Sidasi a, wo tena. An ni bai dɔndɔ gbe chɛ bɔ an da a, an ni a ɔ yian wo a, yɔ nn‑na a nyɛn buɛ min dɔ gboo chɛ ɔ.

CHISƆSI 'A SƆ MƆƐ NU 15:3

Mbɛ chɔchi mɔɛ chɛ n‑na an ma saa kɛn, an ben‑da wan Fonisia chɛnyɛ ɔ, an fea Samayia chɛnyɛ a. An ni a ɔ yian fan mɔɛ n na, mbɛ mɔɛ miin ma ka Chu mɔ a, an‑na an kai fa buɛ min dɔ Chisɔsi a. An sin ma‑a wan buɔdia wa a, suun ma nyɔɛ chɛ n gbɛɛ tena, Chasi ɔ.

CHISƆSI 'A SƆ MƆƐ NU 15:31

A sin, an‑na a kan kɛn, faamanande bai miin ni ka ɔ, a ma‑a wan an ma buɔdia wa a.

CHISƆSI 'A SƆ MƆƐ NU 15:41

A sin ben‑da wan Siyia, an fea Sidisia chɛnyɛ ɔ a, ɛ ta‑a a ma‑a mɔɛ chɛ n dɔ ɛ gbɛa‑a chɔchi n dɔ, an 'na kaifaya ɔ.

CHISƆSI 'A SƆ MƆƐ NU 18:23

A‑a tima ɛnden ya kɛn nɔ wɛɛ, a bɔ‑a wan nɔ, mbɛ a ta‑a Kadesia an fea Fichiya chɛnyɛ ɔ a. A ta‑a wan duu sɛsɛ ɔ, an chɛnyɛ chɛ n dɔ. A ni wan a ma tena, Chisɔsi fɛ mɔɛ n gbɛɛ, an dɔ ɛ gbɛa‑a.

CHISƆSI 'A SƆ MƆƐ NU 2:40

Pita koɔ‑a wan an tena tima ɔ yansama ko a, mbɛ a‑a an na si, a ɔ, “Yataa ɛ na tena wan mɔ bonda chɛ sima n na mɔnɛ‑a, miin yau ka yama yama. Chɛ an fɛ mu, wo ni wo tanka an mɔnɛ chɛ ma.”

CHISƆSI 'A SƆ MƆƐ NU 20:2

A ben ben‑da wan Masidonia chɛnyɛ chɛ gbɛɛ ɔ, ɛ ta‑a nɔ mɔɛ chɛ n faa ma nande‑a bai sɛsɛ a. Mbɛ a ka‑a nɔ, a ta‑a Kiisi chɛnyɛ ɔ,

GBOO DOMI KO A 12:6

Chɛ an‑na a fɔ, Yataa‑a koadia demanɛ chɛ mmɔ a. A‑a mmɔ gbɛɛ kɔ wan mmɔ ta chia n na. Mmɔ wɛn, Yataa‑a mmɔ kɔ a 'a bai sa koe a mɔɛ n tena, mmɔ a sa danaya ɔ min nyɔn sima ɛ mmɔ ɔ.

GBOO DOMI KO A 12:8

Ni an faa ma nande koe mu chɛndɛ chɛ, mmɔ a ma ka. Mɔ ɔ mɔ min mbe mɔ dɔ gbɛɛ n deman‑da, a ni an deman a faa gbɛɛ a. Ni mɔ ɔ mɔ ma‑a gbasaya ɔ, a mɔɛ chɛ ni wai chɛ chɛndɛ chɛ. A sin, ko chɛndɛ ma faa ɛ mɔɛ min dɔ, a mɔɛ chɛ ma a ya kɔɔɛ sisi, ni a ma‑a an ko chɛndɛ ma‑a mɔɛ n na.

GBOO SAA KƆYINDI KO A 1:8

Ɛ wo 'a danaya n dɔ gbɛa‑a wan, aan a sɔ tee danka chɛ ma. Ɛ a ma‑a wan, mabɔ kan kɔ kan mbe ee ma‑a wo ma, an tee wa chɛ ma, mmɔ 'a mansa Chisɔsi Chasi ɛ na‑a to tima min na.

GBOO SAA KƆYINDI KO A 14:29

Mɔ fea, chɛ ma, mɔ sawa, an fan mbe Yataa 'a sakana bai ɔ yian. Mɔɛ tɔɛ chɛ n sin, an mbe ma nɔ a tɛnsɛ koe an na, an ni tachɛ chɛndɛ.

GBOO SAA KƆYINDI KO A 14:3

Chia dɔndɔɛ a, mɔɛ min mbe Yataa da a bai ɔ yian mɔɛ n na, an deman koe mu. Mbɛ a‑a an faa ma nande, an bu ɔ ni dia.

GBOO SAA KƆYINDI KO A 14:32

Dua, Yataa bai ɔ yian koe a, a ɛ Yataa 'a gbonka chɛ mɔɛ n fan boo ɔ.

