CHISƆSI 'A SƆ MƆƐ NU 14:20 - Yataa 'a Dɔbɛnɛ Nama

²⁰ Chɛɛ Chisɔsi fɛ mɔɛ chɛ n na kan‑da kɛn a a tindanɛ, a‑a a kɔɔ sɔ wan, mbɛ a yɛ‑a duu chɛ gbu ɔ to. Tee dɔndɔɛ ma, an fea Banabasi a, an ta‑a wan Dabi duu ɔ.

CHISƆSI 'A SƆ MƆƐ NU 14:20 ပူးပေါင်းရင်းမြစ်များ

CHISƆSI 'A SƆ MƆƐ NU 11:26

A‑a a yen kɛn, a‑a a ma wan, mbɛ an fea yɛ‑a a a Andiɔki duu ɔ. An ni bɛn fan, an bɛ chɔchi mɔɛ chɛ n na, an mbe ta‑a an sɛsɛ kan‑da. An ni wan nɔ san dɔndɔ ko a. Andiɔki ni, tɔɛ chɛ si‑a an kun ma, an dɔ, Chisianɛ nu, an fɛn kai faen ni Chisɔsi a.

CHISƆSI 'A SƆ MƆƐ NU 11:29

Chisian chɛ n‑na a ɔ bɛn fan, an sɔɛ gbɛɛ ɔ, an ni an boo fenɛ n na ta, basan koe a an suun ma nyɔɛ n ma Chasi ɔ, miin ni Chudia chɛnyɛ ɔ. An dɔ, an ni chɛ ma yɔ an 'na gbasaya ɛ kun min nyɔn sima ma.

CHISƆSI 'A SƆ MƆƐ NU 12:17

Chɛɛ Pita ni wan a boo kai‑a an ma, an ma na sɔnkɔɛ chɛ. Mbɛ a si‑a a gbɛɛ ma, a‑a a ɔ yian, Mansa Yataa‑a a ma buɛ min dɔ, a bɔ‑a pimbi chen chɛ a. Pita‑a a fɔ wan an ye, a ɔ, an ni a ɔ yian Chimisi a, a basan an suun ma nyɔɛ n na Chasi ɔ. Mbɛ a ka‑a nɔ, a ta‑a kaina dɔ mende.

CHISƆSI 'A SƆ MƆƐ NU 14:22

Mbɛ an‑na a ma, mɔɛ chɛ n 'na danaya ɔ gbɛa‑a, miin ni ka Chisɔsi fɛ mɔɛ n na. An mbe ta‑a an faa n ma nande‑a, an ni to tun an kai fa‑a Chisɔsi a. Mbɛ an‑na an kan, an dɔ te, “Mɔ ɔ mɔ ɛ mɔnɛ sɛsɛ ɔ bia pɛn, a e na to don‑da Yataa 'a mansaya chɛ kɔɔ.”

CHISƆSI 'A SƆ MƆƐ NU 14:28

Mbɛ an sin‑na tima ɔ yansama ya wan nɔ, an duu chɛ ɔ, an bɛ Chisɔsi fɛ mɔɛ n na.

CHISƆSI 'A SƆ MƆƐ NU 14:6

Chɛɛ Chisɔsi 'a sɔ mɔ fea chɛ nu, an‑na an 'na yiinachii chɛ kɔɔ sɔn fan, mbɛ an bui‑a, an ta‑a Dikawonia chɛnyɛ ɔ. An ta‑a wan nɔ duu fea ɔ, Diisa an fea Dabi a, a basan nɔ tanda n na,

CHISƆSI 'A SƆ MƆƐ NU 16:1

Pɔɔ an fea Sidasi a, an ta‑a pɛn Dabi duu ɔ, mbɛ an ben‑da Diisa duu ɔ chia a. An‑na Chisɔsi fɛ mɔ dɔndɔ tan fan nɔ, min tɔ ni Timoti. A de ni Chu mɔɛ an na, min na‑a a kai fa Chisɔsi a. Chɛɛ a fa ni Kiisi mɔɛ an na.

CHISƆSI 'A SƆ MƆƐ NU 16:40

Pɔɔ an fea Sidasi a, an bɔ‑a wan pimbi chen chɛ a, mbɛ an ta‑a wan Didia 'a chenɛ a. A sin, an suun ma nyɔɛ nu Chasi ɔ, an‑na an tan fan nɔ. An‑na an yen kɛn, an‑na an faa ma nande wan, mbɛ an bɔ‑a an duu chɛ ɔ, an ta‑a.

CHISƆSI 'A SƆ MƆƐ NU 20:1

An gbun chɛ ɔ chima‑a kɛn, mbɛ Pɔɔ‑a Chisɔsi fɛ mɔɛ chɛ n chee kaina dɔndɔ. A ban‑da kɛn an faa chima bai fɔ‑a an ye, a‑a a saa wan an na. Mbɛ a‑a an to, a ta‑a Masidonia chɛnyɛ ɔ.

GBOO FEAN BƆƐ KƆYINDI KO A 6:9

Mɔɛ dɔ n sin dɔ, mɔ ɔ mɔ ma nn sɔn. Chɛɛ chɛ gbɛɛ ɔ, mɔɛ n‑na nn sɔn fan. Saya ɛ ben‑da nn san‑da, chɛɛ yɔ wo‑a a ɔ yen buɛ min dɔ, nn mbe wɛ tun fɔɛ ɔ. An mbe nn tɔɔya tena wɛɛ boo ɔ boo, chɛɛ nn ma fa ni.