CHISƆSI 'A SƆ MƆƐ NU 14:19 - Yataa 'a Dɔbɛnɛ Nama

¹⁹ Chɛɛ Chu dɔ n ka‑a wan Andiɔki duu ɔ, Pisidia chɛnyɛ ɔ, dɔ n bɛɛ ka‑a Ikoniɔn duu ɔ. An‑na a ma wan, mɔ fanka chɛ n yiima mun‑da, an‑na Pɔɔ ma bon bon fan, mbɛ an‑na a konkon, a bɔ duu ɔ. A ni an yii ma, mbɛ a fa‑a.

CHISƆSI 'A SƆ MƆƐ NU 14:19 ပူးပေါင်းရင်းမြစ်များ

CHISƆSI 'A SƆ MƆƐ NU 13:14

Chɛɛ an‑na an 'na tachɛ a tun fan a ma, a ka Paaka, a ta Andiɔki duu dɔ mende ɔ, min ni Pisidia chɛnyɛ ɔ. A sin, Chu n 'na suin tee ma, an don‑da wan Chu n 'na samun chenɛ a, mbɛ an si‑a.

CHISƆSI 'A SƆ MƆƐ NU 13:45

Chu mɔɛ chɛ nu, an‑na fanka wa chɛ yen kɛn, toomaya‑a an faa fa wan gban. Mbɛ an‑na Pɔɔ da a bai gbɛɛ kɔɔsa bia, an yɛ‑a to, an‑na a main.

CHISƆSI 'A SƆ MƆƐ NU 14:1

Koe min si‑a Pɔɔ a, an fea Banabasi a, Andiɔki duu chɛ ɔ, an si‑a to an na Ikoniɔn duu wɛɛ ɔ. Pɔɔ an fea Banabasi a, an don‑da Chu n 'na samun chɛ chenɛ a. An sin koɔ buɛ ma kawa‑a wan aan, min‑na a ma, mɔ sɛsɛ n‑na an kai fa Chisɔsi a. Chu mɔɛ dɔ nu, an bɛ mɔɛ chɛ n na, miin nii ma Chu mɔ a, an gbɛɛ‑a an kai fa a a.

CHISƆSI 'A SƆ MƆƐ NU 14:18

An koɔ‑a wɛɛ ka boo ɔ boo, an tena, an kun‑da wan kayiin, a ma koe a, mɔɛ chɛ n ni sɛmbɛ yasi chɛ bɔ koe a.

CHISƆSI 'A SƆ MƆƐ NU 14:2

Chɛɛ Chu mɔɛ tɔɛ chɛ nu, miin nii ma dɔn ni an kai fa koe a Chisɔsi a, an don‑da mɔɛ chɛ n dɔ, miin nii ma Chu mɔ a. A sin, an‑na an na sɛ wan Chisɔsi fɛ mɔɛ chɛ n ma.

CHISƆSI 'A SƆ MƆƐ NU 14:21

Sakana bai chɛndɛ chɛ, a si Chisɔsi ma, an‑na a sa wan an duu wa chɛ ɔ. An sin‑na a ma wan, mɔ sɛsɛ bea‑a Chisɔsi fɛ. Mbɛ an yɛ‑a Diisa duu ɔ, an ta‑a Ikoniɔn, aan a che Andiɔki, Pisidia chɛnyɛ ɔ.

CHISƆSI 'A SƆ MƆƐ NU 14:26

An ka‑a Atadia chɛ wan, mbɛ an si‑a dɛndɛ ɔ, a yɛ to Andiɔki duu ɔ. An duu chɛ ɔ ni, Chisɔsi fɛ mɔɛ na‑a an konan Yataa ma, koadia demanɛ ɔ, an 'na wai ko a, an‑na min na ban ka gbɛ.

CHISƆSI 'A SƆ MƆƐ NU 14:4

Chɛɛ mɔɛ miin gbɛɛ ni an duu chɛ ɔ, an duen fan ni fea a. Dɔ n sɔ‑a wan Chu mɔɛ chɛ n kɔ, mbɛ dɔ n sin sɔ‑a Chisɔsi 'a sɔ mɔɛ chɛ n kɔ.

CHISƆSI 'A SƆ MƆƐ NU 14:5

Mbɛ mɔɛ dɔ nu, miin nii ma ka Chu mɔ a, an bɛ Chu mɔɛ dɔ n na, an‑na a siman fan, maumaya koe sɛ koe a an ma, an ni an ma bon bon senɛ a, aan an ni fa.

CHISƆSI 'A SƆ MƆƐ NU 15:26

Mɔ fea an fan nɛ, miin‑na an fɔɛ be, mmɔ 'a mansa Chisɔsi Chasi 'a wai ko a.

CHISƆSI 'A SƆ MƆƐ NU 17:13

Chɛɛ Chu mɔɛ chɛ nu Tɛsadonika, an‑na a a min kɛn, mbɛ Pɔɔ ɛ Yataa bai sa‑a Bɛyia wɛɛ, an na‑a wan nɔ. Mbɛ an bun‑da mɔ fanka chɛ a sɛ‑a Pɔɔ ma, gbunɛ a bea koe a.

