Domi soya gbakoo chɛ, min ni Chisɔsi a tɛ tena, a‑a a ɔ yen min ma‑a. A 'a soya n bɛɛ, an‑na a ɔ yen fan. An‑na a ɔ yen kɛn duu gboo samba‑a, a basan koe chɛ n gbɛɛ a miin ma‑a, chiandia‑a an gboo fa wan. Mbɛ an dɔ, “Kamin chɛ ni Yataa 'a denɛ chɛndɛ chɛndɛ gbu an na.”
An gbɛɛ bun‑da bai ma kawaenɛ n fɔ‑a, a si Chisɔsi ma. A sin, an tɛnɛ‑a wan a a, a koɔ‑a buɛ min dɔ chɛndɛ chɛ. Chɛɛ an yɛ‑a wan, an‑na a fɔ, an dɔ te, “N bɔ, ka wɛ, Chosɛfi 'a denɛ an nɛ.”
A sin, mɔɛ chɛ nu, miin nii ma Chu mɔ a, an‑na bai chɛ a min kɛn, an bu ɔ dia‑a wan, an bun‑da Yataa tando‑a, a 'a bai ko a. Mɔ sɛsɛ sin, Yataa na‑a a boo sɔ miin ma, kuɔ fɔ fɔɛ ma sɔn koe a, an‑na an kai fa wan Chisɔsi a.
An nkofo chɛ, a dia nyɔɛ an nii nɛ kɔfana a nɔ, an yii tin chɛ ɔ. An kɔfana chɛ tɔ ni Sachɔsi Pɔdɔsi, min yiima tɛen ni kaka. A‑a Banabasi chee wan, an fea Sɔɔ a, Yataa bai a min koe a an na.
Chɛɛ nkofo chɛ, min tɔɛ dɔndɔɛ ni Ɛdimasi (a tɔɛ chɛ fɔɛ an nii nɛ, nkofo tɔɛ), a‑a Banabasi n kɔɔsa bia wan kaka. A nii ma to ni, kɔfana chɛ ni dan bai chɛ n na, an ni min fɔ tena a si Chisɔsi ma.
Chɛɛ Pɔɔ an fea Banabasi a, an to‑a wan Andiɔki, mɔɛ n kan koe a, a basan bai ɔ yianɛ a, a si Mansa Chisɔsi ma. An bɛ ni wai chɛ ma, an bɛ mɔ sɛsɛ n fan na.
Tima ɛnden gbakɔ, mbɛ Pɔɔ‑a a fɔ Banabasi ye, a ɔ, “Na, mɔ ni ta ben ben mɔɛ n kun ma, duu chɛ n gbɛɛ ɔ, mɔ na‑a sakana bai chɛ sa miin tena, a si Mansa Chisɔsi ma. Mɔ ni a ɔ yen, ni an mbe buɛ min dɔ.”
Chɛ a tun‑da wan a ma san fea ko a, min‑na a ma, mɔɛ miin gbɛɛ ni Esia chɛnyɛ chɛ ɔ, an‑na sakana bai a min fan, a si Mansa Chisɔsi ma. Chu mɔɛ n‑na a a min fan, an bɛ mɔɛ chɛ n na, miin nii ma Chu mɔ a.
Ni mɔɛ an‑na ko yama ma Demetiɔsi a, an bɛ a 'a wai chɛ mɔɛ n na, mmɔ 'a gbakoo n mbe wan nɔ, miin mbe kuti si. An ni ta a mɔɛ chɛ n na nɔ, an ni an ma sii bia.
Mɔɛ min ni nɔ mansa a, an yii tin chɛ ɔ, a tɔ ni Pubiɔsi. Sɛnɛ wa ni wan a boo ɔ nɔ, nn baima tanda chɛ ɔ. A bu ɔ dia‑a kaka, a‑a nn yen kɛn. Nn ni wan a 'a sondaya a, tee sawa ko a, a sin‑na nn bia wan chɛndɛ chɛ.
Pita an fea Chɔn na, an ban‑da wan koe chɛ n gbɛɛ ɔ yian‑da mɔɛ n na, an‑na min dɔ sɔn a si Mansa Chisɔsi ma. Mbɛ an yɛ‑a Chuusaɛn, an mbe ta‑a sakana bai chɛndɛ chɛ ɔ yian‑da mɔɛ n na, duu sɛsɛ n dɔ Samayia chɛnyɛ ɔ.