CHISƆSI 'A SƆ MƆƐ NU 13:2 - Yataa 'a Dɔbɛnɛ Nama

² Tee dɔndɔ a, an ni kɛn sun bia a, an mbe ta‑a Mansa Yataa fai‑a, Yataa Nyina‑a a fɔ wan an ye, a ɔ, “Wo a ma n ye, Banabasi, an fea Sɔɔ a, an ni ma tenchen wai chɛ ko a, n‑na an chee min chɛ koe a.”

CHISƆSI 'A SƆ MƆƐ NU 13:2 ပူးပေါင်းရင်းမြစ်များ

MATIU 6:16

Chisɔsi ɔ, “Ni wo‑a sunɛ bia, wo ma wo ya kɔɔɛ ma digbi digbi, yɔ mɔɛ chɛ n mbe a ma buɛ min dɔ, miin‑na an fandi ya mɔ chɛndɛ a, min mu ka mɔ chɛndɛ ma an na. Ni an ma‑a sunɛ bia‑a, an mbe a ɔ yian fan an ya kɔɔɛ ma mɔɛ n na, mbɛ an mbe ka ko gbɛɛ ma wa an dɔ bia tena. N ni a ma din wo tena, mbɛ an ban‑da an 'na tɔnɔnɛ gbɛɛ ma sɔn‑da.

MATIU 9:38

Chɛ an fɛ mu, wo samunɛ chɛ chin fen ti tena, min mbe a ma, a ni wai chɛ mɔɛ n ma munda a na, chin fen chɛ a sɔn koe a.”

DUKU 10:1

Koe chɛ n gbɛɛ maenɛ gbakɔ, Mansa Chisɔsi‑a a boo sɔ wan mɔ bi wɔnfea kun ma fea n ma. Mbɛ a‑a an du fea fea a, a‑a an na ta a ya ɔ duu kan kɔ kan dɔ, a basan kaina kan kɔ kan na, a wandi ni ta tena kaina min nu.

DUKU 2:37

A to‑a fuinyaya chɛ an dɔ gbɛ, aan a sanɛ che‑a san bi sɛi kun ma naaninɛ ɔ. A nii bɔ Yataa 'a kata chɛ ɔ. Su ɔ ni tee a, ɛ Yataa fai wan nɔ, ɛ samunɛ chɛ, a basan sun bia a.

CHISƆSI 'A SƆ MƆƐ NU 10:19

Pita ni tun yiinachii an dɔ, a tima chɛ a, an koe chɛ ɔ gbɛ koe a, min mbe ka yɔ cho. Yataa Nyina‑a a fɔ a ye, a ɔ, “A yen ko, mɔ kaima sawa n na‑a, an mbe an ya a kan‑da i a.

CHISƆSI 'A SƆ MƆƐ NU 10:30

Mbɛ Kɔniyɔsi ɔ, “Bi an‑na a ma gbɛ tee naanin, koe chɛ ma‑a. N ni wan samun chɛ‑a, tee kɔ kai ma, nɛ n 'na chenɛ a. Mbɛ a yen ko, n‑na mɔ kaima yen sɔ ɔ, a ma koa ɛ man‑da taun.

CHISƆSI 'A SƆ MƆƐ NU 13:3

Mbɛ an ban‑da sun bia‑a, a basan samun chɛ a, an‑na an boo bun fan an ma, an‑na an dua, mbɛ an‑na an na ta.

CHISƆSI 'A SƆ MƆƐ NU 13:4

Mbɛ Yataa Nyina chɛ‑a Banabasi sɔ kɛn, an fea Sɔɔ a, ta koe a baa kɔ, an yii‑a wan Sɛdusia duu ɔ. An bɛ an ta‑a Chɔn Maki a, basan koe a an ma an 'na wai chɛ koe a. An ka‑a wan nɔ, mbɛ an‑na yii tɛ dɛndɛ ɔ Saipɔsi yii tinɛ ɔ. An che‑a wan Sadamisi duu ɔ, an don‑da Chu n na samun chɛ chenɛ a, mbɛ an‑na Yataa bai ɔ yian mɔɛ n na.

