CHISƆSI 'A SƆ MƆƐ NU 15:24 - Yataa 'a Dɔbɛnɛ Nama

²⁴ Nn‑na a a min, mbɛ mɔɛ n dɔ n bɔ‑a wan nn tɛ ɔ, an ta‑a wo tena, an‑na wo kɔndɔ fii an 'na kanɛ a, an mbe min chɛ tena. An gbu sin mbe ka min ma‑a, nn fan ma an sɔ ni.

CHISƆSI 'A SƆ MƆƐ NU 15:24 ပူးပေါင်းရင်းမြစ်များ

CHISƆSI 'A SƆ MƆƐ NU 15:1

Chɛɛ mɔɛ dɔ n ka‑a wan Chudia chɛnyɛ ɔ, an na‑a Andiɔki duu chɛ ɔ. Mbɛ suun ma nyɔɛ chɛ nu Chasi ɔ, mɔɛ chɛ n‑na a kuu sɔ an kan‑da nɔ, an dɔ, “Yataa ee che wo baun‑da, mɔɔ ni an‑na wo a kamincha, yɔ Mosisi‑a mmɔ kan buɛ min dɔ.”

Gboo Kadesia Ko A 1:7

N mbe ee a gbu fɔ tena, mbɛ sakana bai chɛndɛ dɔ mende an mbe to nɔ. Chɛɛ mɔɛ dɔ n fan mbe nɔ, miin mbe wo tɔɔ tena. An toen mu, an ni sakana bai chɛndɛ chɛ, a si Chisɔsi ma, a ka a chia ma.

Gboo Kadesia Ko A 5:10

N yii faen fan mu Mansa Chisɔsi ma, mbɛ wo ee bea‑a mɔ dɔ mende da a kuiɛ fɛ, chɛɛ wo e bea‑a n ta an fɛ. A sin, mɔɛ min mbe wo tɔɔ‑a, gbɛmbo ɛ wan a ko a. Chɛ ɛ ma‑a wan, a ni ma mɔ ɔ mɔ a.

Gboo Kadesia Ko A 5:12

Ɛ wan n yii ma, mbɛ mɔɛ miin mbe ka wo yiima ɔ basan basan tena, an mbe an fandi ma‑a wan kai busi a.

Gboo Kadesia Ko A 5:4

Wo tɛ du‑a gbɛ, wo bɛ Chisɔsi Chasi a. Wo wan, ɛ wo wɛn yii ma, mbɛ ni wo‑a sawa chɛ gbɛɛ a tachɛ, Yataa ɛ wo ya wan mɔ tandenɛ n na, a tena. Wo nɛnɛ nu, wo fo‑a gbae, Yataa 'a koadia demanɛ a.

2 TIMOTI 2:14

Chɛ puin i 'a mɔɛ n yii ma, mbɛ i‑a dasi gbau gbau be an ma Yataa chen kɔɔ, i ɔ an ma koɔ kɔnɔ bai kun ma. Chɛ ee den chɛndɛ suun an ye, chɛɛ ɛ chɛ n fan yɔn gbɔkɔɔ, miin mbe an too ma sɔ‑a a ma.

1 CHƆN 2:19

Mɔɛ chɛ n ni wan dechee mmɔ tɛ ɔ, chɛɛ mmɔ yiima nii dɔndɔ an na. Chɛ an‑na a ma, an ka‑a mmɔ fɛ, an ta‑a. Ni mmɔ yiima ni wan dɔndɔ gbe, an nii ka‑a mmɔ fɛ. Chɛɛ an ka‑a min chɛ‑a mmɔ fɛ, chɛ‑a a ɔ yian fan ka, mbɛ mmɔ yiima nii kaina dɔndɔ.