CHISƆSI 'A SƆ MƆƐ NU 13:48 - Yataa 'a Dɔbɛnɛ Nama

⁴⁸ A sin, mɔɛ chɛ nu, miin nii ma Chu mɔ a, an‑na bai chɛ a min kɛn, an bu ɔ dia‑a wan, an bun‑da Yataa tando‑a, a 'a bai ko a. Mɔ sɛsɛ sin, Yataa na‑a a boo sɔ miin ma, kuɔ fɔ fɔɛ ma sɔn koe a, an‑na an kai fa wan Chisɔsi a.

CHISƆSI 'A SƆ MƆƐ NU 13:48 ပူးပေါင်းရင်းမြစ်များ

MATIU 25:46

A sin, Yataa ɛ mɔ bonda chɛ n na ta‑a wan kaina, an mbe ma‑a kaina mɔnɛ ɔ bia‑a kuɔ fɔ ko a. Chɛɛ mɔɛ tɔɛ chɛ nu, miin tanden mu Yataa tena, an mbe kuɔ fɔ fɔɛ ma sɔn‑da wan.”

MATIU 28:16

Mbɛ Chisɔsi fɛ den tan kun ma dɔndɔɛ miin to‑a ka, an ta‑a Kadidi chɛnyɛ ɔ. An ta‑a wan kɔnkɔɛ dɔndɔ ɔ, Chisɔsi na‑a a fɔ an ye, an ni ta kaina.

DUKU 7:8

A mu min na, n fandi gbu wɛɛ, n mbe mɔɛ n fan 'na gbasaya kɔɔ. N bɛɛ, soya n mbe wan n kɔɔ. N mbe a fɔ wan dɔndɔ ye, n dɔ, ‘Ta,’ mbɛ a ta‑a. N mbe a fɔ wan dɔndɔ wɛɛ ma, n dɔ ‘Na,’ mbɛ a na‑a. Mbɛ n‑na a fɔ n 'na bɔi denɛ ma, n dɔ, ‘Chɛ ma,’ mbɛ a‑a a ma.”

CHƆN 10:16

N 'na sa dɔ n mbe wan nɔ, miin mbe ee sa kuii chɛ ɔ. N mbe na tena wan an bɛɛ a. An bɛɛ, an mbe an too ma sɔ‑a wan n da a kuiɛ ma, a sin, an gbɛɛ, an mbe ma‑a wan sa dɔndɔɛ a, an kun ma fɛn mɔɛ dɔndɔɛ ko a.

CHƆN 11:52

A sin, Chisɔsi nii fa tena an dechee ko a, chɛɛ a ma koe ni to, a ni na Yataa 'a denɛ n na kaina dɔndɔɛ. Yataa 'a denɛ nu, miin gbɛɛ a fasandenɛ ni ben‑da, an ni ma mɔ dɔndɔɛ a.

CHISƆSI 'A SƆ MƆƐ NU 13:12

Kɔfana chɛ‑a a ɔ yen kɛn koe min ma‑a, a‑a a kai fa wan Chisɔsi a. Koe min na mu, a da ɔ gbaa‑a wan kan chɛ a, a si Mansa Chisɔsi ma.

CHISƆSI 'A SƆ MƆƐ NU 13:42

Pɔɔ n ni kɛn bɔ‑a Chu n 'na samun chɛ chen chɛ a, mɔɛ chɛ n‑na an disa wan. An dɔ, suin tee min ni na tena, an ni koe chɛ n dɔ yian to an na.

CHISƆSI 'A SƆ MƆƐ NU 15:2

Chɛ‑a a ma wan, koɛ basan kɔɔsa yama yama a, a don‑da mɔɛ chɛ n tɛ ɔ, an bɛ Pɔɔ an fea Banabasi a. Mbɛ Pɔɔ an fea Banabasi a, an bɛ mɔɛ dɔ n na, an‑na an yian fan, sɛ koe a Chuusaɛn duu ɔ. An dɔ, an ni Chisɔsi 'a sɔ mɔɛ chɛ n yen, an bɛ chɔchi gbakoo n na, a si an bai chɛ ma.

CHISƆSI 'A SƆ MƆƐ NU 15:31

A sin, an‑na a kan kɛn, faamanande bai miin ni ka ɔ, a ma‑a wan an ma buɔdia wa a.

CHISƆSI 'A SƆ MƆƐ NU 2:41

Mɔ sɛsɛ dan‑da wan sakana bai chɛndɛ chɛ a, a na‑a min sa ka. An sin‑na yii chɛ wan an kunɛ ɔ, Yataa chia a. A tee chɛ a, mɔ wu sawa an sa‑a chɛ n ma, miin na‑a an kai fa Chisɔsi a.

CHISƆSI 'A SƆ MƆƐ NU 2:47

an mbe ta‑a Yataa tando‑a. A sin, mɔɛ n gbɛɛ‑a an yii na chii wan an na, mbɛ mɔ chɛndɛ mu an na. Tee ɔ tee sin na, Mansa Chisɔsi‑a an ma munda mɔɛ n na, miin ni gbɛ bauncha chia ma.

CHISƆSI 'A SƆ MƆƐ NU 20:13

Pɔɔ na‑a dɔbɛnɛ chɛ wan nn na, mbɛ a ɛ ta‑a nn ya ɔ, a chenɛ ma, Asɔsi duu ɔ. A ɔ, nn sin tana, nn ni si dɛndɛ ɔ, a ta Asɔsi, a ya ɔ. A ɔ, a ɛ nn tan‑da nɔ wan, mbɛ nn ta‑a a ya ɔ.

