CHISƆSI 'A SƆ MƆƐ NU 13:38 - Yataa 'a Dɔbɛnɛ Nama

³⁸ Chɛ an fɛ mu, n suun ma nyɔɛ nu, a nyin wo ni chɛ ɔ gbɛ. Mbɛ Chisɔsi chɛ an ko a mu, Yataa ɛ a boo bɔ mmɔ 'a ko yama n dɔ.

CHISƆSI 'A SƆ MƆƐ NU 13:38 ပူးပေါင်းရင်းမြစ်များ

MATIU 1:21

Ɛ den kainɛ suun‑da wan. A sin, ni a‑a a suun, a tɔɛ si, i ɔ, Chisɔsi. Koe min na mu, ɛ a 'a mɔɛ n bɔ‑a wan an 'na ko yama n dɔ.”

DUKU 24:47

Yataa 'a gboo‑a a fɔ wan to, mbɛ a 'a sakana bai chɛ ɛ che‑a wan mɔɛ n ma dunya chɛ gbɛɛ ɔ n tɔɛ ɔ. Mbɛ mɔɛ n ni an kan kɔ sɔ an 'na ko yama n na, min mbe a ma, Yataa ni a boo bɔ an 'na ko yama n dɔ. A ɔ, an ni sakana bai chɛ ɔ yian Chuusaɛn duu pɛn dɔ.

CHƆN 1:29

Mbɛ banda ɔ ka‑a kɛn, tee dɔndɔɛ ma, Chɔn‑na Chisɔsi yen na‑a a tena. Mbɛ a wan Chɔn dɔ, “Yataa 'a sa tɔngbɔɛ yen ko a na‑a, mɔɛ n 'na ko yama n gbɛɛ dunya ma, an mbe si ɔ min kun ma.

CHISƆSI 'A SƆ MƆƐ NU 10:43

Yataa 'a gbonka chɛ mɔɛ n gbɛɛ na‑a bai sa wan, a si Chisɔsi chɛ ma. An dɔ, mɔ ɔ mɔ min mbe an kai fa‑a Chisɔsi chɛ a, Yataa ɛ a boo bɔ‑a wan an mɔɛ chɛ a ko yama n dɔ, Chisɔsi ko a.”

CHISƆSI 'A SƆ MƆƐ NU 2:14

Mbɛ Pita sɔ‑a wan, an bɛ a bɔ tan kun ma dɔndɔɛ chɛ n na. Mbɛ a koɔ‑a mɔ fanka wa chɛ tena, a kuiɛ ma sɛenɛ ɛ, a ɔ, “N bɔ Chu mɔɛ nu, ni wo gbɛɛ, wo wɛn mbe nɛ Chuusaɛn duu chɛ ɔ, wo wo too ma sɔ n ma. A sin, n mbe a ɔ yian‑da wan wo a, koe min ma‑a ka.

CHISƆSI 'A SƆ MƆƐ NU 2:38

Mbɛ Pita ɔ, “Wo gbɛɛ wo wo kan kɔ sɔ wo 'a ko yama n na, mbɛ nn‑na yii chɛ wo kunɛ ɔ, Chisɔsi Chasi tɔɛ ɔ, min mbe a ma, Yataa ni a boo bɔ wo 'a ko yama n dɔ. Ni wo‑a chɛ ma, Yataa ɛ a ma‑a wan, a Nyina ni bea wo fɛ.

CHISƆSI 'A SƆ MƆƐ NU 4:10

Nn mbe a ɔ yian‑da wan gbɛ wo a, a basan mɔɛ tɔɛ n gbɛɛ a Isɔɛɛ chɛnyɛ ɔ, kamin chɛ ɛ sɔ ɔ nɛ, mɔɛ min 'na gbasaya ɔ. Nasaɛti duu ɔ mɔɛ chɛ mu, Chisɔsi Chasi, wo‑a min gbangban kɔn gbengbandenɛ ma, mbɛ a fa‑a. Chɛɛ Yataa‑a Chisɔsi kɔɔ sɔ wan, a ka saya ɔ. An Chisɔsi Chasi chɛ 'a gbasaya ɔ mu kamin chɛ, wo e ka min yen tena, a‑a bauncha ma sɔn.

CHISƆSI 'A SƆ MƆƐ NU 5:31

Yataa‑a a a sɛ wan basɔmaya kaina chenama wa, a wan Yataa boo nyima ɔ. A‑a a ma wan to mansa a, ni mɔ gbu n baun mɔɛ a. Chɛ ni a ma, Isɔɛɛ mɔɛ n ni kun, an ya a mun koe ma Yataa ma, mbɛ Yataa‑a a boo bɔ an 'na ko yama n dɔ.

Gboo Ɛfisɔsi Ko A 1:7

Mmɔ mu mɔ dɔndɔɛ a, mmɔ bɛ Chasi chɛ an na. A na‑a mmɔ kun ka wan, a wii chɛ a min bɔ‑a, a fa tima a. Yataa‑a a boo bɔ wan mmɔ 'a ko yama n dɔ. Yataa 'a koadia demanɛ da a ko gba.

Gboo Ɛfisɔsi Ko A 4:32

A sin to, wo faa ni nyan wo nyɔn ko a, wo ni ko chɛndɛ ma wo nyɔn na. A yɛ to, wo ni wo boo bɔ ko yama n dɔ, wo bɔɛ n mbe miin ma wo a, yɔ Yataa‑a a ma buɛ min dɔ, Chisɔsi Chasi ɔ, ɛ a boo bɔ wo 'a ko yama n dɔ.

Gboo Kɔdɔsai Ko A 1:14

Mmɔ‑a kunka ma sɔn, mmɔ bɔ‑a mmɔ 'a ko yama n dɔ, koe min na mu, a 'a den chɛ, mɔ dɔndɔɛ mu gbɛ mmɔ a.

GBOO IBU MƆƐ N KO A 8:6

Chɛɛ koe gbu, ɛ buɛ min dɔ, Chisɔsi 'a wai chɛ, a benden mu an 'na wai kɔma n ma. Ɛ wan dechee, yɔ a 'a dɔbɛn nama chɛ, a benden mu buɛ min dɔ a kɔma ma. Koe min na mu, a 'a dɔbɛn chɛ, a chɛen mu tooɔdia min na, a kɔ gbɛ.

GBOO IBU MƆƐ N KO A 9:22

Tea gbu a, sawa ta fɛ chia a, fen kɔ fen ma ɛ ko dechee fion wii an na, Yataa chen kɔɔ. A sin gbu, ni wii a nii ma bɔn ni, Yataa nii a boo bɔ‑a mmɔ 'a ko yama n dɔ.

1 CHƆN 2:12

N 'na denɛ nu, n mbe gboo chɛ nyɛn tena wo tena, koe min na mu, Yataa‑a a boo bɔ wo 'a ko yama n dɔ Chisɔsi ko a.