CHISƆSI 'A SƆ MƆƐ NU 13:50 - Yataa 'a Dɔbɛnɛ Nama

⁵⁰ Chɛɛ musu gbakoo nu an duu chɛ ɔ, miin ni kooya be Yataa ma, an bɛ nɔ mɔ kaima gbakoo n gbɛɛ a, Chu mɔɛ chɛ n‑na an gbɛɛ a sɛ wan Pɔɔ n ma. An‑na ko ma gbaaenɛ sa wan Pɔɔ ma, an fea Banabasi a, mbɛ an gbu‑a an gbain an tanda gbu ɔ.

CHISƆSI 'A SƆ MƆƐ NU 13:50 ပူးပေါင်းရင်းမြစ်များ

MATIU 10:23

Ni an‑na ko yawaenɛ sa wo ma duu min dɔ, wo ben bui a, a ta duu dɔ mende ɔ. Ka n ni chɛ ma din wo tena. Wo ee Chu duu chɛ n na bɛn‑da, mbɛ tima che‑a n na koe a. N fan, Mɔ Gbu 'a Denɛ, n mbe na‑a tima min na.

MAKI 15:43

kamin dɔndɔ na‑a wan nɔ, a ka Ayimatia duu ɔ. A tɔ ni Chosɛfi, a sin baa ni wan a ma kaka, Chu gbakoo n tɛ, miin ni si Chu kuti wa ɔ. A yɛ to, a ya ni wan tima chɛ ya ɔ, tima min na Yataa ɛ a 'a mansaya ɔ yian‑da. A sin, a na‑a a faa sɔ wan, mbɛ a ta‑a Kɔfana Padeti tena, a‑a Chisɔsi su ɔ tisa a ma.

MAKI 5:17

Mbɛ mɔɛ chɛ n‑na Chisɔsi disa, an dɔ, a ni bɔ an 'na chɛnyɛ ɔ.

CHISƆSI 'A SƆ MƆƐ NU 13:43

Mbɛ mɔɛ chɛ n gbɛɛ, an ban‑da bɔ‑a Chu n 'na samun chɛ chen chɛ a. Chɛɛ Chu mɔɛ nu, ni an sɛsɛ miin boo fea sien ni Chu n 'na Yataa fai chia kɔɔ, an sɛsɛ‑a a sɔ wan Pɔɔ fɛ, an fea Banabasi a. An koɔ‑a wan mɔɛ chɛ n tena, an‑na a ma din an tena, mbɛ an ma an kan kɔ sɔ to Yataa 'a koadia deman chɛ a.

CHISƆSI 'A SƆ MƆƐ NU 13:45

Chu mɔɛ chɛ nu, an‑na fanka wa chɛ yen kɛn, toomaya‑a an faa fa wan gban. Mbɛ an‑na Pɔɔ da a bai gbɛɛ kɔɔsa bia, an yɛ‑a to, an‑na a main.

CHISƆSI 'A SƆ MƆƐ NU 14:19

Chɛɛ Chu dɔ n ka‑a wan Andiɔki duu ɔ, Pisidia chɛnyɛ ɔ, dɔ n bɛɛ ka‑a Ikoniɔn duu ɔ. An‑na a ma wan, mɔ fanka chɛ n yiima mun‑da, an‑na Pɔɔ ma bon bon fan, mbɛ an‑na a konkon, a bɔ duu ɔ. A ni an yii ma, mbɛ a fa‑a.

CHISƆSI 'A SƆ MƆƐ NU 14:2

Chɛɛ Chu mɔɛ tɔɛ chɛ nu, miin nii ma dɔn ni an kai fa koe a Chisɔsi a, an don‑da mɔɛ chɛ n dɔ, miin nii ma Chu mɔ a. A sin, an‑na an na sɛ wan Chisɔsi fɛ mɔɛ chɛ n ma.

CHISƆSI 'A SƆ MƆƐ NU 14:4

Chɛɛ mɔɛ miin gbɛɛ ni an duu chɛ ɔ, an duen fan ni fea a. Dɔ n sɔ‑a wan Chu mɔɛ chɛ n kɔ, mbɛ dɔ n sin sɔ‑a Chisɔsi 'a sɔ mɔɛ chɛ n kɔ.

