CHISƆSI 'A SƆ MƆƐ NU 12:21 - Yataa 'a Dɔbɛnɛ Nama

²¹ Tee chɛ ma, Mansa Ɛdɔdi‑a min yian ka an tɛ ɔ bai sa koe a, an bɛ an na, a‑a a ma chii wan a 'a mansa ma chii a. Mbɛ a si‑a, a 'a mansa sea a, koɔ koe a an tena, a ma kawaen ba ɔ.

CHISƆSI 'A SƆ MƆƐ NU 12:21 ပူးပေါင်းရင်းမြစ်များ

MATIU 27:19

Kɔfana Padeti to‑a si ɔ tongbo kɔɔ wan bai chɛ kun ma, mbɛ a 'a musu‑a sakana a na a tena, a si Chisɔsi ma. Musu chɛ‑a a fɔ wan sakana chɛ ɔ, mbɛ Kɔfana Padeti ma a boo kan kɔ kan chɛ Chisɔsi fa koe ɔ. A ɔ, Chisɔsi mu mɔ tanden ba an na, min ma ko yama kan kɔ kan ma ni. A ɔ, a faa gbaaen ba mu, a si cho ma, a‑a min chɛ an su chɛ ɔ, a si Chisɔsi ma.

CHISƆSI 'A SƆ MƆƐ NU 12:20

Mansa Ɛdɔdi faa tɛen fan ni gbɛ Taya duu ɔ mɔɛ n ma, an bɛ Sidon mɔɛ n na. A sin, an duu fea chɛ ɔ mɔɛ n na‑a wan kaina dɔndɔɛ. An‑na kai Basɔsi pɛn tan, min ni Mansa Ɛdɔdi 'a kata kun ma, ni a boo fenɛ gbɛɛ. An‑na a ɔ tisa wan, an dɔ, a ni an deman, an ni koɔ Mansa Ɛdɔdi tena. An toen ni, Mansa Ɛdɔdi faa ni chima an boo ɔ, koe min na mu, an 'na daun fenɛ ni ka nɔ, a 'a chɛnyɛ chɛ an dɔ.

CHISƆSI 'A SƆ MƆƐ NU 12:22

A ni kɛn koɔ tena, mɔɛ chɛ n gbɛɛ‑a yee tɛ wan, an dɔ te, “Mɔ gbu ee koɔ ka. Yataa an mbe ka koɔ tena.”

CHISƆSI 'A SƆ MƆƐ NU 24:1

Tee duu gbakɔ, an na‑a kɛn Pɔɔ a Sisayea duu ɔ, mbɛ Ananiyasi, min ni tɛ mɔ wa a, Chu n tɛ Yataa a, a yii‑a wan nɔ an duu chɛ ɔ, an bɛ Chu gbakoo dɔ n na. Dɔya dɔndɔ wɛɛ ni wan an tɛ ɔ, min tɔ ni Tatudɔsi. An ta‑a wan Kɔfana Fedisi 'a kuti ɔ, mbɛ an‑na koe gbɛɛ ɔ yian, Pɔɔ‑a miin ma.

CHISƆSI 'A SƆ MƆƐ NU 25:23

Banda ɔ ka‑a kɛn, mbɛ Mansa Akipa na‑a, an fea Banisi a, basɔmaya wa ɔ, mɔɛ ni min be tena an ma. Mbɛ an don‑da tongbo wa chɛ kɔɔ, an bɛ soya n ya ɔ sɔɛ chɛ n na, a basan duu ɔ gbakoo n na. Mbɛ Kɔfana Fesɔsi‑a a fɔ, a ɔ, an ni na Pɔɔ a, kuti chen kɔɔ.