CHISƆSI 'A SƆ MƆƐ NU 14:26

An ka‑a Atadia chɛ wan, mbɛ an si‑a dɛndɛ ɔ, a yɛ to Andiɔki duu ɔ. An duu chɛ ɔ ni, Chisɔsi fɛ mɔɛ na‑a an konan Yataa ma, koadia demanɛ ɔ, an 'na wai ko a, an‑na min na ban ka gbɛ.

CHISƆSI 'A SƆ MƆƐ NU 20:28

Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.

CHISƆSI 'A SƆ MƆƐ NU 22:21

“Mbɛ Mansa Chisɔsi‑a a fɔ n ye, a ɔ, ‘Ta, koe min na mu, n mbe i sɔ tena kaina ɔ yansama wan, pande, mɔɛ chɛ n tena, miin ma Chu mɔ a.’ ”

CHISƆSI 'A SƆ MƆƐ NU 4:36

A tɔmɔsi ni kamin dɔndɔ an na, min tɔ ni Chosɛfi. Chisɔsi 'a sɔ mɔɛ n ni an kamin chɛ chee, an dɔ, Banabasi, min fasaien ni, mɔɛ min mbe a bɔɛ n faa ma nande. A na‑a bɔ Difai dambi an dɔ. A sin na‑a suun Saipɔsi wan, yii tinɛ ɔ.

CHISƆSI 'A SƆ MƆƐ NU 6:4

Mbɛ nn tana sin, nn ma gbɔsɔɛ ɛ ma‑a dechee samun chɛ an na, ni Yataa 'a bai sa koe a.”

CHISƆSI 'A SƆ MƆƐ NU 8:29

Mbɛ Yataa Nyina‑a a fɔ Fiipi ye, a ɔ, “I ma tundu gbɛdɛn mɔto gbingbi chɛ baima.”

CHISƆSI 'A SƆ MƆƐ NU 9:15

Chɛɛ Mansa Chisɔsi‑a a fɔ wan a ye, a ɔ, “Ta, mɔna chɛ mu, n‑na n boo sɔ min ma, wai chɛ koe a n ko a. A ni n bakoe ɔ yian mɔɛ n na, miin ma Chu mɔɛ n na, a basan mansa n na, an bɛ Isɔɛɛ mɔɛ n na.

GBOO DOMI KO A 1:1

N fan Pɔɔ, Chisɔsi Chasi 'a wai chɛ mɔɛ, n fan mbe ka gboo chɛ nyɛn‑da. Yataa an‑na n chee ma koe a a 'a sɔ mɔɛ a, mbɛ a‑a a ma, n ma‑a tenchen mɔɛ a, min mbe a 'a sakana bai chɛndɛ chɛ ɔ yian mɔɛ n na.

GBOO DOMI KO A 10:15

A sin to, sakana bai chɛ ɔ ee che yian‑da mɔɛ n na, ni Yataa ma mɔɛ n na fasan ni dunya ɔ, a ɔ yian koe a. A ni ma yɔ Yataa 'a gboo‑a a fɔ buɛ min dɔ, mbɛ a ma kawaen mu kaka, mbɛ mɔɛ chɛ n mbe chia a, miin mbe na tena sakana bai chɛndɛ a.

GBOO DOMI KO A 15:16

A‑a a boo sɔ wan n ma, ma koe a Chisɔsi Chasi 'a wai chɛ mɔɛ a, mɔɛ chɛ n ko a, miin ma ka Chu mɔ a. N mbe wai chɛ wan an ye, yɔ Yataa 'a tɛ mɔɛ. N mbe Yataa 'a sakana bai sa wan an tena. Chɛ ɛ ma, min mbe a ma, Yataa ni a boo si an kɔɔ, yɔ yasi miin mbe tenchen a ko a. An ni ma yasi chɛ a, Yataa Nyina wandi gbu‑a min be tenchen a ma.

GBOO SAA KƆYINDI KO A 12:11

Yataa Nyina dɔndɔ gbe, an mbe a ma koe chɛ n gbɛɛ, an mbe che ma‑a, a ta faa ma a a. Mɔ gbu gbɛɛ, dɔndɔ dɔndɔɛ a, mmɔ ɛ dua chɛ ma sɔn an na.

