CHISƆSI 'A SƆ MƆƐ NU 14:22 - Yataa 'a Dɔbɛnɛ Nama

²² Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

CHISƆSI 'A SƆ MƆƐ NU 14:22 ပူးပေါင်းရင်းမြစ်များ

MATIU 10:38

Ni mɔɛ min mbe ee a ma bɛn‑da mɔnɛ ɔ bia koe a n ko a, ni fa koe a, a e na to bea‑a n fɛ, an mɔɛ chɛ ee che ma‑a n fɛ denɛ a.

MATIU 16:24

Mbɛ a ɔ an gbɛɛ ma, “Ni mɔ ɔ mɔ toen mu a ni bea n fɛ, an mɔɛ chɛ ni nyina a faa ma koe n ma. Mbɛ a‑a a ma bɛn mɔnɛ ɔ bia koe a n ko a, a basan fa koe a.

MATIU 19:24

Ka wɛ n mbe a ma din to wo tena, mbɛ a ɔ gbɛ kaka nyan tɔɛ ko a, a ni don Yataa 'a mansaya kɔɔ, a ni ben ninchi don koe ma miichi woe a.”

MAKI 10:30

Yataa ɛ a kɔ‑a wan. Fen chɛ n gbɛɛ sanche, chenɛ n ni ma, suun ma nyɔɛ nu, de nu an bɛ denɛ n na, a basan sɛnɛ n na, Yataa ɛ a kɔ‑a wan an na dunya chɛ ɔ, si tena chɛmɛ dɔndɔ ko a. Chɛɛ a tima dɔndɔ gbe chɛ kɔɔ, ko ma gbaaenɛ ɛ si‑a wan an na. A sin, Yataa ɛ kuɔ fɔ fɔɛ be‑a wan an ma dunya nama ɔ, min mbe na tena.

MAKI 9:47

Ni i ya nan fan bɛɛ‑a i a dɛ ko yama ɔ, a bɔ, i ni a a dɛ. A nyin i ni kuɔ fɔ fɔɛ ma sɔn, i ya dɔndɔɛ wɛɛ a. Chɛɛ a yau, i ya a kandenɛ ni ma, mbɛ i ta‑a ta ɔ.

DUKU 24:26

A ma biaen fan ni kunka mansa ko a, a ni mɔnɛ ɔ bia. Chɛ an ni ma, Yataa e na to a kɔɔ sɔ‑a saya ɔ, a ni a sɛmbɛn banda bu ɔ.”

CHƆN 15:18

“Mɔɛ miin ma to ni Yataa a dunya chɛ ɔ, ni an too‑a wo a, a ni ma wo yii ma, mbɛ an too‑a n pɛn na.

CHƆN 15:20

N da a bai chɛ ni to wo yii ma, n na‑a min fɔ wo ye, mbɛ bɔi den mbe ee nɔ, min benden mu a kan mɔ ma. Ni an‑na a ma wan n tɔɔ‑a, wo wɛɛ, an mbe a ma‑a ka wan wo ni tɔɔ. Chɛɛ ni an dɔ nu, an na‑a an too ma sɔ wan n da a kuiɛ ma, mbɛ an mbe an too ma sɔ‑a wan wo ta wɛɛ ma.

CHƆN 16:33

N mbe chɛ gbɛɛ fɔ tena wo ye, min mbe a ma, wo ni faachima sɔn. Koe min na mu, mɔ dɔndɔɛ mu mmɔ a, mmɔ gbɛɛ. Ko yawaenɛ n mbe wo tan‑da wan dunya chɛ ɔ. Chɛɛ wo wo faa sɔ, n kun‑da gbasaya ti ma dunya chɛ ɔ.”

CHƆN 3:5

Mbɛ Chisɔsi ɔ, “N ni a ma din to i tena, mbɛ mɔ ɔ mɔ ee che don‑da Yataa 'a mansaya kɔɔ, mɔɔ ni a suun‑da to yii a, an fea Yataa Nyina a.

CHISƆSI 'A SƆ MƆƐ NU 11:23

A che‑a kɛn nɔ, mbɛ a‑a a ɔ yen, Yataa‑a koadia demanɛ chɛ buɛ min dɔ, an mɔɛ chɛ n na, a bu ɔ dia‑a wan kaka. A‑a an disa wan, min mbe a ma, an ni a tun an kai fa koe a Mansa Chisɔsi a, an faa gbɛɛ a.