CHISƆSI 'A SƆ MƆƐ NU 22:20

A sin, an ni kɛn Sitibin wii a bɔn‑da, min ni koɔ ka mɔɛ n tena a si i ma, n fandi gbu ni nɔ wan sɔ ɔ. N ni wan n kunɛ ɔ dondon‑da, a fa koe ma. A sin mɔɛ miin ni ka a fa tena, n ni wan an 'na doma n kun ma fɛn‑da.’

CHISƆSI 'A SƆ MƆƐ NU 7:58

mbɛ an‑na a konkon a bɔ an duu chɛ ɔ. Mbɛ an bun‑da a ma bon bon‑da, a fa koe a. Miin ni ka sii n na, an 'na doma kun ma doma nu, an‑na an bɔ wan, mbɛ an‑na an to kamin tɔngbɔ dɔndɔ boo ɔ, min tɔ ni Sɔɔ.

CHISƆSI 'A SƆ MƆƐ NU 9:16

A sin, n mbe a ɔ yian‑da wan a a gbɛ, a wɛɛ, ɛ mɔnɛ min nyɔn sima ɔ bia‑a n ko a.”

GBOO SAA KƆYINDI KO A 15:31

N suun ma nyɔɛ nu Chasi ɔ, tee ɔ tee a, n kaa ɔ kaen fan mu saya ko a. N mbe yonka tɛ wan wo wakoe ma, a si fɔɛ chɛ ma, mmɔ ɛ min dɔ. Mmɔ ɛ wan kuiɛ dɔndɔya ɔ, mmɔ bɛ mmɔ 'a mansa Chisɔsi Chasi a. An fɛ mu, n mbe chɛ fɔ tena den.

GBOO FEAN BƆƐ KƆYINDI KO A 11:23

Ni wai chɛ mɔɛ mu an na, Chasi ko a, n mbe wɛɛ ka koɔ‑a yɔ woo mɔɛ, chɛɛ an wai chɛ mɔɛ chɛndɛ gbu mu n na, a ben an ma. N‑na wai chɛ, a ben an ma, n ta‑a pimbi chenɛ a, a ben an ma. N‑na gbasi min sin dɔ yen, dan mbe ee a ma. Tima sɛsɛ ko a, n ni ma wan saya baima, a ben an ma.

GBOO FEAN BƆƐ KƆYINDI KO A 11:25

Si tena sawa gbɛ, Domi mɔɛ n ni n gbasi kɔnɛ an na. Mɔɛ n‑na n ma bon bon gba dɔndɔ, senɛ a, n fa koe a. Gba sawa gbɛ, dɛndɛ wɛɛ ɛ gban‑da n na, yii a. A sin, n ni wan yii a su ɔ tee a, tima dɔndɔ ko a.

GBOO FEAN BƆƐ KƆYINDI KO A 11:26

N 'na tachɛ sɛsɛ n dɔ, n ni wan chianɛ kɔɔ, yii fa boo ɔ, a basan kanka n na. N ni wan chianɛ kɔɔ, n bɔ Chu mɔɛ n boo ɔ, ni mɔɛ chɛ n bɛɛ boo ɔ, miin ma Chu mɔ a. Ko ma chiandenɛ n ma‑a wan duu wa n dɔ, an ma‑a fuinɛ ma, an ma‑a kɔ yii a. N suun ma nyɔɛ chɛ n gbu wɛɛ Chasi ɔ, a wakoe ni sa ɔ dechee miin ya kɔɔɛ, chɛɛ a ee an faa ɔ, n chiandenɛ ni wan an ma.

Gboo Saa Tɛsadonika Ko A 2:14

Chɛ sin fan fɛ mu, nn suun ma nyɔɛ nu Chasi ɔ, wo na‑a ko yawaenɛ ɔ bia wo chɛnyɛ nyɔɛ n boo ɔ. Wo na‑a bɔ ka chɛ n fan gba ɔ, chɔchi nu Chudia chɛnyɛ ɔ, miin kai faen ni Chisɔsi Chasi a. An bɛɛ na‑a ko yawaenɛ n dɔ bia ka wan, Chu mɔɛ n boo ɔ, an chɛnyɛ nyɔɛ nu.

2 TIMOTI 3:11

I‑a a ɔ sɔn fan, an‑na ko yawaenɛ min si n na, ni tɔɔya gbɛɛ n‑na miin dɔ bia. I‑a a ɔ sɔn fan, fen ko si‑a n na kɛn n ni Andiɔki duu ɔ, ni Ikoniɔn duu ɔ, a basan Diisa duu ɔ a, n tɔɔ‑a buɛ min dɔ duu chɛ n dɔ. Chɛɛ Mansa Chisɔsi‑a n kun bɔ wan an gbɛɛ ɔ.