CHISƆSI 'A SƆ MƆƐ NU 14:21 - Yataa 'a Dɔbɛnɛ Nama

²¹ Sakana bai chɛndɛ chɛ, a si Chisɔsi ma, an‑na a sa wan an duu wa chɛ ɔ. An sin‑na a ma wan, mɔ sɛsɛ bea‑a Chisɔsi fɛ. Mbɛ an yɛ‑a Diisa duu ɔ, an ta‑a Ikoniɔn, aan a che Andiɔki, Pisidia chɛnyɛ ɔ.

CHISƆSI 'A SƆ MƆƐ NU 14:21 ပူးပေါင်းရင်းမြစ်များ

MATIU 28:19

Chɛ an‑na a fɔ, wo ta mɔɛ n gbɛɛ tena dunya chɛ gbɛɛ ɔ, mbɛ wo‑a an ma n fɛ denɛ n na. Wo ni yɛ, wo ni yii chɛ an kunɛ ɔ Fa Yataa tɔɛ ɔ, n tɔɛ ɔ, a basan Yataa Nyina tɔɛ ɔ a.

CHISƆSI 'A SƆ MƆƐ NU 13:14

Chɛɛ an‑na an 'na tachɛ a tun fan a ma, a ka Paaka, a ta Andiɔki duu dɔ mende ɔ, min ni Pisidia chɛnyɛ ɔ. A sin, Chu n 'na suin tee ma, an don‑da wan Chu n 'na samun chenɛ a, mbɛ an si‑a.

CHISƆSI 'A SƆ MƆƐ NU 13:51

Chɛ ma‑a kɛn, Pɔɔ n‑na an chen 'na fifii a gbɔngbɔn fan an chenɛ a, ma koe a dasi a, an duu chɛ ɔ mɔɛ n ko a. Mbɛ an bɔ‑a nɔ, an ta‑a Ikoniɔn duu ɔ.

CHISƆSI 'A SƆ MƆƐ NU 14:1

Koe min si‑a Pɔɔ a, an fea Banabasi a, Andiɔki duu chɛ ɔ, an si‑a to an na Ikoniɔn duu wɛɛ ɔ. Pɔɔ an fea Banabasi a, an don‑da Chu n 'na samun chɛ chenɛ a. An sin koɔ buɛ ma kawa‑a wan aan, min‑na a ma, mɔ sɛsɛ n‑na an kai fa Chisɔsi a. Chu mɔɛ dɔ nu, an bɛ mɔɛ chɛ n na, miin nii ma Chu mɔ a, an gbɛɛ‑a an kai fa a a.

CHISƆSI 'A SƆ MƆƐ NU 14:15

“N bɔ nu, wo toen mu wo ni ko bonda chɛ ma, fen ko a? Nn bɛɛ, mɔ gbu mu nn na, yɔ wo e ka buɛ min dɔ. Nn mbe nɛ, sakana bai chɛndɛ chɛ ɔ yian koe a wo a, wo ni wo boo bɔ tataya ko bonda chɛ n dɔ. Wo ni wo ya a mun Yataa ma, min mbe ee fa kuɔ fɔ ko a. A wan‑na banda a dan, an fea duu gboo a, kɔ yii wɛɛ, a basan fen kɔ fen na, miin be an dɔ.

CHISƆSI 'A SƆ MƆƐ NU 14:19

Chɛɛ Chu dɔ n ka‑a wan Andiɔki duu ɔ, Pisidia chɛnyɛ ɔ, dɔ n bɛɛ ka‑a Ikoniɔn duu ɔ. An‑na a ma wan, mɔ fanka chɛ n yiima mun‑da, an‑na Pɔɔ ma bon bon fan, mbɛ an‑na a konkon, a bɔ duu ɔ. A ni an yii ma, mbɛ a fa‑a.

CHISƆSI 'A SƆ MƆƐ NU 14:26

An ka‑a Atadia chɛ wan, mbɛ an si‑a dɛndɛ ɔ, a yɛ to Andiɔki duu ɔ. An duu chɛ ɔ ni, Chisɔsi fɛ mɔɛ na‑a an konan Yataa ma, koadia demanɛ ɔ, an 'na wai ko a, an‑na min na ban ka gbɛ.

CHISƆSI 'A SƆ MƆƐ NU 14:6

Chɛɛ Chisɔsi 'a sɔ mɔ fea chɛ nu, an‑na an 'na yiinachii chɛ kɔɔ sɔn fan, mbɛ an bui‑a, an ta‑a Dikawonia chɛnyɛ ɔ. An ta‑a wan nɔ duu fea ɔ, Diisa an fea Dabi a, a basan nɔ tanda n na,

CHISƆSI 'A SƆ MƆƐ NU 14:7

mbɛ an‑na sakana bai chɛndɛ chɛ ɔ yian nɔ gbɛɛ.

CHISƆSI 'A SƆ MƆƐ NU 14:8

Kamin dɔndɔ ni wan nɔ si ɔ, Diisa duu chɛ ɔ, min nii che sɔ‑a a chen fea gbɛɛ a. A namaaenɛ ni, a ka a suun tima ma. Tee dɔndɔ wɛɛ, a nii ma tachɛ chɛ ni.

CHISƆSI 'A SƆ MƆƐ NU 15:36

Tima ɛnden gbakɔ, mbɛ Pɔɔ‑a a fɔ Banabasi ye, a ɔ, “Na, mɔ ni ta ben ben mɔɛ n kun ma, duu chɛ n gbɛɛ ɔ, mɔ na‑a sakana bai chɛ sa miin tena, a si Mansa Chisɔsi ma. Mɔ ni a ɔ yen, ni an mbe buɛ min dɔ.”

CHISƆSI 'A SƆ MƆƐ NU 16:2

Suun ma nyɔɛ n gbɛɛ Chasi ɔ, miin ni Diisa duu ɔ, an fea Ikoniɔn na, an‑na bai chɛndɛ sa wan, a si Timoti ma.

CHISƆSI 'A SƆ MƆƐ NU 2:47

an mbe ta‑a Yataa tando‑a. A sin, mɔɛ n gbɛɛ‑a an yii na chii wan an na, mbɛ mɔ chɛndɛ mu an na. Tee ɔ tee sin na, Mansa Chisɔsi‑a an ma munda mɔɛ n na, miin ni gbɛ bauncha chia ma.

2 TIMOTI 3:11

I‑a a ɔ sɔn fan, an‑na ko yawaenɛ min si n na, ni tɔɔya gbɛɛ n‑na miin dɔ bia. I‑a a ɔ sɔn fan, fen ko si‑a n na kɛn n ni Andiɔki duu ɔ, ni Ikoniɔn duu ɔ, a basan Diisa duu ɔ a, n tɔɔ‑a buɛ min dɔ duu chɛ n dɔ. Chɛɛ Mansa Chisɔsi‑a n kun bɔ wan an gbɛɛ ɔ.