CHISƆSI 'A SƆ MƆƐ NU 12:3 - Yataa 'a Dɔbɛnɛ Nama

³ A sin, a‑a a ɔ yen kɛn, mbɛ a‑a Chu n faa ma koe an ma ka, a ma yɛ ni to kuu kɔ, a‑a Pita wɛɛ bia wan. Chɛ ma‑a tima chɛ an na, Chu mɔɛ n 'na biidi dɛnfɛ daun bɛn chɛ kun ma.

CHISƆSI 'A SƆ MƆƐ NU 12:3 ပူးပေါင်းရင်းမြစ်များ

MATIU 26:17

Mbɛ tee saa saa che‑a bɛn chɛ ko a, biidi dɛnfɛ daun bɛn chɛ. Chisɔsi fɛ denɛ n na‑a a tena, an dɔ, “Kan mɔ, nn mbe ta mende, nn ni daun fen chɛ ɔ bɛn mmɔ ko a, kun bɔ a ɔ daun fen chɛ?”

CHƆN 12:43

An na‑a chɛ ma, koe min na mu, an toen ni mɔ gbu n ta tando an na, a ni ben Yataa ta ma.

CHƆN 19:11

Chɛɛ Chisɔsi ɔ, “Gbasaya ee che ma‑a i boo ɔ n kun ma, ni Yataa an ma a be ni i ma. Chɛ an fɛ mu, mɔɛ min‑na a ma, an na‑a nɛ chɛ n na i chen kɔɔ, a ta ko yama benden mu i ta ma.”

CHƆN 21:18

A ɔ te to, “Ka n mbe chɛ ma din i tena, mbɛ i ni tima min na i tɔngbɔ tɔɛ a, i ni i ma bɛn fan, mbɛ i ta‑a i faa ma kaina nu, mbɛ i‑a i faa ma koe n ma. Chɛɛ tima min na e chenancha‑a, e i boo ɔ sawan‑da wan, mbɛ an‑na i chii fɔin. Mbɛ an ta‑a i a kaina, i ma to ni i ni ta kaina min.”

CHISƆSI 'A SƆ MƆƐ NU 12:4

A sin‑na a ma kɛn, Pita bia‑a, a‑a a sa wan pimbi chenɛ a. Pita be‑a pimbi chen kun ma fɛn mɔɛ kun naanin fan ma, a kun ma fɛn koe a. An ni naanin naaninɛ an ma. Mansa Ɛdɔdi toen ni, a ni Pita 'a bai sa fanka ɔ wan, ni an kun bɔ‑a ɔ bɛn chɛ ka‑a a a.

CHISƆSI 'A SƆ MƆƐ NU 2:14

Mbɛ Pita sɔ‑a wan, an bɛ a bɔ tan kun ma dɔndɔɛ chɛ n na. Mbɛ a koɔ‑a mɔ fanka wa chɛ tena, a kuiɛ ma sɛenɛ ɛ, a ɔ, “N bɔ Chu mɔɛ nu, ni wo gbɛɛ, wo wɛn mbe nɛ Chuusaɛn duu chɛ ɔ, wo wo too ma sɔ n ma. A sin, n mbe a ɔ yian‑da wan wo a, koe min ma‑a ka.

CHISƆSI 'A SƆ MƆƐ NU 20:6

Chɛɛ biidi dɛnfɛ daun bɛn ba chɛ ben‑da kɛn, nn si‑a wan dɛndɛ ɔ, a ka Fiipai duu ɔ. Tee duu gbakɔ, nn‑na an tan fan Towasi, nn ni kaina tɛn sɔngbɔ dɔndɔ ko a.

CHISƆSI 'A SƆ MƆƐ NU 24:27

Chɛɛ san fea ben‑da kɛn, Kɔfana Fedisi bɔ‑a wan kɔfanaya ma. Mbɛ Pɔsiyɔsi Fesɔsi yɛ‑a a gba ɔ. Kɔfana Fedisi toen fan ni, a ni a ɔ yian, mbɛ a ni deman tena wan Chu mɔɛ n ma, min‑na a ma, a‑a Pɔɔ da a tɔndenɛ to pimbi chenɛ a.

CHISƆSI 'A SƆ MƆƐ NU 25:9

Chɛɛ Kɔfana Fesɔsi toen ni, a wakoe a ni dia Chu mɔɛ n ye, mbɛ a‑a Pɔɔ ɔ tisa, a ɔ, “E dɔn‑da wan, n ni i a ta Chuusaɛn duu ɔ, i 'a bai chɛ sa koe a nɔ?”

CHISƆSI 'A SƆ MƆƐ NU 4:13

Chu kuti wa chɛ a fii‑a wan, a ɔ yen koe a Pita an fea Chɔn na, an ni bai sa tena buɛ min dɔ yaagbɛa a. Kun ti chɛ n‑na a ɔ sɔn fan, mbɛ mɔ gbama gbama ni Pita n na, miin gbu nii ma gboo sɔn ba chɛ. A yɛ to, an‑na a ɔ sɔn fan to a tima chɛ a, mbɛ an ni wan tee Chisɔsi fɛ.

Gboo Kadesia Ko A 1:10

Ni n ma‑a chɛ fɔ‑a, n mbe ee ka a ma‑a na tea tea ɔ, mɔ gbu n ni to n na. Chɛɛ n mbe a ma tena wan ka, Yataa faa ni chima n na. Ni n toen ni tun mɔ gbu n faa ma koe an na, n nii che ma‑a tima chɛ a, Chasi 'a wai chɛ mɔɛ a.

Gboo Saa Tɛsadonika Ko A 2:4

Chɛɛ nn mbe koɔ wan, yɔ Yataa toen mu nn ni a 'a sakana bai chɛ fɔ buɛ min dɔ, nn sɔen mu min fɔ koe a. A‑a nn dɔ siman fan, a‑a a yen gbɛ mbɛ ɛ che wan dan‑da nn na. Nn ta wai mu min na, an nɛ, Yataa faa ma koe n ma koe a. Chɛɛ nn mbe ee mɔ gbu n faa ma koe n fan ma. An‑na nn yii ma koe n dɔ sɔn.