CHISƆSI 'A SƆ MƆƐ NU 15:20 - Yataa 'a Dɔbɛnɛ Nama

²⁰ Chɛɛ mmɔ ɛ min ma, mmɔ gboo nyɛn an tena. Mmɔ ni a fɔ an ye, mbɛ an ma daun fɛnɛ daun, mɔɛ n‑na min bɔ yasi a, fen chɛ n tena, miin ma Yataa a. A yɛ to, an ma koe tɛ, an sin ma soe kan kɔ kan daun, min kanɛ a ma tɛ ni, an gbu ma wii daun.

CHISƆSI 'A SƆ MƆƐ NU 15:20 ပူးပေါင်းရင်းမြစ်များ

CHISƆSI 'A SƆ MƆƐ NU 15:29

Wo ma daun fenɛ daun, mɔɛ n‑na min bɔ yasi a, fen chɛ n tena, miin ma Yataa a. Wo ma soe kan kɔ kan daun, min kanɛ a ma tɛ ni, wo gbu sin ma wii daun. A yɛ to, wo ma koe tɛ. Ni wo ma wo boo chɛ ni to chɛ n dɔ, a nyin fan wo ko a. Wo mmɔ a gbɛ.

CHISƆSI 'A SƆ MƆƐ NU 21:25

Chɛɛ chɛ n tana, miin ma Chu mɔ a, chɛɛ an‑na an kai fa Chisɔsi a, nn‑na gboo nyɛndenɛ a ta wan an tena. Nn‑na a fɔ wan an ye, mbɛ nn ta yiima ɔ, an ma daun fen kan kɔ kan daun, mɔɛ n‑na min bɔ yasi a, fen chɛ n tena, miin ma Yataa a. A yɛ to, an ma wii daun, an gbu ma soe kan kɔ kan daun, min kanɛ a ma tɛ ni. A sin to, an ni an boo bɔ ko tɛ ɔ.”

GBOO SAA KƆYINDI KO A 5:11

N ni min fɔ tena gboo chɛ ɔ, an nɛ, mbɛ wo ma gbɛn mɔɛ chɛ n ma, miin‑na an fandi chee Chisianɛ n na, chɛɛ an mbe ko tɛ an nyaa ma. Ni chɛ ma, an fen ko yaen mu kaka, an mbe fenɛ n fai miin ma Yataa a, an mbe an bɔɛ n tɔ yama ɔ tɛ, an mbe gbɛ wa min, chɛ ma, an mbe kanka chɛ. Wo gbu ma si wɛɛ, wo ni daunɛ chɛ mɔɛ bonda chɛ a, min boo ɛ chɛ dɔndɔ wɛɛ ɔ.

GBOO SAA KƆYINDI KO A 6:13

Wo dɔ n sin mbe a fɔ, wo ɔ, “Daun fenɛ ɛ bu an ko a,” wo ɔ, “bu wɛɛ ɛ daun fenɛ ko a.” A gbu sin mbe ka wan. Chɛɛ tee dɔndɔ a, Yataa ɛ a ma‑a wan, an fea gbɛɛ ee ma‑a to nɔ. Wo gboo ee nɔ, min mbe a ma, wo ni koe tɛ. Chɛɛ wo tachɛ koe mu Chisɔsi ko a, mbɛ wo gboo kɔ koe sin, a ma‑a Mansa Chisɔsi wɛɛ ma.

GBOO SAA KƆYINDI KO A 6:18

Wo wo boo bɔ waa ma basan ko yama kan kɔ kan dɔ. Koe min na mu, ko yama kan kɔ kan, mmɔ ɛ min ma, a ee mmɔ gboo tɔɔ. Chɛɛ mɔɛ min mbe koe tɛ, a‑a ko yama si a wandi gboo a.

