CHISƆSI 'A SƆ MƆƐ NU 13:39 - Yataa 'a Dɔbɛnɛ Nama

³⁹ A sin, a wan ko a mu to, mɔ ɔ mɔ min mbe a kai fa‑a a a, Yataa ɛ a ya‑a wan mɔ tandenɛ a a tena. Ɛ a boo bɔ‑a wan an mɔɛ chɛ a ko yama gbɛɛ ɔ. Ko yama chɛ nu, an mɔɛ chɛ kun mbe ee che bɔ‑a miin dɔ, Mosisi 'a sawa kɔɔ.

CHISƆSI 'A SƆ MƆƐ NU 13:39 ပူးပေါင်းရင်းမြစ်များ

DUKU 10:25

Mbɛ Chu n 'na sawa kan mɔ dɔndɔ yen ko, a toen ni a ni Chisɔsi ɔ siman. A‑a a kɔɔ sɔ, a sɔ‑a, a ɔ, “Ticha, n mbe fen ma, min mbe a ma, n ni kuɔ fɔ fɔɛ ma sɔn?”

DUKU 10:28

Mbɛ Chisɔsi ɔ, “An nɛ, i ma a ma sa ni ɛnden bɛɛ a. Koe chɛ n gbɛɛ ma, e kuɔ fɔ fɔɛ ma sɔn‑da wan.”

DUKU 18:14

Mbɛ Chisɔsi ɔ te gbɛ, “N ni a ma din wo tena, mbɛ pawa kain mɔɛ chɛ e na to yɛ‑a a 'a chenɛ a, Yataa na‑a a ya wan mɔɛ a, min tanden ni a tena. Chɛɛ Yataa ma Fayisii chɛ ya ni mɔɛ a, min tanden ni a tena. Koe min na mu, ni mɔ ɔ mɔ‑a a wandi a sɛ, Yataa ɛ a mɔɛ chɛ a yii‑a wan. Chɛɛ ni mɔ ɔ mɔ‑a a wandi a yii, Yataa ɛ a mɔɛ chɛ a sɛ‑a wan.”

CHƆN 1:17

Yataa na‑a a 'a sawa n na ben Mosisi an na, chɛɛ koadia chinchimaya tana, a basan danaya a, mmɔ‑a an ma sɔn Chisɔsi Chasi an na.

CHƆN 5:24

“N mbe chɛ ma din tena wo tena, mbɛ mɔɛ min mbe n da a bai a min‑da, a ni a kai fa Fa Yataa a, min‑na n sɔ, a mɔɛ chɛ ɛ kuɔ fɔ fɔɛ ma sɔn‑da wan. A mɔɛ chɛ, kaa a ee tɛ‑a a wakoe ma, a ni tɔɔ. A ban‑da saya ɔ tandin‑da, a ta kuɔ fɔ fɔɛ ɔ.

CHISƆSI 'A SƆ MƆƐ NU 10:43

Yataa 'a gbonka chɛ mɔɛ n gbɛɛ na‑a bai sa wan, a si Chisɔsi chɛ ma. An dɔ, mɔ ɔ mɔ min mbe an kai fa‑a Chisɔsi chɛ a, Yataa ɛ a boo bɔ‑a wan an mɔɛ chɛ a ko yama n dɔ, Chisɔsi ko a.”

GBOO DOMI KO A 10:10

Koe min na mu, ni mmɔ‑a mmɔ kai fa Chisɔsi a, an mbe mmɔ ma mɔ tandenɛ n na a tena. Mmɔ 'a danaya chɛ sin, ni mmɔ‑a a ɔ yian den, an mbe na bauncha a mmɔ ko a.

GBOO DOMI KO A 10:4

Chasi‑a a ma wan, sawa chɛ, a 'a gbasaya ee to mɔ gbu kun ma. Chɛ an‑na a fɔ, Yataa ɛ mɔ ɔ mɔ ma wan mɔ tandenɛ a a tena, i wɛn mbe i kai fa‑a a a.

