CHISƆSI 'A SƆ MƆƐ NU 15:28 - Yataa 'a Dɔbɛnɛ Nama

²⁸ Koe min na mu, nn‑na a ɔ yen fan, mbɛ a nyin fan nn tena, ni Yataa Nyina gbu wɛɛ tena, mbɛ yakɔɔtawa dɔ mende kan kɔ kan ma si to wo kun ma. Chɛɛ wo ni bea dechee sawa chɛ n fan fɛ, miin nyin wo ko a, yɔ chɛ nu.

CHISƆSI 'A SƆ MƆƐ NU 15:28 ပူးပေါင်းရင်းမြစ်များ

MATIU 11:30

Koe min na mu, n mbe wo sɔ‑a chia chɛndɛ an ma, mbɛ a yɛ to, n mbe feanka min be‑a wo ma, a ee fanka‑a.”

MATIU 23:4

An mbe suun fanka ma si wan mɔɛ n kun ma, chɛɛ an fandi ee fen kɔ fen bia an boo wɛɛ a.

CHƆN 16:13

Chɛɛ ni Yataa Nyina chɛ na‑a, min mbe tea ɔ yian a si Yataa ma, ɛ a ma‑a wan, wo ni tea gbɛɛ ɔ sɔn. A ee koɔ‑a wo tena a kun ma gbasaya n dɔ, chɛɛ ɛ min na min‑da Yataa a, ɛ an fɔ‑a wo ye. A sin, koe miin mbe na tena ma‑a, ɛ an fan dɔ yian‑da wo a.

CHISƆSI 'A SƆ MƆƐ NU 15:19

“Chɛ an fɛ mu, n ta yiima ɔ, n ma to ni mmɔ ni mɔɛ chɛ n tɔɔ, miin ma Chu mɔ a, miin mbe an ya a mun tena Yataa tena.

CHISƆSI 'A SƆ MƆƐ NU 15:25

Nn gbɛɛ nn‑na chɛ an dɔ yen, nn dɔn‑da, mbɛ a nyin fan, nn boo sɔ koe a mɔɛ dɔ n ma, nn ni an sɔ wo tena. An bɛ an mbe na tena nn dia nyɔɛ Banabasi an fea Pɔɔ a.

CHISƆSI 'A SƆ MƆƐ NU 15:8

A sin, Yataa min‑na mɔ ɔ mɔ faa ɔ koe sɔn, a dɔn‑da wan an ma koe a ka. A‑a a ma wan, Yataa Nyina bea‑a an bɛɛ fɛ, yɔ a‑a a ma buɛ min dɔ mmɔ ko a.

CHISƆSI 'A SƆ MƆƐ NU 16:4

An ni ben ben tena kɛn duu wa chɛ n dɔ, an ni koe chɛ n dɔ yian fan mɔɛ chɛ n na, miin na‑a an kai fa Chisɔsi a, an ni an ma mɛn. Koe chɛ nu, an fan, Chisɔsi 'a sɔ mɔɛ nu, an bɛ gbakoo n na, an kuiɛ na‑a bɛn miin ma Chuusaɛn duu ɔ.

CHISƆSI 'A SƆ MƆƐ NU 5:32

Nn fan mu koe chɛ n gbɛɛ ma sii a. A yɛ to, Yataa Nyina wɛɛ, min mbe bea mɔɛ fɛ, miin mbe kooya be Yataa ma, sii mu to a wɛɛ a.”

GBOO SAA KƆYINDI KO A 14:37

Ni mɔ ɔ mɔ‑a a wandi ya Yataa 'a gbonka chɛ mɔɛ a, chɛ ma, a ni a wandi ya, mbɛ dua ɛ wan a boo ɔ, Yataa Nyina‑a a min be. An mɔɛ chɛ ni a ɔ sɔn, mbɛ n mbe ka min gbɛɛ nyɛn tena wo tena, mbɛ Mansa Chisɔsi 'a sawa an nɛ.

GBOO SAA KƆYINDI KO A 7:25

Ka n mbe koɔ gbɛ, a si den tɔngbɔɛ n ma, miin ma si nin bɛ fuu ɔ, wo‑a gboo nyɛn a si miin ma. Mansa Chisɔsi an ma chɛ don ni n da ɔ, n mbe ka min fɔ‑a. Chɛɛ bai min mbe n da a, n mbe ka an fɔ‑a. N mbe koɔ tena wan, yɔ mɔɛ, wo e kun wo ni dan min na. Koe min na mu, Yataa chinchinden fan mu n ma.

GBOO SAA KƆYINDI KO A 7:40

Chɛɛ n ta yiinachii ɔ, musu chɛ 'a buɔdia ma ɛ munda‑a wan, ni a ma si ni kai ko a. N sin danden fan mu a a, mbɛ Yataa Nyina ɛ wan n bɛɛ fɛ, n sɔ koe a chia ma.

Gboo Saa Tɛsadonika Ko A 4:8

Chɛ an‑na a fɔ, mɔ ɔ mɔ min mbe ban‑da kan chɛ ɔ, a ee ma‑a ka ban‑da mɔ gbu an dɔ. Chɛɛ ɛ ma‑a ka a kan kɔ sɔ‑a Yataa an na, min‑na a Nyina bea wo fɛ.

1 PITA 1:12

Yataa na‑a a ma wan, a 'a gbonka chɛ mɔɛ chɛ n‑na a ɔ sɔn, mbɛ an mbe ee wai chɛ tena an fandi an ko a. Chɛɛ an mbe a chɛ tena wo wan ko a. Koe min na mu, an na‑a bai sa suun a si koe chɛ n fan ma, wo‑a miin na min ka sanche mɔɛ chɛ n da ɔ, an mbe ma sakana bai chɛndɛ ɔ yian‑da. Yataa Nyina min ka‑a banda bu ɔ, an mbe gbasaya chɛ be an ma. An koe chɛ n fan gbu sin mu, maeka n bɛɛ toen mu, an ni miin dɔ gbɛ.

KO Ɔ NUNDENƐ 2:24

A ɔ, “Musu chɛ 'a kan chɛ, an mbe min chee, an dɔ, tea ɔ nunden ba a si Sitana ma, kan yama mu. Chɛɛ wo tana, wo wɛn to‑a ka nɔ chɔchi ɔ, Tiyatiya duu chɛ ɔ, wo wɛn ma bea ni a 'a kan chɛ fɛ, bai ɛ wan n da a wo ko a. N mbe a fɔ tena wo ye, mbɛ n mbe ee suun fankama dɔ gbɛɛ si tena wo kun ma.