GBOO SAA KƆYINDI KO A 6:9

Wo‑a a ɔ sɔn fan pɛnɛnɛ, mbɛ mɔɛ chɛ n mbe ee don Yataa 'a mansaya kɔɔ, mɔɛ miin mbe ko yama ma. Wo ma wo wandi woo. An mɔɛ chɛ n fan nɛ, miin mbe waa yama ma basanɛ a, ni miin mbe fɛnɛ n fai miin ma Yataa a. Chɛ ma, miin mbe waa ma basan an bɔ kai n na, an bɛ chɛ n na, miin mbe waa ma basan an bɔɛ n ta si nyɔɛ n na.

GBOO SAA KƆYINDI KO A 7:2

Chɛɛ mɔ sɛsɛ ɛ waa ma basan ko yama ma wan. Chɛ an fɛ mu, a nyin kai kan kɔ kan ni a ta musu ma sɔn, musu kan kɔ kan bɛɛ.

GBOO SAA KƆYINDI KO A 8:1

Ka n mbe koɔ gbɛ, a si daun fenɛ n ma, mɔɛ ɛ miin bɔ yasi n na, fen chɛ n tena, miin ma Yataa a. Wo‑a gboo nyɛn fan, a si a ma. Mmɔ gbɛɛ, yiimatɛ ɛ wan mmɔ ɔ, yɔ wo e a fɔ buɛ min dɔ. Chɛɛ an yiimatɛ chɛ sima, ɛ mmɔ kunɛ koa dɔpanda an na. Chɛɛ koadia tana, ɛ chen sɔ wan mmɔ kɔɔ.

GBOO FEAN BƆƐ KƆYINDI KO A 12:21

N faa gbaaenɛ mu, mbɛ ni n yɛ‑a to nɔ wo tena, n 'na Yataa ɛ a ma‑a wan, a ni n ma yii, wo ya kɔɔ. A sin, n mbe na‑a di chɛ‑a wan, a si mɔɛ chɛ n sɛsɛ wakoe ma, miin na‑a ko yama ma, an sin ma an kan kɔ sɔ ni ko yama ma a. An 'na ko tɛ chɛ, min danka ee ka.

Gboo Kadesia Ko A 5:19

Mmɔ faa ma koe yama nu, an mbe wan sa ɔ den. Ko tɛ an mbe ma a ɔ, a boo a ee ko ɛnden bɛɛ a, a maenɛ ɛ yɔ ba tana ti.

Gboo Ɛfisɔsi Ko A 5:3

Chɛ an fɛ mu, wo ma dɛ waa ma basanɛ ɔ, ni wo ee wɛ fuu ɔ. A yɛ to, maumaya ko tɛ, chɛ ma, fenkoya wa kaka. Chɛ ma nyin Yataa 'a mɔɛ n ko a, miin mbe tenchen a ko a.

Gboo Kɔdɔsai Ko A 3:5

Chɛ an fɛ mu, dunya chɛ ɔ koe nu, miin na di wo ye, wo faa ni fa an ko a. Koe nu, yɔ ko tɛ kan kɔ kan, wo e na to dɛ‑a fuu ɔ, ni ko yama dɔ mende nu. A yɛ to, yiinachii yama, ni dunya ma koe ben koe a mɔɛ ɔ, a basan fenkoya wa a. Chɛ nɛnɛ ɛ wan dechee, yɔ fenɛ fai koe a, min ma Yataa a.

Gboo Saa Tɛsadonika Ko A 4:3

Yataa toen mu wo ni ma tenchen a wan ko a, wo ni wo boo bɔ ko tɛ kan kɔ kan dɔ.

GBOO IBU MƆƐ N KO A 12:16

Mɔ ɔ mɔ ma ko tɛ ma a ma gbɔsɔɛ a, wo tɛ ɔ. Mɔ ɔ mɔ ma ma wo tɛ ɔ, Yataa wakoe ee min faa ɔ, yɔ Isɔ. Den saa ni a a, chɛɛ a tana, daun fen dɔndɔ gbe ko a, a‑a an tea ma tachɛ wan.