GBOO DOMI KO A 3:19

Mmɔ‑a a ɔ sɔn gbɛ sanche, mbɛ sawa chɛ‑a min gbɛɛ fɔ, a sien mu chɛ n fan ma, miin mbe sawa gbu kɔɔ. An mbe a ma, an mbe ee kafai kan kɔ kan be ko yama ma koe a. A sin to, ɛ a ma‑a wan Yataa ni kaa a tɛ, a si mmɔ gbɛɛ a ko yama ma.

GBOO DOMI KO A 3:20

Koe min na mu, ni mɔɛ toen mu Yataa ni a ya mɔ tandenɛ a, sawa a tachɛ koe a gbee a, an mbe ee a ma chɛ ni ma. Chɛɛ sawa chɛ ɛ koe min ma, ɛ a ma wan mɔɛ n ni a ɔ sɔn, mbɛ ko yama ma mɔɛ mu mmɔ a.

GBOO DOMI KO A 4:15

Yataa faa ɛ tɛ wan, ni mɔɛ‑a a 'a sawa yɔn, a na‑a min be Mosisi ma. Chɛɛ ni sawa kan kɔ kan mbe ee kaina min, sawa yɔn mbe ee ma nɔ.

GBOO DOMI KO A 4:24

Chɛɛ a nyɛnden fan mu mmɔ wɛɛ ko a, mmɔ wɛn kai faen mu Yataa a, min‑na mmɔ 'a mansa Chisɔsi kɔɔ sɔ saya ɔ. Ɛ mmɔ wɛɛ ya a wan mɔ tandenɛ n na.

GBOO DOMI KO A 5:1

Chɛ an fɛ mu, mmɔ ya‑a mɔ tandenɛ n na, mmɔ 'a danaya ko a Yataa a. Chɛ an‑na a fɔ gbɛ, mmɔ 'a mansa Chisɔsi Chasi‑a a ma, mmɔ ɛ faachima ɔ Yataa a.

GBOO DOMI KO A 5:20

Yataa na‑a sawa a, min mbe a ma, mɔ gbu ni ko yama kun ma sa. Chɛɛ mɔɛ n 'na ko yama kun ma ɛ chɛ buɛ min dɔ, Yataa 'a koadia demanɛ wɛɛ, a ma ɛ munda ka wan.

GBOO DOMI KO A 5:9

A wii min sin bɔn‑da, an‑na mmɔ ya sanche gbɛ mɔ tandenɛ n na Yataa chen kɔɔ. Ni Chasi ɛ kun fan a ni chɛ ma mmɔ ko a, mmɔ ni dan a a, mbɛ ɛ mmɔ kun bɔ‑a wan Yataa 'a faatɛ ɔ.

GBOO DOMI KO A 8:1

Chɛ an fɛ mu sanche chɛ ɔ, ni mɔ ɔ mɔ ma‑a mɔ dɔndɔɛ a Chisɔsi Chasi a, Yataa ee kaa a tɛ‑a a wakoe ma, a ni tɔɔ.

GBOO DOMI KO A 8:3

Mmɔ ɛ koe miin ma, mɔgbuya ɔ min ma nyin, an na‑a a ma wan, sawa chɛ ma kun ni mmɔ kun ka‑a. Chɛɛ Yataa na‑a dɔbɛn dɔ gbɛɛ chɛ wan, mmɔ kun ka koe a. A na‑a a 'a denɛ a na wan dunya chɛ ɔ, mɔgbuya ɔ. A na‑a a 'a den chɛ ma wan yasi a mmɔ 'a ko yama n ko a. A na‑a chɛ ma, kaa an na tɛ koe a, a si mmɔ 'a ko yama n ma.

GBOO DOMI KO A 9:31

Chɛɛ Isɔɛɛ mɔɛ chɛ n tana, Yataa na‑a a boo sɔ ka miin ma, ma koe a a ta mɔɛ n na, an nii ma ma ni mɔ tandenɛ n na Yataa tena. Chɛ ma‑a wɛɛ, an ni bea tena sawa n fan fɛ, tan koe a Yataa tena.

