CHISƆSI 'A SƆ MƆƐ NU 13:16 - Yataa 'a Dɔbɛnɛ Nama16 Mbɛ Pɔɔ‑a a kɔɔ sɔ, a‑a a boo a sɛ an too ma sɔ koe a, mbɛ a bun‑da koɔ‑a. A ɔ, “N bɔ Isɔɛɛ mɔɛ nu, wo wo too ma sɔ, wo wɛn bɛɛ ma Chu mɔ a, wo wo too ma sɔ n ma. အခန်းကိုကြည့်ပါ။ |
Chɛɛ a tima gbu a ni gbɛ, Pɔɔ, an fea Banabasi a, an‑na bai sa faagbɛa a. An dɔ, “A ni nyin, nn ni Yataa da a bai chɛ ɔ yian wo pɛn na. Chɛɛ wo‑a wo boo sɔ wan a ya ɔ, wo‑a a ɔ yian wo sɔnɛ ɔ, mbɛ a ma nyin, wo ni kuɔ fɔ fɔɛ chɛ ma sɔn. A yen ko gbɛ, nn bɛɛ, nn‑na nn ya a yɛ chɛ n ma, miin ma Chu mɔ a.
Mbɛ Pita ɔ te to, “N bɔɛ Isɔɛɛ mɔɛ nu, wo wo too ma sɔ bai chɛ n ma, n mbe na tena miin fɔ‑a wo ye. Chisɔsi chɛ, min ka‑a Nasaɛti duu ɔ, a mu Yataa wandi 'a sɔ mɔɛ an na. Kamaya koe nu, a ni miin ma, a ni tɔmɔsi miin yian, kɔndɔ fii koe nu, an fan ni a ɔ yian, mbɛ Yataa 'a gbasaya an mbe a ɔ. Wo wandi gbu, wo e siiya bɔ wan an koe chɛ n ma. Koe min na mu, an gbɛɛ ma‑a nɛ wan wo ya kɔɔɛ ma.
Pita‑a mɔɛ chɛ n yen kɛn an na tindanɛ, a‑a a fɔ an ye, a ɔ, “N bɔ Isɔɛɛ mɔɛ nu, kamin chɛ baun koe ma wo kɔndɔ fii. Wo ma nn ma fɛn ya dɔ mende a. A ma ma wo yii ma, mbɛ nn 'na gbasaya ɔ mu, nn‑na chɛ ma. An ma a fɔ ni, nn mbe a ma wan, Yataa faa ni chima kaka, min‑na a ma, nn‑na a ma kamin chɛ‑a tachɛ chɛ.
A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ min mbe sɔ‑a gban Yataa ko a, a mɔɛ chɛ, n mbe daun fen chɛ dɔ be‑a wan a ma a daun koe a, daun fen nunden chɛ. A yɛ to, n mbe senɛ be‑a wan an mɔɛ chɛ ma, senɛ min gbɛenɛ ɛ, a sin, tɔ nama an nyɛndenɛ ɛ ma‑a a ma. Mɔɛ min mbe senɛ chɛ ma sɔn‑da, an mu dechee mɔɛ a, min mbe tɔɛ chɛ sɔn‑da.”