Gboo Ɛfisɔsi Ko A 3:5

Suun, koe n fan nɛ, miin dɔ nii yian mɔ gbama n na. Yataa Nyina‑a a ɔ yian fan mɔɛ n na, miin mbe tenchen Yataa ko a. A‑a a ɔ yian Chasi 'a sɔ mɔɛ n na, an bɛ Yataa 'a gbonka chɛ mɔɛ n na.

Gboo Saa Tɛsadonika Ko A 2:11

Wo‑a a ɔ sɔn fan, nn‑na wo bia buɛ min dɔ dɔndɔ dɔndɔɛ a, yɔ fa n bɛ denɛ n na.

Gboo Saa Tɛsadonika Ko A 3:2

Mbɛ Timoti sin, nn‑na a sɔ wo tena. Mmɔ suun ma nyɔɛ chɛ, nn bɛ ɛ wai chɛ tena min na Yataa ko a, sakana bai chɛndɛ sa koe a, a si Chasi ma. Nn‑na a ta wo tena, a ni a ma, wo ɔ ni gbɛa, wo ni wo kai fa Chisɔsi a gbau gbau.

Gboo Saa Tɛsadonika Ko A 4:1

A danka a gbɛ, nn suun ma nyɔɛ nu Chasi ɔ, wo‑a a kan fan nn ma, wo e ma fɔɛ min sima ɔ, min mbe Yataa faa chima. Wo sin, tea ko a, wo e tachɛ tena ka wan fɔɛ ɔ. Sanche gbɛ sin, a dinden fan mu wo ma, mbɛ wo ma yɛ to kuu kɔ. Mmɔ ma‑a mɔ dɔndɔɛ a, mmɔ bɛ Mansa Chisɔsi a. An fɛ mu, nn mbe wo faa ma nande tena, wo ni a a tun tachɛ koe a chɛndɛ chɛ.

Gboo Saa Tɛsadonika Ko A 5:14

Nn suun ma nyɔɛ nu Chasi ɔ, nn mbe wo ɔ tisa tena, wo ni dasi be baa baa tɔɛ n ma. Chiandia koo miin gboo ɔ, wo ni an faa ma nande, mbɛ wo‑a chɛ n deman, miin dɔ ma gbɛ. Wo wo faa bia mɔ ɔ mɔ a.

Gboo Saa Tɛsadonika Ko A 5:20

Yataa ɛ a 'a sakana bai min be mɔɛ n ma, a ɔ yian koe a wo a, wo ma ban an bai chɛ n dɔ.

GBOO FEAN BƆƐ TƐSADONIKA KO A 3:12

Nn mbe an mɔɛ chɛ n na si tena, mmɔ 'a mansa Chisɔsi Chasi tɔɛ ɔ, an ni ma fɔɛ chɛndɛ ɔ. An ni wai chɛ, an da a daun fenɛ ko a. An dimu, an ni chɛ ma.

1 TIMOTI 2:1

N mbe a fɔ tena wo ye, a saa saa a ɔ, mbɛ wo ni samunɛ chɛ mɔ ɔ mɔ ko a. A sin, ni wo ma‑a Yataa ɔ tisa‑a, wo a disa chinchin koe a an ma, wo ni yɛ to, wo ni a wai bɔ.

2 TIMOTI 4:2

Sakana bai chɛ ɔ yian mɔɛ n na, tee kɔɔ sona kɔɔ, i ma bɛn a ɔ yian koe a. Mɔɛ n yiima mun, an‑na ko yama fɔ an ye, mbɛ i‑a an faa ma nande, e ta‑a i faa bia‑a an na, ni i ma‑a an kan‑da.

1 PITA 5:1

Sanche gbɛ, bai ɛ n da a wo ko a, wo wan gbakoo nu chɔchi n dɔ. N fandi wɛɛ, n mu chɔchi gbakoo dɔndɔ an na. A sin, siiya dɔndɔ mu n na, tɔɔya chɛ ko a, Chasi na‑a min dɔ bia. N sin, n bɛɛ n mbe an basɔmaya chɛ ma sɔn‑da wan, min dɔ ɛ yen‑da. Chɛ an fɛ mu, wo wan, n bɔ chɔchi gbakoo nu, n mbe koɔ tena wo tena n faa gbɛɛ a.

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.

1 PITA 5:12

N mbe ka gboo kunduenɛ min nyɛn‑da wo tena, Sidasi an mbe basan tena n ma. N 'na yiinachii ɔ, suun ma nyɔɛ mu a a, Chasi ɔ, n danden mu min na chɛndɛ chɛ. N toen mu n ni wo faa n ma nande, n ni a ɔ yian to wo a, mbɛ Yataa 'a koadia demanɛ gbu ɛ wan wo ko a. Wo wo boo a chii a ma gban.