GBOO SAA KƆYINDI KO A 6:11

Wo dɔ n ni ka wan tee. Chɛɛ sanche gbɛ, wo ko‑a fo, wo 'a ko yama n boo ɔ. Wo ma‑a tenchen Yataa ko a. Yataa‑a wo ya mɔ tandenɛ n na, a chen kɔɔ, Mansa Chisɔsi Chasi 'a gbasaya ɔ, an fea Yataa Nyina a.

Gboo Kadesia Ko A 2:16

Chɛ gbɛɛ ɔ, mmɔ wɛn mu Chu mɔɛ n na, mmɔ ni a ɔ sɔn, mbɛ mɔɛ ɛ wai min chɛ, an mbe ee a ma, Yataa ni a ya mɔ tandenɛ a, a tena. Chɛɛ chɛ ɛ bɔ kai fa an dɔ, mɔɛ ɛ min chɛ Chisɔsi Chasi a. Chɛ ko a, mmɔ wɛɛ mmɔ‑a mmɔ kai fa Chisɔsi Chasi a, min mbe a ma, Yataa ni mmɔ ya mɔ tandenɛ n na, a tena, mmɔ 'a kaifa chɛ ko a. A ee bɔ wai an dɔ, sawa ɛ a ma, mɔɛ ɛ min chɛ. Koe min na mu, ni wai ta fɛ chia a mu, sawa ɛ a ma mɔɛ ɛ min chɛ, Yataa ee mɔ ɔ mɔ ya mɔ tandenɛ a, a tena.

Gboo Kadesia Ko A 2:19

Koe min na mu, Yataa 'a sawa ko a ni dechee, Chasi fa‑a. Chɛ‑a a ma wan, n fa‑a wan, sawa chɛ ta fɛ chia a, min mbe a ma, n ni ma Yataa ta fɔɛ ɔ. An ban‑da gbɛ n fa‑a, kɔn gbengbandenɛ ma, nn fea Chasi a.

Gboo Kadesia Ko A 3:8

A sin, Yataa 'a gboo‑a chɛ kɔɔ fɔ wan. Mbɛ Yataa ɛ a ma‑a wan, mɔɛ miin ma Chu mɔ a, an ni an kaifa a a, mbɛ a‑a an ya mɔ tandenɛ n na, a chen kɔɔ. Chɛ an‑na a ma, a fua‑a sakana bai chɛndɛ chɛ ɔ yian‑da Ebeami a. A‑a a fɔ wan a ye, a ɔ, “Dunya ɔ mɔɛ tɔɛ n gbɛɛ, an mbe dua sɔn‑da, ɛ ka‑a i wan na.”

Gboo Kadesia Ko A 5:3

N mbe chɛ fɔ tena to mɔ ɔ mɔ ye, min ma Chu mɔ a, chɛɛ a dɔn‑da a a ni kamincha. Mbɛ a dindenɛ mu an mɔɛ chɛ ma, don koe a an sawa gbɛɛ kɔɔ.

GBOO IBU MƆƐ N KO A 10:11

Mɔɛ miin ni mɔɛ n tɛ ɔ Yataa a, an mbe yasi n bɔ wan, tima ɔ tima ko a. Chɛɛ an yasi chɛ nu, an mbe ee an bɔ an 'na ko yama n dɔ.

GBOO IBU MƆƐ N KO A 10:4

Koe min na mu, a ee che ma‑a, ɛnden bɛɛ a, ninchi wii basan ba wii a, an ni mɔɛ n ko, a bɔ an 'na ko yama n dɔ.

GBOO IBU MƆƐ N KO A 7:19

Koe min na mu, chia dɔndɔɛ wɛɛ a, sawa gbu nii ma a ma ni, ko kan kɔ kan ni sɔ a chia ma chɛndɛ chɛ. Yiinatɛ chɛndɛ yian‑da wan mmɔ a, min mbe mmɔ ma sawan Yataa tena.