CHISƆSI 'A SƆ MƆƐ NU 15:22 - Yataa 'a Dɔbɛnɛ Nama

²² Mbɛ Chisɔsi 'a sɔ mɔɛ chɛ nu, ni gbakoo nu, an bɛ chɔchi mɔɛ chɛ n gbɛɛ a, an‑na dɔbɛnɛ chɛ. An boo sɔ koe ma mɔɛ dɔ n ma an tɛ ɔ, an bɛ ni ta Pɔɔ an fea Banabasi a, Andiɔki duu ɔ. An‑na an boo sɔ wan mɔ fea n ma, basɔmaya ni miin ma mɔɛ chɛ n boo ɔ, miin‑na an kai fa ka Chisɔsi a. An mɔ fea chɛ n ni Chudasi an na, min tɔ ni to Basabasi, an fea Sidasi a.

CHISƆSI 'A SƆ MƆƐ NU 15:22 ပူးပေါင်းရင်းမြစ်များ

CHISƆSI 'A SƆ MƆƐ NU 1:23

Mbɛ mɔɛ chɛ n‑na mɔ fea yian, an tɛ ɔ. An‑na Chosɛfi yian, an ni min chee, an dɔ Basabasi, (a tɔ ni to Chɔsitɔsi), ni mɔɛ dɔndɔɛ, Matiyasi.

CHISƆSI 'A SƆ MƆƐ NU 11:19

An na‑a Sitibin fa tima min na, mɔɛ n‑na a a kuu sɔ wan ko ma gbaaenɛ sa‑a mɔɛ chɛ n ma, miin na‑a an kai fa Chisɔsi a. Chɛ na‑a a ma wan, mɔɛ miin na‑a an kai fa ka Chisɔsi a, an gbɛɛ fasan‑da a ɔ gbuu. An ta‑a wan aan a che Fonisia chɛnyɛ ɔ. Dɔ n sin ta‑a wan Saipɔsi yii tinɛ ɔ, ni Andiɔki duu wa chɛ ɔ. An nii bai ɔ yian mɔ dɔ gbɛɛ n na, a si Chisɔsi wakoe ma, mɔɔ dechee Chu mɔɛ nu.

CHISƆSI 'A SƆ MƆƐ NU 11:20

Chɛɛ an dɔ nu, miin na‑a an kai fa ka Chisɔsi a, a ka Saipɔsi ni Sayini duu wa ɔ, an ta‑a wan Andiɔki. Mbɛ sakana bai chɛ, a si Mansa Chisɔsi ma, an‑na a ɔ yian fan an bɛɛ a, miin nii ma ka Chu mɔ n na.

CHISƆSI 'A SƆ MƆƐ NU 11:22

Mbɛ an koe chɛ che‑a chɔchi mɔɛ n ma, Chuusaɛn duu ɔ. Mbɛ an‑na Banabasi a ta wan Andiɔki.

CHISƆSI 'A SƆ MƆƐ NU 11:27

A tima chɛ a ni gbɛ, Yataa 'a gbonka chɛ mɔɛ dɔ n yii‑a, a ka Chuusaɛn duu ɔ, mbɛ an na‑a Andiɔki.

CHISƆSI 'A SƆ MƆƐ NU 15:23

An‑na gboo nyɛnden chɛ an be an ma. An‑na a nyɛn fan a ɔ, an dɔ te: Nn fan, Chisɔsi 'a sɔ mɔɛ chɛ nu, nn bɛ gbakoo n na, nn fɛn mu wo suun ma nyɔɛ n na Chasi ɔ, nn fan mbe ka gboo chɛ nyɛn tena. Nn mbe a nyɛn tena wo wan tena. Wo wan, wo wɛn ma Chu mɔ a, wo wɛn‑na wo kai fa Chisɔsi a. A yɛ to, wo wɛn mbe sanche Andiɔki duu ɔ, ni wo wɛn mbe Siyia chɛnyɛ tɔɛ ɔ, wo bɛ chɛ n na, miin mbe Sidisia chɛnyɛ ɔ. Nn‑na wo kɔndɔn.