CHISƆSI 'A SƆ MƆƐ NU 22:10

“Mbɛ n‑na dɔ tisa chɛ wan, n dɔ te, ‘Mansa, n mbe fen ma gbɛ?’ “Mbɛ Mansa Chisɔsi ɔ te n ma, ‘I kɔɔ sɔ, i ni don Damasikɔsi duu ɔ. E ma‑a nɔ wan, mbɛ ko ɔ ko ɔ yian‑da i a, Yataa‑a koe min dɔ bɛn i ko a, a ma koe a.’

CHISƆSI 'A SƆ MƆƐ NU 28:23

Mbɛ an‑na tee yian Pɔɔ a, an mbe bɛn tee min ma, a yia chenɛ a. An tee chɛ che‑a kɛn, an na‑a wan a tena, an da a koaen ba. Mbɛ a ka sau ma ma, aan yɛɛ ma tee a, Pɔɔ si‑a wan ko ɔ ko ma, a‑a a ɔ yian mɔɛ chɛ n na. Pɔɔ‑a bai ɔ yian fan, a si Yataa 'a mansaya ma, an yiima mun koe a Chisɔsi tena. A‑a bai chɛ bɔ sawa chɛ an dɔ, Yataa‑a miin be Mosisi ma, a basan gboo chɛ ɔ a, Yataa 'a gbonka chɛ mɔɛ n 'na gboo chɛ.

CHISƆSI 'A SƆ MƆƐ NU 8:8

Chɛ ko a, buɔdia wa dɛgbɛ ni wan an duu chɛ ɔ.

GBOO DOMI KO A 11:7

Fen mu to? Isɔɛɛ mɔɛ n gbɛɛ ma fen chɛ yen ni, an ni min yan tena, mɔɔ dechee mɔ kuunden chɛ nu, Yataa na‑a miin ya a ta mɔɛ n na, an fan na‑a a yen. Yataa na‑a a ma wan, mɔɛ tɔɛ chɛ n‑na an boo don an too n dɔ, kɛn a ni an chee tena tima min na.

GBOO DOMI KO A 13:1

Mɔ ɔ mɔ ni kooya be mɔɛ chɛ n ma, miin mu ka ya ɔ sɔɛ n na. Koe min na mu, mɔ ɔ mɔ ee gbasaya ma sɔn, ni Yataa ma dɔn ni a ye. A sin, mɔɛ miin mbe gbasaya ɔ ka, Yataa an‑na a be an ma.

GBOO DOMI KO A 8:28

Mmɔ‑a a ɔ sɔn fan, mbɛ ko ɔ ko kan kɔ kan dɔ, mɔɛ miin toen mu Yataa a, a wɛɛ, ɛ wai chɛndɛ n fan chɛ an ko a. An mɔɛ chɛ nu, an fan cheeen mu, a 'a dɔbɛnɛ ta fɛ chia a.

GBOO SAA KƆYINDI KO A 16:15

N suun ma nyɔɛ nu Chasi ɔ, sanche chɛ ɔ, wo‑a a koe ɔ sɔn fan, a si Sitɛfanasi ma, ni a 'a chen na mɔɛ nu. An fan pɛn‑na an kai fa Chisɔsi Chasi a, Akaya chɛnyɛ chɛ ɔ. A sin, an‑na an fandi be, wai chɛ koe a, Yataa 'a mɔɛ n ko a. N mbe chɛ ma din wo tena,

Gboo Ɛfisɔsi Ko A 1:11

Nn ma min chɛ‑a mɔ dɔndɔɛ a, nn bɛ Chasi a, an fɛ mu Yataa‑a a boo sɔ nn ma gbɔɔ, min mbe a ma, nn ni ma tenchen a ko a. Koe min na mu, a toen ni chɛ an ni ma, a sin‑na chɛ an dɔ bɛn. A sin, kan kɔ kan, ɛ a ma wan, yɔ a‑a a ɔ bɛn buɛ min dɔ.

Gboo Ɛfisɔsi Ko A 1:19

N mbe samunɛ chɛ tena to, wo ni a ɔ sɔn, mmɔ wɛn kai faen mu Chisɔsi a, mbɛ Yataa 'a gbasaya mmɔ ɔ, a danka ee ɛnden bɛɛ a. An gbasaya wa dɔndɔ gbe chɛ,

Gboo Ɛfisɔsi Ko A 1:4

A e na to dunya gbu a dan‑da wɛɛ, a na‑a ban fan gbɛ a boo sɔ‑a mmɔ ma, mmɔ ma koe a a ta mɔɛ n na, mmɔ wɛn mu mɔ dɔndɔɛ a Chisɔsi Chasi a. A na‑a chɛ ma, min mbe a ma, mmɔ ni ma a ko a tenchen, mɔɛ nu, mabɔ kan kɔ kan mbe ee miin ma. Koadia ɔ,

Gboo Ɛfisɔsi Ko A 1:5

a ban‑da wan gbɛ a ɔ bɛn‑da suun, mmɔ ma koe a a 'a denɛ n na, Chisɔsi Chasi 'a gbasaya ɔ. Yataa toen ni an ni ma, a‑a a sin dɔ bɛn ka wan.

GBOO FEAN BƆƐ TƐSADONIKA KO A 3:1

A danka a gbɛ, nn suun ma nyɔɛ nu Chasi ɔ, wo samunɛ chɛ nn ko a. An mbe a ma, sakana bai chɛ, a si Mansa Chisɔsi ma, a tɛ ma tɛ, a ni fasan a ɔ ben‑da bui chɛ bui chɛ a. A sin to, mɔɛ n ni an boo a si a kɔɔ basɔmaya a, yɔ wo‑a a ma buɛ min dɔ.