CHISƆSI 'A SƆ MƆƐ NU 13:46 - Yataa 'a Dɔbɛnɛ Nama

⁴⁶ Chɛɛ a tima gbu a ni gbɛ, Pɔɔ, an fea Banabasi a, an‑na bai sa faagbɛa a. An dɔ, “A ni nyin, nn ni Yataa da a bai chɛ ɔ yian wo pɛn na. Chɛɛ wo‑a wo boo sɔ wan a ya ɔ, wo‑a a ɔ yian wo sɔnɛ ɔ, mbɛ a ma nyin, wo ni kuɔ fɔ fɔɛ chɛ ma sɔn. A yen ko gbɛ, nn bɛɛ, nn‑na nn ya a yɛ chɛ n ma, miin ma Chu mɔ a.

CHISƆSI 'A SƆ MƆƐ NU 13:46 ပူးပေါင်းရင်းမြစ်များ

MATIU 21:41

Mbɛ an dɔ, “Ɛ an mɔ yama chɛ n fa wan dɔndɔ gbe, a yama yama buɛ a. Mbɛ a‑a yadi kun don mɔ dɔ mende n boo ɔ, miin mbe che a kɔ‑a a ta chin fen gbɔɛ ɔ, chin fen ya tima a.”

MATIU 21:43

Mbɛ Chisɔsi ɔ te gbɛ, “Chɛ an fɛ mu, n ni a ma din wo tena, mbɛ gbasaya min gbɛɛ ɛ wo boo ɔ, ma koe a Yataa 'a mansaya kɔɔ, Yataa ɛ a gbasaya chɛ bɔ‑a wan wo boo ɔ. Mbɛ a‑a a be mɔɛ chɛ n ma, miin mbe a faa ma koe n ma‑a.

MATIU 25:46

A sin, Yataa ɛ mɔ bonda chɛ n na ta‑a wan kaina, an mbe ma‑a kaina mɔnɛ ɔ bia‑a kuɔ fɔ ko a. Chɛɛ mɔɛ tɔɛ chɛ nu, miin tanden mu Yataa tena, an mbe kuɔ fɔ fɔɛ ma sɔn‑da wan.”

DUKU 24:47

Yataa 'a gboo‑a a fɔ wan to, mbɛ a 'a sakana bai chɛ ɛ che‑a wan mɔɛ n ma dunya chɛ gbɛɛ ɔ n tɔɛ ɔ. Mbɛ mɔɛ n ni an kan kɔ sɔ an 'na ko yama n na, min mbe a ma, Yataa ni a boo bɔ an 'na ko yama n dɔ. A ɔ, an ni sakana bai chɛ ɔ yian Chuusaɛn duu pɛn dɔ.

CHƆN 1:11

A ta‑a wan a waa a, chɛɛ a ta mɔɛ chɛ nu, an ma an boo a si ni a kɔɔ.

CHƆN 4:22

Wo wan Samayia mɔɛ nu, wo ma a ɔ sɔn, wo e min gbu fai tena. Chɛɛ nn fan Chu mɔɛ nu, nn‑na a ɔ sɔn fan, nn mbe min fai. Koe min na mu, Yataa‑a nn too ɔ dia wan, a ma koe a, mɔɛ n ni a 'a bauncha ma sɔn.

CHISƆSI 'A SƆ MƆƐ NU 13:14

Chɛɛ an‑na an 'na tachɛ a tun fan a ma, a ka Paaka, a ta Andiɔki duu dɔ mende ɔ, min ni Pisidia chɛnyɛ ɔ. A sin, Chu n 'na suin tee ma, an don‑da wan Chu n 'na samun chenɛ a, mbɛ an si‑a.

CHISƆSI 'A SƆ MƆƐ NU 13:26

“N suun ma nyɔɛ nu, wo wɛn mu Ebeami cheeya n na, ni wo wɛɛ, wo wɛn ma Chu mɔ a, chɛɛ wo wɛn mbe kooya be Yataa ma, wo chɛ a min. Sakana bai chɛ, min mbe na bauncha a, a naen mu mmɔ gbɛɛ an ko a.

CHISƆSI 'A SƆ MƆƐ NU 19:9

Chɛɛ dɔ n too ɔ ni gbɛ wan, min‑na a ma, an nii ma dɔn ni dan koe a Pɔɔ a. A sin, mɔɛ n gbɛɛ ya kɔɔ ni, an ni bai yama n sa, a si chia ma, Mansa Chisɔsi‑a min yian mɔ gbu a, a sɔ koe a a fɛ. Mbɛ Pɔɔ sɛmbɛ‑a koɔ koe a an tena, a ka‑a an fɛ. Mbɛ a‑a Chisɔsi fɛ mɔɛ chɛ n bɔ an ya a, an ta‑a a a. A sin ni koe n tɛnsɛ wan, tee ɔ tee a, an bɛ an na, chen ba dɔ mende a, min ni Tayanɔsi ta a, kanɛ ni chɛ kaina min.