CHISƆSI 'A SƆ MƆƐ NU 11:26

A‑a a yen kɛn, a‑a a ma wan, mbɛ an fea yɛ‑a a a Andiɔki duu ɔ. An ni bɛn fan, an bɛ chɔchi mɔɛ chɛ n na, an mbe ta‑a an sɛsɛ kan‑da. An ni wan nɔ san dɔndɔ ko a. Andiɔki ni, tɔɛ chɛ si‑a an kun ma, an dɔ, Chisianɛ nu, an fɛn kai faen ni Chisɔsi a.

CHISƆSI 'A SƆ MƆƐ NU 11:29

Chisian chɛ n‑na a ɔ bɛn fan, an sɔɛ gbɛɛ ɔ, an ni an boo fenɛ n na ta, basan koe a an suun ma nyɔɛ n ma Chasi ɔ, miin ni Chudia chɛnyɛ ɔ. An dɔ, an ni chɛ ma yɔ an 'na gbasaya ɛ kun min nyɔn sima ma.

CHISƆSI 'A SƆ MƆƐ NU 13:43

Mbɛ mɔɛ chɛ n gbɛɛ, an ban‑da bɔ‑a Chu n 'na samun chɛ chen chɛ a. Chɛɛ Chu mɔɛ nu, ni an sɛsɛ miin boo fea sien ni Chu n 'na Yataa fai chia kɔɔ, an sɛsɛ‑a a sɔ wan Pɔɔ fɛ, an fea Banabasi a. An koɔ‑a wan mɔɛ chɛ n tena, an‑na a ma din an tena, mbɛ an ma an kan kɔ sɔ to Yataa 'a koadia deman chɛ a.

CHISƆSI 'A SƆ MƆƐ NU 14:20

Chɛɛ Chisɔsi fɛ mɔɛ chɛ n na kan‑da kɛn a a tindanɛ, a‑a a kɔɔ sɔ wan, mbɛ a yɛ‑a duu chɛ gbu ɔ to. Tee dɔndɔɛ ma, an fea Banabasi a, an ta‑a wan Dabi duu ɔ.

CHISƆSI 'A SƆ MƆƐ NU 14:28

Mbɛ an sin‑na tima ɔ yansama ya wan nɔ, an duu chɛ ɔ, an bɛ Chisɔsi fɛ mɔɛ n na.

CHISƆSI 'A SƆ MƆƐ NU 15:32

Chudasi, an fea Sidasi a, miin bɛɛ ni Yataa 'a gbonka chɛ mɔɛ n na, an bɛɛ‑a faamanande bai sɛsɛ sa wan an tena. Chɛ‑a an dɔ gbɛa wan, an kai fa koe a Chisɔsi a.

CHISƆSI 'A SƆ MƆƐ NU 15:41

A sin ben‑da wan Siyia, an fea Sidisia chɛnyɛ ɔ a, ɛ ta‑a a ma‑a mɔɛ chɛ n dɔ ɛ gbɛa‑a chɔchi n dɔ, an 'na kaifaya ɔ.

CHISƆSI 'A SƆ MƆƐ NU 18:23

A‑a tima ɛnden ya kɛn nɔ wɛɛ, a bɔ‑a wan nɔ, mbɛ a ta‑a Kadesia an fea Fichiya chɛnyɛ ɔ a. A ta‑a wan duu sɛsɛ ɔ, an chɛnyɛ chɛ n dɔ. A ni wan a ma tena, Chisɔsi fɛ mɔɛ n gbɛɛ, an dɔ ɛ gbɛa‑a.

CHISƆSI 'A SƆ MƆƐ NU 6:7

Mbɛ a ka gbɛ a tima chɛ ma, Yataa 'a bai a fasan‑da wan a ɔ gbɛɛ ɛ. Chisɔsi fɛ denɛ n da a koa‑a wan gbeden Chuusaɛn duu ɔ, mbɛ Chu n tɛ mɔɛ nu Yataa a, an sɛsɛ‑a an boo si sakana bai chɛndɛ chɛ kɔɔ.

CHISƆSI 'A SƆ MƆƐ NU 9:16

A sin, n mbe a ɔ yian‑da wan a a gbɛ, a wɛɛ, ɛ mɔnɛ min nyɔn sima ɔ bia‑a n ko a.”

GBOO DOMI KO A 8:17

Mmɔ mu ka buɛ min dɔ a 'a denɛ n na, a‑a dua miin sa tena ɔ bɛn a 'a mɔɛ n ko a, mmɔ wan ta ɛ ma an na. A na‑a min sa tena ɔ bɛn Chasi wɛɛ ko a, ɛ ma‑a wan to mmɔ ta a. Mmɔ na‑a Chasi 'a tɔɔya ɔ bia wan, mmɔ ɛ a 'a basɔmaya wɛɛ dɔ sɔn‑da wan ya ɔ ma.

