CHISƆSI 'A SƆ MƆƐ NU 14:1 - Yataa 'a Dɔbɛnɛ Nama

¹ Koe min si‑a Pɔɔ a, an fea Banabasi a, Andiɔki duu chɛ ɔ, an si‑a to an na Ikoniɔn duu wɛɛ ɔ. Pɔɔ an fea Banabasi a, an don‑da Chu n 'na samun chɛ chenɛ a. An sin koɔ buɛ ma kawa‑a wan aan, min‑na a ma, mɔ sɛsɛ n‑na an kai fa Chisɔsi a. Chu mɔɛ dɔ nu, an bɛ mɔɛ chɛ n na, miin nii ma Chu mɔ a, an gbɛɛ‑a an kai fa a a.

CHISƆSI 'A SƆ MƆƐ NU 14:1 ပူးပေါင်းရင်းမြစ်များ

MAKI 7:26

Chu mɔ nii ma an musu chɛ a. A sin, a suun‑da Siyia chɛnyɛ ɔ wan, Fonisia tanda ɔ. A‑a Chisɔsi disa wan, nyina yama chɛ gbain koe a 'a den chɛ fɛ.

CHƆN 12:20

Mɔɛ chɛ nu, miin na‑a sɛ ka Chuusaɛn bɛn chɛ ɔ, Yataa fai koe a, mɔɛ n ni wan an tɛ ɔ, miin nii ma Chu mɔ a.

CHƆN 7:35

Mbɛ Chu mɔɛ chɛ nu, miin ni Chisɔsi chɛɛ ma nyɔɛ n na, an bun‑da a da a bai chɛ tɛnsɛ‑a an nyɔn tɛ ɔ, an dɔ, “A e na ma ta‑a mende, mmɔ ee a yen kaina min? Kɔkɔɛ a ɛ ta tena duu dɔ mende n fan dɔ, mmɔ 'a mɔɛ dɔ n mbe kaina min, mbɛ a‑a mɔɛ n kan, miin ma mmɔ 'a mɔɛ n na.

CHISƆSI 'A SƆ MƆƐ NU 11:21

A sin, Mansa Yataa 'a gbasaya ni wan an kun ma. Mɔ sɛsɛ sin‑na an kai fa wan Mansa Chisɔsi a, mbɛ an‑na an ya a mun a ma.

CHISƆSI 'A SƆ MƆƐ NU 13:43

Mbɛ mɔɛ chɛ n gbɛɛ, an ban‑da bɔ‑a Chu n 'na samun chɛ chen chɛ a. Chɛɛ Chu mɔɛ nu, ni an sɛsɛ miin boo fea sien ni Chu n 'na Yataa fai chia kɔɔ, an sɛsɛ‑a a sɔ wan Pɔɔ fɛ, an fea Banabasi a. An koɔ‑a wan mɔɛ chɛ n tena, an‑na a ma din an tena, mbɛ an ma an kan kɔ sɔ to Yataa 'a koadia deman chɛ a.

CHISƆSI 'A SƆ MƆƐ NU 13:46

Chɛɛ a tima gbu a ni gbɛ, Pɔɔ, an fea Banabasi a, an‑na bai sa faagbɛa a. An dɔ, “A ni nyin, nn ni Yataa da a bai chɛ ɔ yian wo pɛn na. Chɛɛ wo‑a wo boo sɔ wan a ya ɔ, wo‑a a ɔ yian wo sɔnɛ ɔ, mbɛ a ma nyin, wo ni kuɔ fɔ fɔɛ chɛ ma sɔn. A yen ko gbɛ, nn bɛɛ, nn‑na nn ya a yɛ chɛ n ma, miin ma Chu mɔ a.

CHISƆSI 'A SƆ MƆƐ NU 13:51

Chɛ ma‑a kɛn, Pɔɔ n‑na an chen 'na fifii a gbɔngbɔn fan an chenɛ a, ma koe a dasi a, an duu chɛ ɔ mɔɛ n ko a. Mbɛ an bɔ‑a nɔ, an ta‑a Ikoniɔn duu ɔ.

CHISƆSI 'A SƆ MƆƐ NU 14:19

Chɛɛ Chu dɔ n ka‑a wan Andiɔki duu ɔ, Pisidia chɛnyɛ ɔ, dɔ n bɛɛ ka‑a Ikoniɔn duu ɔ. An‑na a ma wan, mɔ fanka chɛ n yiima mun‑da, an‑na Pɔɔ ma bon bon fan, mbɛ an‑na a konkon, a bɔ duu ɔ. A ni an yii ma, mbɛ a fa‑a.

CHISƆSI 'A SƆ MƆƐ NU 14:2

Chɛɛ Chu mɔɛ tɔɛ chɛ nu, miin nii ma dɔn ni an kai fa koe a Chisɔsi a, an don‑da mɔɛ chɛ n dɔ, miin nii ma Chu mɔ a. A sin, an‑na an na sɛ wan Chisɔsi fɛ mɔɛ chɛ n ma.