GBOO IBU MƆƐ N KO A 13:4

Basɔmaya wa ni be fuu ma, wo gbɛɛ tɛ ɔ. A sin, wo ma waa ma basan mɔ dɔ mende n na, wo ee miin na fuu ɔ. Koe min na mu, mɔɛ min mbe koe tɛ, ɛ waa ma basan mɔ dɔ mende n na, Yataa ɛ a mɔɛ chɛ gbɛmbo‑a wan.

1 PITA 4:3

A saa a, wo‑a koe chɛ n ma kaka, miin ma koe a ni di gbeden mɔɛ chɛ n ye, miin ma Yataa sɔn. Wo 'a fɔɛ gbɛɛ ni yau kaka. Wo ni gbɛ wa min fan. Wo e dunya ma koe ma to fiti fata. Wo ni mauma koe n sɛsɛ ma wan to. A yɛ to, wo ni fenɛ n fai wan, wo e an ya Yataa a.

KO Ɔ NUNDENƐ 10:2

Gboo nyɛndenɛ ni wan a boo a, min nii ma koo, a ɔ fuindenɛ ɛ. Mbɛ a‑a a boo nyima ɔ chenɛ sɔ kɔ yii ɔ, a man dɔ chenɛ sin to‑a sɔ ɔ duu gboo ma.

KO Ɔ NUNDENƐ 10:8

Mbɛ kuiɛ chɛ, min ka‑a banda bu ɔ, a koɔ‑a to n tena, a ɔ, “Ta, i ni gboo nyɛnden chɛ bia. A bia maeka chɛ boo ɔ, min chenɛ dɔndɔɛ ɛ sɔ ɔ kɔ yii ɔ, dɔndɔɛ ɛ sɔ ɔ duu gboo ma, gboo chɛ da a kaenɛ ɛ a boo a.”

KO Ɔ NUNDENƐ 2:14

Chɛɛ n bu ɔ ma di koe dɔ n na, a si wo ma. Mɔɛ dɔ nu wo tɛ ɔ, an mbe bea tena kan chɛ an fɛ, Badaan ɛ min chɛ tena, Badaan min‑na Badaki kan, Isɔɛɛ mɔɛ n na dɛ koe a ko yama ɔ. A‑a a ma wan, an‑na daun fenɛ n daun, miin ni bɔ yasi a fania yataa n tena. Mbɛ a yɛ‑a to, a‑a a ma, an‑na koe tɛ.

KO Ɔ NUNDENƐ 2:20

Chɛɛ n bu ɔ ma di chɛ a, a si wo ma. Wo ee ko ɔ ko ma tena, a si musu chɛ ma, Chɛsibɛɛ musu chɛ, min‑na a wandi ya Yataa 'a gbonka chɛ mɔɛ a. Chɛɛ ɛ kanɛ min chɛ tena, ɛ n 'na mɔɛ n sɔ tena chia yama an ma, an mbe ko yama tɛ‑a, a basan daun fen daunɛ a, min mbe bɔ yasi a fenɛ n tena, an mbe miin ya yataa a.

KO Ɔ NUNDENƐ 9:20

Chɛɛ mɔɛ chɛ nu, miin kunɛ bɔ‑a koe chɛ n gbɛɛ ɔ, an ma an kan kɔ sɔ ni an 'na ko yama n na. An ma an boo bɔ ni nyina yama n fai koe a, ni fen chɛ n fai koe a, miin ma Yataa a. Fen chɛ nu, an fandi, an mbe miin nyan senɛ ɔ, sanu ɔ, kainɛ ɔ, kɔnɛ ɔ, a basan fen dɔ mende n na. Fenɛ miin mu ka, an ya ee kaina yen, an too wɛɛ ee koe a min, an sin mbe ee tachɛ chɛ.