CHISƆSI 'A SƆ MƆƐ NU 15:19 - Yataa 'a Dɔbɛnɛ Nama

¹⁹ “Chɛ an fɛ mu, n ta yiima ɔ, n ma to ni mmɔ ni mɔɛ chɛ n tɔɔ, miin ma Chu mɔ a, miin mbe an ya a mun tena Yataa tena.

CHISƆSI 'A SƆ MƆƐ NU 15:19 ပူးပေါင်းရင်းမြစ်များ

CHISƆSI 'A SƆ MƆƐ NU 15:10

Chɛ an fɛ mu gbɛ, wo ma suun feanka si mɔɛ chɛ n kun ma, feanka min mu mmɔ bɛ mmɔ bemba n ta bemba n na, mmɔ ee che min kɔɔ. Wo e ma‑a ka Yataa an dɔ siman‑da, ni wo‑a chɛ ma.

CHISƆSI 'A SƆ MƆƐ NU 15:24

Nn‑na a a min, mbɛ mɔɛ n dɔ n bɔ‑a wan nn tɛ ɔ, an ta‑a wo tena, an‑na wo kɔndɔ fii an 'na kanɛ a, an mbe min chɛ tena. An gbu sin mbe ka min ma‑a, nn fan ma an sɔ ni.

CHISƆSI 'A SƆ MƆƐ NU 15:28

Koe min na mu, nn‑na a ɔ yen fan, mbɛ a nyin fan nn tena, ni Yataa Nyina gbu wɛɛ tena, mbɛ yakɔɔtawa dɔ mende kan kɔ kan ma si to wo kun ma. Chɛɛ wo ni bea dechee sawa chɛ n fan fɛ, miin nyin wo ko a, yɔ chɛ nu.

CHISƆSI 'A SƆ MƆƐ NU 21:21

A sin, a fɔen fan mu an ye, mbɛ e ben tena Chu mɔɛ n gbɛɛ, miin mbe mɔɛ n 'na chɛnyɛ ɔ, miin ma Chu mɔ a, an kan‑da koe miin na. Mbɛ an ni an kan kɔ sɔ mmɔ 'a sawa chɛ n na, Yataa na‑a miin be Mosisi ma. An dɔ te to, i ɔ, an ma an 'na denɛ n na kamincha to, n mbe ee baa, Chu n 'na manda n na tachɛ koe a.

CHISƆSI 'A SƆ MƆƐ NU 21:25

Chɛɛ chɛ n tana, miin ma Chu mɔ a, chɛɛ an‑na an kai fa Chisɔsi a, nn‑na gboo nyɛndenɛ a ta wan an tena. Nn‑na a fɔ wan an ye, mbɛ nn ta yiima ɔ, an ma daun fen kan kɔ kan daun, mɔɛ n‑na min bɔ yasi a, fen chɛ n tena, miin ma Yataa a. A yɛ to, an ma wii daun, an gbu ma soe kan kɔ kan daun, min kanɛ a ma tɛ ni. A sin to, an ni an boo bɔ ko tɛ ɔ.”

CHISƆSI 'A SƆ MƆƐ NU 26:20

N‑na a ɔ yian Damasikɔsi pɛn, mbɛ n‑na a ɔ yian Chuusaɛn duu ɔ wɛɛ. A yɛ to, n‑na a ɔ yian Chudia chɛnyɛ gbɛɛ ɔ, ni mɔɛ chɛ n tena, miin nii ma Chu mɔɛ n na. N‑na a ɔ yian fan an gbɛɛ a, mbɛ an ni an kan kɔ sɔ an 'na ko yama n na, an ni an ya a mun Yataa ma. A sin, an ni koe n ma, yɔ mɔɛ nu, miin‑na an kan kɔ sɔ an 'na ko yama n na.

Gboo Kadesia Ko A 2:4

Chɛɛ mmɔ suun ma nyɔɛ dɔ nu Chasi ɔ, a wakoe ɛ sa ɔ dechee miin ya kɔɔɛ, chɛɛ a ee an faa ɔ, an toen ni chɛ an na. A sin, an na‑a wan nn tɛ ɔ yɛdɛn, min mbe a ma, an ni nn na tɛ. An ni a ɔ gbɛ, Chisɔsi‑a mmɔ bɔ buɛ min dɔ sawa chɛ boo ɔ, mbɛ an‑na a ma to, mmɔ yɛ‑a an yɔncha ɔ.

Gboo Saa Tɛsadonika Ko A 1:9

Mɔɛ chɛ n gbɛɛ mbe wan bai sa‑a, a si nn bia buɛ ma, wo boo ɔ, nn na‑a wo kɔndɔn‑da tima min na. A yɛ to, a si wo‑a wo kan kɔ sɔ buɛ min dɔ fen chɛ n na, miin ma Yataa a. Wo‑a chɛ ma tea Yataa an fai koe a, min mbe ma‑a nɔ kuɔ fɔ ko a.