CHISƆSI 'A SƆ MƆƐ NU 12:7 - Yataa 'a Dɔbɛnɛ Nama

⁷ Mbɛ a yen ko, Mansa Yataa 'a maeka bɔ‑a a pimbi chen chɛ a. Pimbi chenɛ gbu, a dumu bu ɔ, Pita ni kaina, maeka chɛ 'a manɛ‑a a ɔ ka wan. Mbɛ maeka chɛ‑a Pita tɔnfɛ ma gbasi, a‑a Pita a kunɛ, a ɔ, “I a sɔ bui chɛ a.” Mbɛ a ya kɔɔɛ a, yɔɔɛ min ni ka Pita boo ma, a fuin‑da, mbɛ a bea‑a.

CHISƆSI 'A SƆ MƆƐ NU 12:7 ပူးပေါင်းရင်းမြစ်များ

MATIU 2:13

Yiimatɛ tɔɛ chɛ n taenɛ gbakɔ, Mansa Yataa 'a maeka na‑a Chosɛfi tena cho ɔ. Mbɛ a ɔ, “Chosɛfi, i a sɔ, i ni den chɛ ya, an fea a de a, i ni i nun a ta Ichipi chɛnyɛ ɔ. Wo ma na, aan ni tima min na, n mbe a fɔ‑a i ye, na koe a. Koe min na mu, Mansa Ɛdɔdi ɛ na tena wan a ya a kan‑da den chɛ a, a ni a kasaa.”

DUKU 2:9

Mbɛ Mansa Yataa 'a maeka bɔ‑a an ya a. A sin, manɛ‑a an na bɛn fan, Mansa Yataa 'a manɛ. Mbɛ an chian‑da kaka.

DUKU 24:4

Mbɛ an na fii‑a, a si koe chɛ ma. An to‑a chɛ an dɔ, mbɛ a yen ko, mɔ kaima fea bɔ‑a an ya a, an mbe sɔ ɔ an baima, an ma chiienɛ ɛ koa manden ba ɔ.

CHISƆSI 'A SƆ MƆƐ NU 10:30

Mbɛ Kɔniyɔsi ɔ, “Bi an‑na a ma gbɛ tee naanin, koe chɛ ma‑a. N ni wan samun chɛ‑a, tee kɔ kai ma, nɛ n 'na chenɛ a. Mbɛ a yen ko, n‑na mɔ kaima yen sɔ ɔ, a ma koa ɛ man‑da taun.

CHISƆSI 'A SƆ MƆƐ NU 12:23

A ya kɔɔɛ a, Mansa Yataa 'a maeka‑a a boo yii wan Mansa Ɛdɔdi a. Koe min na mu, a nii ma basɔmaya be ni Yataa ma. A sin, tɔnɛnɛ n fan‑na a daun, mbɛ a fa‑a.

CHISƆSI 'A SƆ MƆƐ NU 12:6

Mbɛ Mansa Ɛdɔdi yiima ɔ, banda dɔndɔ ɔ ni ka wan, a ni Pita a bɔ pimbi chenɛ a, a 'a bai sa koe a fanka ɔ. An pimbi chɛ ɔ, Pita ni wan sa ɔ chinɔɛ ɔ, soya mɔ fea n tɛ. A chiien ni yɔɔ fea an na. A sin, pimbi chen kun ma fɛn mɔɛ n ni wan nɔ, pimbi chenɛ gbu da a, an mbe a kun ma fɛn‑da.

CHISƆSI 'A SƆ MƆƐ NU 12:8

Mbɛ maeka chɛ‑a a fɔ a ye, a ɔ, “I ma bɛn, i ni i 'a kɔɔwa don i chenɛ a.” Mbɛ Pita wɛɛ‑a a ma ka. Mbɛ maeka chɛ‑a a fɔ to a ye, a ɔ, “I 'a doma don, i ni a sɔ n fɛ, mɔ ni ta.”

CHISƆSI 'A SƆ MƆƐ NU 16:26

Mbɛ a ya kɔɔɛ a, duu gboo samba‑a wan, a chenama wa a. Chɛ‑a a ma wan, pimbi chenɛ gbu gbɛɛ ɔ ma‑a ma‑a. Mbɛ pimbi chenɛ gbu da nu, an sa‑a a teen na gbasi. Mbɛ yɔɔɛ wɛɛ, miin chɛen ni pimbi chen na sa mɔɛ chɛ n boo ma, ni an chenɛ n bɛɛ ma, an gbɛɛ fuin‑da an ma.

CHISƆSI 'A SƆ MƆƐ NU 2:24

Chɛɛ Yataa‑a a bɔ wan saya 'a mɔnɛ boo ɔ, a‑a a ma, Chisɔsi chɛ‑a a kɔɔ sɔ a ka saya ɔ. Koe min na mu, saya nii che gbasaya din‑da a ma ɛnden bɛɛ a.

CHISƆSI 'A SƆ MƆƐ NU 5:19

Chɛɛ a yɛɛ chɛ ma, Mansa Yataa 'a maeka na‑a wan, mbɛ a‑a pimbi chen chɛ da gbɛɛ a ka gbasi. Mbɛ a‑a a ma, Chisɔsi 'a sɔ mɔɛ chɛ n bɔ‑a pimbi chen chɛ a. Mbɛ a‑a a fɔ an ye, a ɔ,

CHISƆSI 'A SƆ MƆƐ NU 9:3

A ni kɛn gbɛ ta‑a, mbɛ a gbɛn‑da Damasikɔsi duu ɔ ma. Mbɛ a ya kɔɔɛ a, man ba‑a a a bɛn, a ka banda a.

Gboo Ɛfisɔsi Ko A 5:14

A sin gbu, fen kɔ fen min mbe yen‑da gbadan, an mu manɛ a. Chɛ an fɛ mu, Yataa 'a gboo‑a a fɔ, a ɔ, “Wo wo kɔɔ sɔ, wo wɛn mbe sa ɔ chinɔɛ ɔ, mbɛ wo‑a wo kɔɔ sɔ a ka saya ɔ, a sin, Chasi ɛ a 'a manɛ be‑a wo ma.”

GBOO IBU MƆƐ N KO A 1:14

Chɛɛ maeka chɛ n tana, Yataa‑a an sɔ, an ni na wai chɛ a ko a dunya ɔ. An ni basan mɔɛ chɛ n ma, miin mbe na‑a bauncha ma sɔn‑da.

KO Ɔ NUNDENƐ 18:1

An musu chɛ yendenɛ gbakɔ, mbɛ n‑na maeka dɔ mende yen to yii‑a, a ka banda bu ɔ. Gbasaya min ni a boo ɔ, a ni koo kaka. A sin, dunya gbɛɛ ɔ kaen fan ni wandaun, a 'a manɛ a.