CHISƆSI 'A SƆ MƆƐ NU 14:21

Sakana bai chɛndɛ chɛ, a si Chisɔsi ma, an‑na a sa wan an duu wa chɛ ɔ. An sin‑na a ma wan, mɔ sɛsɛ bea‑a Chisɔsi fɛ. Mbɛ an yɛ‑a Diisa duu ɔ, an ta‑a Ikoniɔn, aan a che Andiɔki, Pisidia chɛnyɛ ɔ.

CHISƆSI 'A SƆ MƆƐ NU 16:1

Pɔɔ an fea Sidasi a, an ta‑a pɛn Dabi duu ɔ, mbɛ an ben‑da Diisa duu ɔ chia a. An‑na Chisɔsi fɛ mɔ dɔndɔ tan fan nɔ, min tɔ ni Timoti. A de ni Chu mɔɛ an na, min na‑a a kai fa Chisɔsi a. Chɛɛ a fa ni Kiisi mɔɛ an na.

CHISƆSI 'A SƆ MƆƐ NU 16:2

Suun ma nyɔɛ n gbɛɛ Chasi ɔ, miin ni Diisa duu ɔ, an fea Ikoniɔn na, an‑na bai chɛndɛ sa wan, a si Timoti ma.

CHISƆSI 'A SƆ MƆƐ NU 17:12

Chɛ ko a, Chu mɔɛ n sɛsɛ‑a an kai fa wan Chisɔsi a. A yɛ to, duu ɔ gbakoo n sɛsɛ, musu an bɛ kai n na, miin ni Kiisi mɔɛ n na, an bɛɛ‑a an kai fa wan a a.

CHISƆSI 'A SƆ MƆƐ NU 17:17

Chɛ ko a, a ni ma wan Chu n 'na samun chen chɛ a. An bɛ an na, an ni koe n tɛnsɛ wan, an nyɔn tɛ ɔ. Mɔɛ chɛ n bɛɛ, miin ni kooya be Yataa ma, an ni ma wan nɔ. A yɛ to, Pɔɔ ni ta wan machiti ɔ tee ɔ tee a, mbɛ a‑a koe n tɛnsɛ chɛ n tena, miin ni che ma‑a nɔ.

CHISƆSI 'A SƆ MƆƐ NU 17:4

A sin, an dɔ n dan‑da wan a a, min‑na a ma, an bea‑a Pɔɔ fɛ, an fea Sidasi a. Kiisi mɔɛ n sɛsɛ wɛɛ, miin ni kooya be Yataa ma, an bɛɛ‑a a ma ka wan, an bɛ musu gbakoo sɛsɛ a.

CHISƆSI 'A SƆ MƆƐ NU 18:4

Suin tee kan kɔ kan ma, a ni koe tɛnsɛ wan mɔɛ chɛ n tena, Chu n 'na samun chɛ chen chɛ a. A sin, a ni butuin chɛ tena wan, Chu mɔɛ nu, an bɛ Kiisi mɔɛ n na, an yiima ni mun Chisɔsi tena.

CHISƆSI 'A SƆ MƆƐ NU 18:8

Chɛ gbɛɛ ɔ, Kisipɔsi, ni a 'a chen 'na mɔɛ n gbɛɛ, an‑na an kai fa wan gbɛ Mansa Chisɔsi a. Kisipɔsi chɛ ni ya ɔ sɔɛ an na, Chu n 'na samun chɛ chenɛ a. Mɔ sɛsɛ nu Kɔyindi duu ɔ, an‑na sakana bai chɛ a min kɛn Pɔɔ a, an dan‑da wan a a, mbɛ yii chɛ‑a an kunɛ ɔ, Yataa chia a.

CHISƆSI 'A SƆ MƆƐ NU 19:10

Chɛ a tun‑da wan a ma san fea ko a, min‑na a ma, mɔɛ miin gbɛɛ ni Esia chɛnyɛ chɛ ɔ, an‑na sakana bai a min fan, a si Mansa Chisɔsi ma. Chu mɔɛ n‑na a a min fan, an bɛ mɔɛ chɛ n na, miin nii ma Chu mɔ a.

CHISƆSI 'A SƆ MƆƐ NU 19:17

Mbɛ Chu mɔɛ nu, an bɛ chɛ n na, miin nii ma Chu mɔ a, an‑na koe chɛ a min fan Ɛfisɔsi. Chiandia dɛ‑a wan an gbɛɛ ɔ, mbɛ an‑na basɔmaya wa be wan gbɛ Mansa Chisɔsi tɔɛ ma.

CHISƆSI 'A SƆ MƆƐ NU 19:8

Kau sawa ko a, Pɔɔ ni ta wan Chu n 'na samun chɛ chen chɛ a, a sin ni koɔ wan nɔ faagbɛa a. A ni koe n tɛnsɛ wan, an bɛ an na, a sin ni an disa wan, a si Yataa 'a mansaya wakoe ma.