CHISƆSI 'A SƆ MƆƐ NU 15:25

Nn gbɛɛ nn‑na chɛ an dɔ yen, nn dɔn‑da, mbɛ a nyin fan, nn boo sɔ koe a mɔɛ dɔ n ma, nn ni an sɔ wo tena. An bɛ an mbe na tena nn dia nyɔɛ Banabasi an fea Pɔɔ a.

CHISƆSI 'A SƆ MƆƐ NU 15:27

Chɛ an fɛ mu, nn‑na Chudasi wɛɛ sɔ wan, an fea Sidasi a, wo tena. An ni bai dɔndɔ gbe chɛ bɔ an da a, an ni a ɔ yian wo a, yɔ nn‑na a nyɛn buɛ min dɔ gboo chɛ ɔ.

CHISƆSI 'A SƆ MƆƐ NU 15:3

Mbɛ chɔchi mɔɛ chɛ n‑na an ma saa kɛn, an ben‑da wan Fonisia chɛnyɛ ɔ, an fea Samayia chɛnyɛ a. An ni a ɔ yian fan mɔɛ n na, mbɛ mɔɛ miin ma ka Chu mɔ a, an‑na an kai fa buɛ min dɔ Chisɔsi a. An sin ma‑a wan buɔdia wa a, suun ma nyɔɛ chɛ n gbɛɛ tena, Chasi ɔ.

CHISƆSI 'A SƆ MƆƐ NU 15:30

Mbɛ an‑na an boo ka kɛn ta koe a, an ta‑a wan Andiɔki duu ɔ. An sin‑na chɔchi mɔɛ chɛ n gbɛɛ a kan kɛn kaina dɔndɔ, mbɛ an‑na gboo chɛ be an ma.

CHISƆSI 'A SƆ MƆƐ NU 15:32

Chudasi, an fea Sidasi a, miin bɛɛ ni Yataa 'a gbonka chɛ mɔɛ n na, an bɛɛ‑a faamanande bai sɛsɛ sa wan an tena. Chɛ‑a an dɔ gbɛa wan, an kai fa koe a Chisɔsi a.

CHISƆSI 'A SƆ MƆƐ NU 15:40

Chɛɛ Pɔɔ‑a Sidasi an ya, mbɛ an suun ma nyɔɛ nu Chasi ɔ, an‑na an konan Mansa Yataa ma. An dɔ, Mansa Chisɔsi 'a koadia demanɛ ni an kun ma fɛn.

CHISƆSI 'A SƆ MƆƐ NU 16:19

Chɛɛ yɔnɛ chɛ ti n‑na a ɔ yen kɛn, mbɛ an 'na kɔpɔ sɔn chia den den chɛ a, a ban‑da, an dɛ‑a wan Pɔɔ ma, an fea Sidasi a. Mbɛ an‑na an konkon, a ta mansa n tena, kuti tongbo kɔɔ.

CHISƆSI 'A SƆ MƆƐ NU 16:25

Chɛɛ su tɛ tɛ ma an to‑a, Pɔɔ an fea Sidasi a, an ni wan samun chɛ‑a, an mbe ta‑a si sa‑a Yataa tena. Pimbi chen na sa mɔɛ tɔɛ chɛ nu, an too ma sɔenɛ ɛ an ma.

CHISƆSI 'A SƆ MƆƐ NU 16:29

Mbɛ a‑a dambo ma chee, a don‑da nɔ. A sin, a ma samba sambaenɛ ɛ, a bea‑a wan Pɔɔ chen na, an fea Sidasi a.