CHISƆSI 'A SƆ MƆƐ NU 14:5

Mbɛ mɔɛ dɔ nu, miin nii ma ka Chu mɔ a, an bɛ Chu mɔɛ dɔ n na, an‑na a siman fan, maumaya koe sɛ koe a an ma, an ni an ma bon bon senɛ a, aan an ni fa.

CHISƆSI 'A SƆ MƆƐ NU 16:14

Musu dɔndɔ an tɛ ɔ, min‑na a too ma sɔ nn ma, a tɔ ni Didia. A ka‑a Tiyatiya duu ɔ wan. A ni koa baa gbanden ba an ma tachɛ. Musu ni a a, min ni Yataa fai kaka. A ni kɛn a too ma sɔ tena nn ma, Mansa Yataa‑a a ma wan, a‑a a faa be bai chɛ ko a, Pɔɔ ni ka min fɔ‑a.

CHISƆSI 'A SƆ MƆƐ NU 17:12

Chɛ ko a, Chu mɔɛ n sɛsɛ‑a an kai fa wan Chisɔsi a. A yɛ to, duu ɔ gbakoo n sɛsɛ, musu an bɛ kai n na, miin ni Kiisi mɔɛ n na, an bɛɛ‑a an kai fa wan a a.

CHISƆSI 'A SƆ MƆƐ NU 17:13

Chɛɛ Chu mɔɛ chɛ nu Tɛsadonika, an‑na a a min kɛn, mbɛ Pɔɔ ɛ Yataa bai sa‑a Bɛyia wɛɛ, an na‑a wan nɔ. Mbɛ an bun‑da mɔ fanka chɛ a sɛ‑a Pɔɔ ma, gbunɛ a bea koe a.

CHISƆSI 'A SƆ MƆƐ NU 17:17

Chɛ ko a, a ni ma wan Chu n 'na samun chen chɛ a. An bɛ an na, an ni koe n tɛnsɛ wan, an nyɔn tɛ ɔ. Mɔɛ chɛ n bɛɛ, miin ni kooya be Yataa ma, an ni ma wan nɔ. A yɛ to, Pɔɔ ni ta wan machiti ɔ tee ɔ tee a, mbɛ a‑a koe n tɛnsɛ chɛ n tena, miin ni che ma‑a nɔ.

CHISƆSI 'A SƆ MƆƐ NU 17:4

A sin, an dɔ n dan‑da wan a a, min‑na a ma, an bea‑a Pɔɔ fɛ, an fea Sidasi a. Kiisi mɔɛ n sɛsɛ wɛɛ, miin ni kooya be Yataa ma, an bɛɛ‑a a ma ka wan, an bɛ musu gbakoo sɛsɛ a.

CHISƆSI 'A SƆ MƆƐ NU 18:7

Mbɛ a bɔ‑a an tɛ ɔ, a ta‑a kamin dɔndɔ 'a chenɛ a, min nii ma Chu mɔ a. A tɔ ni Titiyɔsi Chɔsitɔsi, min ni Yataa fai mɔɛ a. A 'a chenɛ ni Chu n 'na samun chɛ chen chɛ baima wan.

CHISƆSI 'A SƆ MƆƐ NU 2:5

A tima chɛ a, Chu mɔɛ n sɛsɛ, a ka chɛnyɛ kan kɔ kan dɔ dunya ɔ, an ni wan Chuusaɛn. An ni mɔɛ n fan na, miin ni kooya be Yataa ma.

CHISƆSI 'A SƆ MƆƐ NU 21:27

Chɛɛ tee wɔnfea chɛ, a ni gbɛ ban koe an na, mbɛ Chu mɔɛ dɔ nu, a ka Esia chɛnyɛ ɔ, an‑na Pɔɔ yen fan Yataa 'a kata ɔ. An‑na fanka a sɛ wan Pɔɔ ma, mbɛ an‑na a bia fɔin.