CHISƆSI 'A SƆ MƆƐ NU 2:47

an mbe ta‑a Yataa tando‑a. A sin, mɔɛ n gbɛɛ‑a an yii na chii wan an na, mbɛ mɔ chɛndɛ mu an na. Tee ɔ tee sin na, Mansa Chisɔsi‑a an ma munda mɔɛ n na, miin ni gbɛ bauncha chia ma.

CHISƆSI 'A SƆ MƆƐ NU 20:21

N‑na dasi gbau gbau be wan Chu mɔɛ n ma, ni miin bɛɛ ma Chu mɔ a, a si an kan kɔ sɔ koe a, an 'na ko yama n na, an ni an ya a mun Yataa ma. A yɛ to, a si an kai fa koe ma mmɔ 'a mansa Chisɔsi a.

CHISƆSI 'A SƆ MƆƐ NU 21:28

An‑na yee tɛ wan, an dɔ te, “Nn bɔ Isɔɛɛ mɔɛ nu, wo na, wo ni basan nn ma. Kamin chɛ, an mbe ben tena bai yama sa‑a, a si mmɔ 'a mɔɛ n ma. An mbe a fɔ tena to mɔ ɔ mɔ ye, mbɛ an ma ma sawa chɛ n kɔɔ, Yataa‑a sawa miin be Mosisi ma. Ɛ bai yama n dechee an sa, a si mmɔ 'a Yataa 'a kata chɛ wɛɛ ma. A yɛ to, a‑a Yataa 'a kata chɛ tana yɔn, don koe a nɛ mɔɛ n na, miin ma Chu mɔ n na.”

CHISƆSI 'A SƆ MƆƐ NU 9:20

A nii ma tima yayi ni, chɛɛ a ta‑a wan dɔndɔ gbe Chu n 'na samun chɛ chenɛ n na. Mbɛ a bun‑da bai sa‑a, a si Chisɔsi ma, a ɔ, Yataa 'a denɛ an nɛ.

GBOO DOMI KO A 1:16

N 'na danaya Yataa 'a sakana bai chɛndɛ chɛ a, a da faenɛ mu gban. Koe min na mu, Yataa 'a gbasaya ɛ wan sakana bai chɛ ɔ. Chia mu an na, Yataa ɛ a 'a mɔɛ n baun min na, a 'a mɔɛ chɛ n gbɛɛ, miin‑na an kai fa Chisɔsi a. A saa mu Chu mɔɛ n fan na, mbɛ chɛ n bɛɛ, miin ma Chu mɔ a, an na‑a an gbaa chia a.

GBOO DOMI KO A 10:12

Mɔ ɔ mɔ ɛ wan chɛ ɔ. Koe min na mu, tɛ bɔ ee Chu mɔɛ n ma, an bɛ mɔɛ n na miin nii ma Chu mɔɛ n na. Mansa Yataa dɔndɔ gbe an mbe mɔɛ gbɛɛ ko a, a sin‑na mɔ ɔ mɔ dua wan chɛndɛ chɛ, mɔɛ min mbe a tɔɛ chee demanɛ ko a.

Gboo Kadesia Ko A 2:3

Chɛɛ Taitɔsi nan fan bɛɛ gbu, nn fea ni wɛɛ, a sin Kiisi mɔɛ mu a a, a nii ma din ni a ma, a a ni kamincha.

Gboo Kadesia Ko A 3:28

Wo gbɛɛ, wo bɛ Chisɔsi Chasi a, wo ma‑a gbɛ mɔ dɔndɔɛ a. Tɛ bɔ kan kɔ kan mbe ee to Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin mu yɔnɛ n na, an bɛ chɛ n na, miin mbe an fandi ko a. Tɛ bɔ ee mɔ kaima an ma, an bɛ musu n na. Mɔ tɛ bɔ ee to nɔ.

Gboo Kɔdɔsai Ko A 3:11

Chɛ an fɛ mu, sɔn nama chɛ ɔ, tɛ bɔ kan kɔ kan mbe ee Chu mɔɛ n ma, an bɛ mɔɛ n na, miin ma Chu mɔɛ n na. Tɛ bɔ ee chɛ n ma miin na kaminchaen mu, an bɛ chɛ n na, miin na ma kamincha ni. Tɛ bɔ ee chɛ n bɛɛ ma, miin ka‑a chɛnyɛ dɔ mende n dɔ, a ee yɔnɛ n ma, a ee fia ɔ mɔɛ n ma, an bɛ mɔɛ n na, miin mu mansaenɛ a. Chɛɛ Chasi an mu koe a, a sin mbe wan gbɛ wo gbɛɛ 'a fɔɛ ɔ.

2 TIMOTI 3:11

I‑a a ɔ sɔn fan, an‑na ko yawaenɛ min si n na, ni tɔɔya gbɛɛ n‑na miin dɔ bia. I‑a a ɔ sɔn fan, fen ko si‑a n na kɛn n ni Andiɔki duu ɔ, ni Ikoniɔn duu ɔ, a basan Diisa duu ɔ a, n tɔɔ‑a buɛ min dɔ duu chɛ n dɔ. Chɛɛ Mansa Chisɔsi‑a n kun bɔ wan an gbɛɛ ɔ.