CHISƆSI 'A SƆ MƆƐ NU 17:10

Pimbi ɛ bun‑da dechee, mbɛ mɔɛ miin‑na an kai fa Chisɔsi a, an‑na Pɔɔ a ta wan Bɛyia duu ɔ, an fea Sidasi a. An che‑a kɛn nɔ, an ta‑a wan Chu n 'na samun chɛ chenɛ a.

CHISƆSI 'A SƆ MƆƐ NU 17:14

A ya kɔɔɛ a, mɔɛ chɛ nu nɔ, miin‑na an kai fa ka Chisɔsi a, an‑na Pɔɔ a ta kɔ yii da a. Chɛɛ Sidasi an fea Timoti a, an to‑a wan Bɛyia.

CHISƆSI 'A SƆ MƆƐ NU 17:4

A sin, an dɔ n dan‑da wan a a, min‑na a ma, an bea‑a Pɔɔ fɛ, an fea Sidasi a. Kiisi mɔɛ n sɛsɛ wɛɛ, miin ni kooya be Yataa ma, an bɛɛ‑a a ma ka wan, an bɛ musu gbakoo sɛsɛ a.

CHISƆSI 'A SƆ MƆƐ NU 18:5

Sidasi an fea Timoti a, an na‑a kɛn a ka Masidonia chɛnyɛ ɔ, Pɔɔ‑a a 'a tima gbɛɛ be Yataa bai sa koe an na. A ni wan a fɔ tena Chu mɔɛ n ye, Chisɔsi an mu kunka mansa a.

CHISƆSI 'A SƆ MƆƐ NU 8:14

Chisɔsi 'a sɔ mɔɛ miin ni gbɛ Chuusaɛn, an‑na a a min fan, mbɛ Samayia mɔɛ n‑na an boo si Yataa bai kɔɔ. An‑na chɛ a min kɛn, mbɛ an‑na Pita sɔ, an fea Chɔn n na, ta koe a an tena.

GBOO FEAN BƆƐ KƆYINDI KO A 1:19

Koe min na mu, Yataa 'a denɛ Chisɔsi Chasi, a ee ka. Sidasi ni ma, Timoti, ni n fan, nn na‑a a wakoe ɔ yian fan wo a. A wan Chisɔsi ee dɔn koe ma, mbɛ a ban‑da to a ma. Chɛɛ a ta nan gbu, tima ɔ tima ko a, a dɔndenɛ an mbe ma a ma.

Gboo Saa Tɛsadonika Ko A 1:1

Nn fan mbe gboo chɛ nyɛn tena, n fan Pɔɔ, Sidasi, ni Timoti. Nn mbe a nyɛn tena wo wan chɔchi mɔɛ chɛ n fan tena pan Tɛsadonika duu ɔ. Wo wɛn mbe kuiɛ dɔndɔya ɔ, wo bɛ mmɔ Fa Yataa a, an fea Mansa Chisɔsi Chasi a. Yataa ni wo dua, a ni faachima be wo ma.

GBOO FEAN BƆƐ TƐSADONIKA KO A 1:1

Nn fan mbe gboo chɛ nyɛn tena, n fan Pɔɔ, Sidasi, ni Timoti. Nn mbe a nyɛn tena wo wan chɔchi mɔɛ chɛ n fan tena, pan Tɛsadonika duu ɔ. Wo wɛn mbe kuiɛ dɔndɔya ɔ, wo bɛ mmɔ Fa Yataa a, an fea Mansa Chisɔsi Chasi a.

1 PITA 5:12

N mbe ka gboo kunduenɛ min nyɛn‑da wo tena, Sidasi an mbe basan tena n ma. N 'na yiinachii ɔ, suun ma nyɔɛ mu a a, Chasi ɔ, n danden mu min na chɛndɛ chɛ. N toen mu n ni wo faa n ma nande, n ni a ɔ yian to wo a, mbɛ Yataa 'a koadia demanɛ gbu ɛ wan wo ko a. Wo wo boo a chii a ma gban.