GBOO SAA KƆYINDI KO A 1:8

Ɛ wo 'a danaya n dɔ gbɛa‑a wan, aan a sɔ tee danka chɛ ma. Ɛ a ma‑a wan, mabɔ kan kɔ kan mbe ee ma‑a wo ma, an tee wa chɛ ma, mmɔ 'a mansa Chisɔsi Chasi ɛ na‑a to tima min na.

Gboo Fiipai Ko A 1:29

Koe min na mu, ɛ wan gbɛ Yataa boo ɔ wo ko a, mbɛ Chasi chɛ wakoe, wo kai fa koe ma dechee a a. Chɛɛ wo gbu, wo e tɔɔya ɔ bia‑a wan a ko a.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

Gboo Saa Tɛsadonika Ko A 3:13

Chia chɛ a mu, ɛ wo ɔ gbɛa‑a, min mbe a ma, mmɔ Fa chen kɔɔ, mabɔ ee ma‑a wo ma. Chɛ ɛ ma‑a wan, mmɔ 'a mansa Chisɔsi ɛ na‑a tima min na, an bɛ gbɛɛ chɛ n na, miin mu a ta n na.

2 TIMOTI 1:8

Chɛ an‑na a fɔ, i ma mau mmɔ 'a mansa wakoe ɔ yian koe a mɔɛ n na. N bɛɛ wakoe, i ma mau n ko a, koe min na mu, n mbe pimbi chenɛ a a si Chasi ko a. Chɛɛ Yataa 'a gbasaya ɔ, i wɛɛ i ta mɔnɛ ɔ bia a 'a sakana bai chɛndɛ ko a. A sin mbe a 'a gbasaya be‑a wan i ma.

2 TIMOTI 3:12

Tea ko a, ni mɔ ɔ mɔ‑a a wandi be Yataa chia ma, ni an ma‑a mɔ dɔndɔɛ a Chisɔsi Chasi a, ɛ ko yawaenɛ ɔ yen fan.

1 PITA 2:21

An ko bonda chɛ mu, Yataa na‑a wo chee, a ɔ, wo ni a ma. Koe min na mu, Chasi wandi gbu‑a ko yawaenɛ ɔ bia wan wo ko a, min mu tɔmɔsi a wo tena. Chɛ ni a ma, wo wɛɛ ni puin a chen gba ɔ.

1 PITA 5:10

Chɛɛ wo ee tɔɔya‑a, a ɔ yansama a. Koadia demanɛ gbɛɛ, a ti mu Yataa an na. A wan‑na wo chee, wo ni ma a 'a basɔmaya kɔɔ kuɔ fɔ ko a, ni wo ma‑a mɔ dɔndɔɛ a Chasi a. A wan mbe wo ma mɔɛ n na, miin dɔ gbɛ an 'na danaya ɔ, an sin mbe sɔ ɔ chidi. A wan mbe an kuu don gban.

1 PITA 5:9

Wo sɔ chidi wo 'a danaya ɔ, Chasi a. Sitana ma kun wo ma. Koe min na mu, wo‑a a ɔ sɔn fan, mbɛ wo bɔɛ miin bɛɛ kai faen mu Chasi a dunya gbɛɛ ɔ, an mbe ko yawaen dɔndɔ gbe chɛ an dɔ bia tena.

2 PITA 1:11

Chia chɛ sin na mu, wo e tea da faenɛ ma sɔn‑da ben koe a, a ta dɔndɔ gbe mmɔ 'a mansa, ni mmɔ baun mɔɛ Chisɔsi Chasi, ɛ kaina min mansaya ɔ kuɔ fɔ ko a. Yataa ɛ a boo si‑a wan wo kɔɔ.

CHUDA 1:3

N dia nyɔɛ nu, n toen ni kaka n ni gboo chɛ nyɛn a si bauncha ma, Chisɔsi‑a min be mmɔ ma. Chɛɛ n yiima dɔndɔɛ‑a a fɔ wan n ye, mbɛ n ni wo faa nande, wo ni butuinɛ chɛ, wo 'a danaya ko a Yataa a. Danaya chɛ sin, Yataa an‑na a ma, mmɔ‑a a ma sɔn, a sin mbe ee mun to.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.

KO Ɔ NUNDENƐ 2:10

Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”

KO Ɔ NUNDENƐ 7:14

Mbɛ n dɔ, “Kai, n ma ko ɔ sɔn chɛ ma. N mbe i wan dɔ tisa chɛ a.” Mbɛ a ɔ n ma, “Mɔɛ chɛ nu miin kun bɔ‑a ko gbɛama wa chɛ ɔ, an fan nɛ ka. An fan‑na an 'na koa n ko, an‑na an gbɛ fo, sa tɔngbɔɛ chɛ wii a.