CHISƆSI 'A SƆ MƆƐ NU 22:21

“Mbɛ Mansa Chisɔsi‑a a fɔ n ye, a ɔ, ‘Ta, koe min na mu, n mbe i sɔ tena kaina ɔ yansama wan, pande, mɔɛ chɛ n tena, miin ma Chu mɔ a.’ ”

CHISƆSI 'A SƆ MƆƐ NU 26:20

N‑na a ɔ yian Damasikɔsi pɛn, mbɛ n‑na a ɔ yian Chuusaɛn duu ɔ wɛɛ. A yɛ to, n‑na a ɔ yian Chudia chɛnyɛ gbɛɛ ɔ, ni mɔɛ chɛ n tena, miin nii ma Chu mɔɛ n na. N‑na a ɔ yian fan an gbɛɛ a, mbɛ an ni an kan kɔ sɔ an 'na ko yama n na, an ni an ya a mun Yataa ma. A sin, an ni koe n ma, yɔ mɔɛ nu, miin‑na an kan kɔ sɔ an 'na ko yama n na.

CHISƆSI 'A SƆ MƆƐ NU 3:26

Yataa‑a a 'a wai chɛ mɔɛ Chisɔsi a na kɛn, a‑a a sɔ wo pɛn pɛn tena, wo wan Isɔɛɛ mɔɛ nu. Yataa‑a chɛ ma, min mbe a ma, a ni wo dua, wo ni wo kan kɔ sɔ wo 'a faamagbaa koe n na.”

CHISƆSI 'A SƆ MƆƐ NU 4:13

Chu kuti wa chɛ a fii‑a wan, a ɔ yen koe a Pita an fea Chɔn na, an ni bai sa tena buɛ min dɔ yaagbɛa a. Kun ti chɛ n‑na a ɔ sɔn fan, mbɛ mɔ gbama gbama ni Pita n na, miin gbu nii ma gboo sɔn ba chɛ. A yɛ to, an‑na a ɔ sɔn fan to a tima chɛ a, mbɛ an ni wan tee Chisɔsi fɛ.

CHISƆSI 'A SƆ MƆƐ NU 7:51

Mbɛ Sitibin n dɔ te gbɛ, a ɔ, “Wo too ɔ gbɛ kaka. Wo faa n dɔ ɛ wan dechee yɔ mɔɛ chɛ nu, miin ban‑da Yataa ɔ. Wo too gbee‑a, Yataa bai a min koe a. Wo e wan dechee yɔ wo bemba n ta bemba nu. Wo ee dɔn tima ɔ tima ko a, wo too ma sɔ koe a Yataa Nyina ma.

CHISƆSI 'A SƆ MƆƐ NU 9:20

A nii ma tima yayi ni, chɛɛ a ta‑a wan dɔndɔ gbe Chu n 'na samun chɛ chenɛ n na. Mbɛ a bun‑da bai sa‑a, a si Chisɔsi ma, a ɔ, Yataa 'a denɛ an nɛ.

GBOO DOMI KO A 1:16

N 'na danaya Yataa 'a sakana bai chɛndɛ chɛ a, a da faenɛ mu gban. Koe min na mu, Yataa 'a gbasaya ɛ wan sakana bai chɛ ɔ. Chia mu an na, Yataa ɛ a 'a mɔɛ n baun min na, a 'a mɔɛ chɛ n gbɛɛ, miin‑na an kai fa Chisɔsi a. A saa mu Chu mɔɛ n fan na, mbɛ chɛ n bɛɛ, miin ma Chu mɔ a, an na‑a an gbaa chia a.

GBOO DOMI KO A 2:10

Chɛɛ mɔɛ chɛ n gbɛɛ, miin mbe ko chɛndɛ ma, Yataa ɛ a ma‑a wan, an ni a 'a dua ma sɔn, a 'a tando, a basan a 'a faachima a. Chɛ ɛ chɛ‑a wan Chu mɔɛ n ye, a ni chɛ mɔɛ chɛ n bɛɛ ye, miin ma Chu mɔɛ n na.

Gboo Fiipai Ko A 1:14

N mbe sa ɔ pimbi chenɛ min sin na, Mansa Chisɔsi‑a a ma gbɛ, n suun ma nyɔɛ chɛ n sɛsɛ Chasi ɔ, an faa sɔ‑a gbɛ a ko a. An mbe ee chian to ɛnden bɛɛ a, a 'a sakana bai chɛ ɔ yian koe a mɔɛ n na.

GBOO IBU MƆƐ N KO A 11:34

An na‑a ta man ba n na dufɛn fan, mbɛ an bɔ‑a saya yuu a, chɛɛ chɛ boo ɔ. An na faen fan ni, chɛɛ an dɔ gbɛa‑a wan. An fanka ni koo chɛɛ ɔ, an sin na‑a chɛnyɛ dɔ gbɛɛ ɔ soya n bɔ wan chɛɛ ɔ.