GBOO SAA KƆYINDI KO A 7:5

Wo ma ban waa ma basan koe a, wo nyɔn na. Fɔ ni a ma‑a wo 'a dɔbɛnɛ an na, a ma koe a ka, tima kundu ɛnden ko a. Chɛ ni a ma, wo ni tima ya samun chɛ koe a. Chɛɛ chɛ gbakɔ wɛɛ, wo yɛ to wo gba ɔ, fuu ta chia a. Ni wo‑a chɛ ma, wo e na‑a bɔ‑a wan Sitana 'a dɔsimanɛ boo ɔ. Koe min na mu, wo ee na‑a kun‑da wo ni wo wandi kun ma fɛn.

GBOO FEAN BƆƐ KƆYINDI KO A 11:27

N‑na wai chɛ wan n sɔɛ gbɛɛ a. Tima sɛsɛ ko a, n ni chi wan n ya a. Tima sɛsɛ ko a, kɔnkɔɛ‑a n bia wan, n kanɛ a gbaa‑a, a sin n nii daun fen ma sɔn. Tima sɛsɛ ko a, chima ni n bia wan, koa a tenden bɛɛ nii n ma.

GBOO FEAN BƆƐ KƆYINDI KO A 6:5

A yɛ to, an‑na nn gbasi wan, an‑na nn sa pimbi chenɛ a, an‑na koɛ bun nn ma. A ma‑a wan nn‑na wai chɛ, a ɔ benden ba gbu a. A sin to, chinɔ nii nɔ, daun fen bɛɛ nii nɔ.

Gboo Kadesia Ko A 1:15

Chɛɛ Yataa‑a a boo sɔ wan n ma, n suun‑da tima min na. A‑a n chee wan, a 'a koadia demanɛ ɔ. A bu ɔ dia‑a wan,

Gboo Ɛfisɔsi Ko A 3:7

Sakana bai chɛ, an ko a mu, Yataa‑a n ma a 'a sɔ mɔɛ a. Chɛ bɔ‑a a 'a koadia demanɛ an dɔ, n‑na min ma sɔn, a 'a gbasaya ɔ.

Gboo Kɔdɔsai Ko A 4:17

Wo a fɔ Akipɔsi ye, wo ɔ, a ni a ɔ yen, mbɛ ɛ wai chɛ chɛ tena wan, Mansa Chisɔsi‑a a boo bun a ma, min chɛ koe a.

1 TIMOTI 2:7

Chɛ ko a mu, a‑a n ya sɔ mɔɛ a, sakana bai chɛndɛ ɔ yian koe a. N ni mɔɛ n kan, Chu mɔ ma miin na, dan koe a Chisɔsi a, a basan tea sakana bai chɛndɛ a. N mbe ka tea an fɔ‑a, fania ma chɛ a.

2 TIMOTI 1:11

Sakana bai chɛ ko a mu, a‑a n ya sɔ mɔɛ a, n ni kanɛ chɛ, mbɛ n‑na a ɔ yian mɔɛ n na.

2 TIMOTI 2:2

N na‑a i kan fan koe n sɛsɛ ma, a sin, mɔ sɛsɛ ni wan nɔ siiya a. An kan chɛ a ben mɔ dɔ mende n tena, miin danayaen mu, an ni mɔ dɔ mende n bɛɛ kan.

2 TIMOTI 4:11

Duku dɔndɔ gbe an mbe nɛ n tena. Ni i ma‑a na‑a, wo fea ni na Maki a, a mu min na, ɛ n deman‑da wan n 'na wai a.

2 TIMOTI 4:5

Chɛɛ i tana, sɔ chidi. Ko yawaenɛ ɔ bia, i ni i sɔɛ gbɛɛ chɛ Yataa 'a sakana bai chɛndɛ ɔ yian koe a mɔɛ n na. I 'a wai gbɛɛ chɛ, Yataa 'a wai chɛ mɔɛ ɛ min chɛ.

GBOO IBU MƆƐ N KO A 5:4

An wai chɛ sin, mɔ wandi an mbe ee a ya i kun ma gbasaya a. Chɛɛ Yataa an mbe mɔɛ chee, yɔ a na‑a ma buɛ min dɔ Eyɔn na.