CHISƆSI 'A SƆ MƆƐ NU 28:17

Tee sawa gbakɔ, Pɔɔ‑a Chu mɔɛ n kun ti n chee wan, miin ni Domi bɛnɛ ɔ. An bɛn‑da kɛn, mbɛ a‑a a fɔ an ye, a ɔ, “N suun ma nyɔɛ nu, n ma ko yama kan kɔ kan ma ni, mmɔ 'a mɔɛ n na, n ma mmɔ fa n 'na manda yɔn ni. Chɛɛ chɛ gbɛɛ ɔ, an‑na n ma wan pimbi chenɛ a sa mɔɛ a Chuusaɛn duu ɔ, mbɛ an‑na n be Domi mɔɛ n ma.

CHISƆSI 'A SƆ MƆƐ NU 6:12

Bai chɛ‑a a ma wan, mɔɛ n gbɛɛ a kan‑da, an bɛ basan Chu gbakoo n na, ni Chu n 'na sawa kan mɔɛ nu. Mbɛ an gbɛɛ faa tɛ‑a Sitibin ma, min‑na a ma, an‑na a bia, mbɛ an na‑a a a Chu kuti wa ɔ.

CHISƆSI 'A SƆ MƆƐ NU 8:1

Sɔɔ‑a toa si, Sitibin fa koe kɔɔ. Sitibin fa‑a kɛn, mɔɛ n‑na a kuu sɔ wan ko ma gbaaenɛ sa‑a chɛ n ma Chuusaɛn, miin na‑a an kai fa Chisɔsi a. A ka Chisɔsi 'a sɔ mɔɛ chɛ n ma, mɔɛ tɔɛ chɛ n gbɛɛ miin na‑a an kai fa Chisɔsi a, an dɔ fasan‑da wan a ɔ ben‑da gbɛɛ Chudia chɛnyɛ ɔ, a basan Samayia a.

GBOO DOMI KO A 10:2

N danden fan mu a a, mbɛ an‑na an fandi be wan Yataa ma. Chɛɛ an fandi be chɛ, a ma a ɔ yian ni, mbɛ an‑na Yataa wakoe ɔ gbɛ wan chɛndɛ chɛ.

GBOO FEAN BƆƐ KƆYINDI KO A 11:26

N 'na tachɛ sɛsɛ n dɔ, n ni wan chianɛ kɔɔ, yii fa boo ɔ, a basan kanka n na. N ni wan chianɛ kɔɔ, n bɔ Chu mɔɛ n boo ɔ, ni mɔɛ chɛ n bɛɛ boo ɔ, miin ma Chu mɔ a. Ko ma chiandenɛ n ma‑a wan duu wa n dɔ, an ma‑a fuinɛ ma, an ma‑a kɔ yii a. N suun ma nyɔɛ chɛ n gbu wɛɛ Chasi ɔ, a wakoe ni sa ɔ dechee miin ya kɔɔɛ, chɛɛ a ee an faa ɔ, n chiandenɛ ni wan an ma.

Gboo Saa Tɛsadonika Ko A 2:14

Chɛ sin fan fɛ mu, nn suun ma nyɔɛ nu Chasi ɔ, wo na‑a ko yawaenɛ ɔ bia wo chɛnyɛ nyɔɛ n boo ɔ. Wo na‑a bɔ ka chɛ n fan gba ɔ, chɔchi nu Chudia chɛnyɛ ɔ, miin kai faen ni Chisɔsi Chasi a. An bɛɛ na‑a ko yawaenɛ n dɔ bia ka wan, Chu mɔɛ n boo ɔ, an chɛnyɛ nyɔɛ nu.

2 TIMOTI 3:11

I‑a a ɔ sɔn fan, an‑na ko yawaenɛ min si n na, ni tɔɔya gbɛɛ n‑na miin dɔ bia. I‑a a ɔ sɔn fan, fen ko si‑a n na kɛn n ni Andiɔki duu ɔ, ni Ikoniɔn duu ɔ, a basan Diisa duu ɔ a, n tɔɔ‑a buɛ min dɔ duu chɛ n dɔ. Chɛɛ Mansa Chisɔsi‑a n kun bɔ wan an gbɛɛ ɔ.