CHISƆSI 'A SƆ MƆƐ NU 13:4 - Yataa 'a Dɔbɛnɛ Nama

^4-5 Mbɛ Yataa Nyina chɛ‑a Banabasi sɔ kɛn, an fea Sɔɔ a, ta koe a baa kɔ, an yii‑a wan Sɛdusia duu ɔ. An bɛ an ta‑a Chɔn Maki a, basan koe a an ma an 'na wai chɛ koe a. An ka‑a wan nɔ, mbɛ an‑na yii tɛ dɛndɛ ɔ Saipɔsi yii tinɛ ɔ. An che‑a wan Sadamisi duu ɔ, an don‑da Chu n na samun chɛ chenɛ a, mbɛ an‑na Yataa bai ɔ yian mɔɛ n na.

CHISƆSI 'A SƆ MƆƐ NU 13:4 ပူးပေါင်းရင်းမြစ်များ

CHISƆSI 'A SƆ MƆƐ NU 11:19

An na‑a Sitibin fa tima min na, mɔɛ n‑na a a kuu sɔ wan ko ma gbaaenɛ sa‑a mɔɛ chɛ n ma, miin na‑a an kai fa Chisɔsi a. Chɛ na‑a a ma wan, mɔɛ miin na‑a an kai fa ka Chisɔsi a, an gbɛɛ fasan‑da a ɔ gbuu. An ta‑a wan aan a che Fonisia chɛnyɛ ɔ. Dɔ n sin ta‑a wan Saipɔsi yii tinɛ ɔ, ni Andiɔki duu wa chɛ ɔ. An nii bai ɔ yian mɔ dɔ gbɛɛ n na, a si Chisɔsi wakoe ma, mɔɔ dechee Chu mɔɛ nu.

CHISƆSI 'A SƆ MƆƐ NU 13:2

Tee dɔndɔ a, an ni kɛn sun bia a, an mbe ta‑a Mansa Yataa fai‑a, Yataa Nyina‑a a fɔ wan an ye, a ɔ, “Wo a ma n ye, Banabasi, an fea Sɔɔ a, an ni ma tenchen wai chɛ ko a, n‑na an chee min chɛ koe a.”

CHISƆSI 'A SƆ MƆƐ NU 13:3

Mbɛ an ban‑da sun bia‑a, a basan samun chɛ a, an‑na an boo bun fan an ma, an‑na an dua, mbɛ an‑na an na ta.

CHISƆSI 'A SƆ MƆƐ NU 15:36

Tima ɛnden gbakɔ, mbɛ Pɔɔ‑a a fɔ Banabasi ye, a ɔ, “Na, mɔ ni ta ben ben mɔɛ n kun ma, duu chɛ n gbɛɛ ɔ, mɔ na‑a sakana bai chɛ sa miin tena, a si Mansa Chisɔsi ma. Mɔ ni a ɔ yen, ni an mbe buɛ min dɔ.”

CHISƆSI 'A SƆ MƆƐ NU 20:23

Mɔɔ dechee Yataa Nyina ɛ min fɔ tena n ye, duu kan kɔ kan dɔ, n mbe ta min dɔ. Mbɛ tɔɔya sɛsɛ, a basan pimbi chenɛ a sa a, ɛ wan n ya ɔ.

CHISƆSI 'A SƆ MƆƐ NU 27:4

Mbɛ nn ka‑a nɔ, nn bun‑da ta‑a. Chɛɛ nn‑na chia dɔ gbɛɛ bia wan, Saipɔsi yii tinɛ ɔ baima, fia nii nn ya kɔɔ tawa kaina min, koe min na mu, fia wa an ni bɔ tena.

CHISƆSI 'A SƆ MƆƐ NU 4:36

A tɔmɔsi ni kamin dɔndɔ an na, min tɔ ni Chosɛfi. Chisɔsi 'a sɔ mɔɛ n ni an kamin chɛ chee, an dɔ, Banabasi, min fasaien ni, mɔɛ min mbe a bɔɛ n faa ma nande. A na‑a bɔ Difai dambi an dɔ. A sin na‑a suun Saipɔsi wan, yii tinɛ ɔ.