CHISƆSI 'A SƆ MƆƐ NU 12:5 - Yataa 'a Dɔbɛnɛ Nama

⁵ Mbɛ an‑na Pita ma gban pimbi chenɛ a. Chɛɛ a tima chɛ a, chɔchi mɔɛ chɛ n ni wan Yataa fai‑a a ko a, an faa gbɛɛ a.

CHISƆSI 'A SƆ MƆƐ NU 12:5 ပူးပေါင်းရင်းမြစ်များ

MATIU 18:19

“N ni a ma din to wo tena. Ni wo mɔ fea gbe wɛɛ dɔn‑da nɛ dunya chɛ ɔ ko dɔndɔɛ ma koe a, mbɛ wo‑a Fa Yataa ɔ tisa an koe chɛ ko a, ɛ a ma‑a wan wo ye.

DUKU 18:1

Tee dɔndɔ a, Chisɔsi‑a tai tɛ wan a fɛ denɛ n tena. Tai chɛ‑a a ɔ yian fan an na, mbɛ a nyin fan an ni samunɛ ma ti bia tima ɔ tima ko a. A yɛ to, an gboo ɔ ma fa samun chɛ a.

CHISƆSI 'A SƆ MƆƐ NU 12:12

Pita ban‑da chɛ ɔ sɔn‑da kɛn, a ta‑a wan Mɛi 'a chenɛ a, min 'na denɛ tɔ ni Chɔn. A tɔ ni to Maki. Mɔ sɛsɛ a kanden fan ni an chen chɛ a, an mbe samun chɛ‑a.

CHISƆSI 'A SƆ MƆƐ NU 12:4

A sin‑na a ma kɛn, Pita bia‑a, a‑a a sa wan pimbi chenɛ a. Pita be‑a pimbi chen kun ma fɛn mɔɛ kun naanin fan ma, a kun ma fɛn koe a. An ni naanin naaninɛ an ma. Mansa Ɛdɔdi toen ni, a ni Pita 'a bai sa fanka ɔ wan, ni an kun bɔ‑a ɔ bɛn chɛ ka‑a a a.

CHISƆSI 'A SƆ MƆƐ NU 12:6

Mbɛ Mansa Ɛdɔdi yiima ɔ, banda dɔndɔ ɔ ni ka wan, a ni Pita a bɔ pimbi chenɛ a, a 'a bai sa koe a fanka ɔ. An pimbi chɛ ɔ, Pita ni wan sa ɔ chinɔɛ ɔ, soya mɔ fea n tɛ. A chiien ni yɔɔ fea an na. A sin, pimbi chen kun ma fɛn mɔɛ n ni wan nɔ, pimbi chenɛ gbu da a, an mbe a kun ma fɛn‑da.

GBOO SAA KƆYINDI KO A 12:26

Ni mɔ gbu sɔna dɔndɔ wɛɛ tɔɔya‑a, a ni ma a tɔɛ chɛ n gbɛɛ a tɔɔya a. Ni an sɔna dɔndɔ a basɔmaya ma sɔn, a tɔɛ chɛ n gbɛɛ ni buɔdia bɔ a a.

GBOO FEAN BƆƐ KƆYINDI KO A 1:11

Wo basan nn ma, samunɛ chɛ koe a nn ko a. Ni mɔ sɛsɛ n ma‑a samunɛ chɛ‑a nn ko a, Yataa ɛ an 'na samunɛ n na min‑da wan, mbɛ a‑a nn dua. Ni chɛ ma‑a, mɔ sɛsɛ n bɛɛ, an mbe Yataa wai bɔ‑a wan nn ko a.

Gboo Saa Tɛsadonika Ko A 5:17

Wo samunɛ chɛ tima ɔ tima.

GBOO IBU MƆƐ N KO A 13:3

Mɔɛ miin mbe sa ɔ pimbi chenɛ a, an bakoe ni ma wo faa ɔ, yɔ wo bɛ an mbe nɔ an na. Ni chɛ n bɛɛ, miin mbe tɔɔya ɔ bia tena. Wo a ma yɔ wo bɛ an mbe an tɔɔya chɛ ɔ bia tena.

CHIMISI 5:16

Chɛ ko a, wo wo 'a ko yama n kɔɔ yian wo nyɔn na. Mbɛ wo‑a samunɛ chɛ wo nyɔn ko a. Chɛ ɛ na‑a wan bauncha a wo tena, wo 'a gbandi n dɔ. Mɔɛ min tanden mu Yataa tena, ɛ samunɛ min chɛ, a faa gbɛɛ a, gbasaya koo min mbe bɔ a ɔ.